Новите министри ќе ги спроведуваат осмите вонредни избори во Бугарија, закажани за април - Канал 5

Балкан

Новите министри ќе ги спроведуваат осмите вонредни избори во Бугарија, закажани за април

Мандатарот за состав на техничката влада во Бугарија, Андреј Ѓуров и официјално ги претстави имињата на министрите кои треба да ги спроведат предвремените парламентарни избори закажани за 19 април.

Новите министри ќе ги спроведуваат осмите вонредни избори во Бугарија, закажани за април

Во кусото обраќање пред претседателката Јотова, тој истакна дека предложениот кабинет е составен во рамки на законските рокови и изрази очекување дека тие ќе бидат потврдени во Народното собрание. Јотова пак, порача дека има големи очекувања од техничката влада, особено во делот на надворешно-политичките приоритети. Иако Македонија не беше директно спомената, бугарската претседателка нагласи дека се неопходни како што кажа, тврди позиции за националните интереси кои ќе се бранат пред европските партнери.

-Што се однесува до надворешно – политичките приоритети, силно се надевам дека предложените од вас министри, како и политиката на целата влада ќе прекинат со претходната политика. Дека ќе имаме тврди национални позиции кои ќе ги заштитуваме пред нашите европски партнери во еден процес на преиспитување на европските политики и промени. Гласот на Бугарија треба да биде доволно силен и на висок тон, така како што прават и другите држави, - Илијана Јотова – Претседателка на Бугарија.

За министер за надворешни работи е предложена Надежда Нејнски, која во минатото веќе има искуство како шеф на дипломатијата, во периодот од 1997 до 2001 година во владата на Иван Костов. Потоа била претседател на политичката партија СДС, пратеник, член на Европскиот парламент и амбасадор во Турција. Иако таа е малку позната за пошироката македонска јавност, нејзините ставови за Македонија не отстапуваат од официјалните бугарски позиции.

-Македонското општество треба да си одговори до кој степен Македонија навистина сака да стане членка на ЕУ. Затоа што јас сметам дека актуелната политичка елита во Македонија се стреми да ја води земјата на алтернативен пат на ЕУ. Не случајно се говори за европски пат и за српски пат и во тој однос според мене, актуелните политичари во Македонија бараат изговор, односно бараат виновник за тие да не бидат примени во ЕУ,- - Надежда Нејнски – Кандидатка за министерка за надворешни работи во техничката влада на Бугарија (21.09.2024)

Парламентарните избори кои новата техничка влада во Бугарија треба да ги организира и спроведе ќе бидат осми по ред од 2021 година, а доаѓаат откако последната политичка влада падна по бранот на улични протести против корупцијата.

Според последните анкети кај нашиот источен сосед, во водство е Румен Радев кој минатиот месец си поднесе оставка од функцијата и најави дека наскоро ќе претстави коалиција од постоечки политички субјекти.

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 12 возачи поради „безобѕирно управување возило“, деветмина возеле без положен возачки испит

Во текот на изминатото деноноќие, на различни локации во државата, лишени од слобода 12 возачи поради „безобѕирно управување возило“, деветмина возеле без положен возачки испит

Лишени од слобода 12 возачи поради „безобѕирно управување возило“, деветмина возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување возило“ по член 297-а од Кривичниот законик.

Од нив, деветмина управувале возило без положен возачки испит и тоа: Д.Д.(26) од Скопје, М.Б.(29) од с.Црн Врв, скопско, М.П.(18) од с.Мршевци, скопско, 15-годишник од с.Студеничани, скопско, Н.Б.(48) од Битола, А.А.(44) од Битола, И.К.(51) од с.Виничани, Општина Градско, 16-годишник од Велес и Љ.М.(61) од с.Стамер, делчевско.

Со активна забрана и под дејство на алкохол управувале Б.Б.(60) од с.Зајас, кичевско и М.М.(37) од Велес. Додека пак, под дејство на алкохол управувал Љ.Џ.(48) од с.Разловци, делчевско. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мерц и Зеленски во Киев оддадоа почит на загинатите украински бранители

Германскиот канцелар Фридрих Мерц и претседателот на Украина Володимир Зеленски денеска во Киев им оддадоа почит на загинатите украински бранители.

Мерц и Зеленски во Киев оддадоа почит на загинатите украински бранители

„Ние го цениме почитувањето кон нашите војници и солидарноста со украинскиот народ. Важно е што во овој тежок момент Германија е со нас – во поддршка и во сеќавање. Вечна почит кон сите бранители на украина кои ги дадоа своите животи за доброто на Украина и цела Европа“, објави Зеленски на телеграм, пренесува Укринформ.

Германскиот канцелар Фридрих Мерц го повика рускиот претседател Владимир Путин да ги прекине нападите врз Украина.

-„Господине Путин, запрете ја оваа. Бесмислена војна! Подготвени сме за преговори, подготвени сме да разговараме за нејзино прекинување. Но, овие варварски напади врз цивилното население на Украина мора да престанат“, изјавил Мерц.Тој и Зеленски ја посетија националната академија на науките во Киев, која беше погодена во напад со дрон во понеделникот.

YouTube video

YouTube video

Тагови: Володимир Зеленски Киев Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Есенска дератизација во Општина Аеродром

Есенска дератизација деновиве се спроведува на целата територија на Општина Аеродром, со цел уништување на глодачите и заштита на здравјето на населението.

Есенска дератизација во Општина Аеродром

Опфатени се 3.000 шахти, во кои се поставуваат 9.000 мамци, како и во сите основни училишта и градинки на територијата на општината.

Есенската и пролетната дератизација се важна превентивна мерка за заштита на населението од појава и ширење на болести што ги пренесуваат глодачите и се спроведуваат во соработка со Центарот за јавно здравје - Скопје.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер