Новиот Закон за високо образование наскоро на владина седница - Канал 5

Македонија

Новиот Закон за високо образование наскоро на владина седница

Законот за високо образование наскоро влегува  во собраниска процедура, откако се очекува да помине на владинат седница.

Новиот Закон за високо образование наскоро на владина седница

Министерката Весна Јаневска, вели законот во моментов е во фаза на детална правна проверка, а законското решение е резулат на транспарентен процес што траел повеќе од една година и вклучил консултации со сите засегнати страни. јаневска ги отфрли како неосновани тврдењата дека законот ќе ја наруши автономијата на универзитетите и ќе создаде нееднаквост меѓу студентите.. воедно, повика законите од сферата на образованието, да не бидат предмет на политички пресметки, туку да добијат поширока поддршка, со цел да се унапреди високото образование, чиј квалитет, според неа, значително опаднал по законското решение од 2018 година.

- Со овој закон и негова доследна примена ќе спречиме понатамошнен пад на квалитетот на високото образование и на среден рок целосно ќе го промениме правецот. Државата ќе ги обезбеди сите неопходни услови за имплементација,- Весна Јаневска – министерка за образование и наука.

Според премиерот Христијан Мицкоски, новиот закон треба да стави крај на долгогодишните слабости во високообразовниот систем и да го подобри неговиот квалтет преку поголеми вложувања, стимулирање на научната работа и создавање услови младите да останат и да се развиваат во земјата.

-Мора да понудиме квалитет ако сакаме да имаме генерации коишто утре ќе ја водат оваа држава. Со импровизирање и со адхок решенија или решенија што се креирани само за една мала група на луѓе не можеме да одиме напред,- Христијан Мицкоски – претседател на Влада .

Законот го поздравија и седумте ректори од државните универзитети во земјава, кои меѓудругото очекуваат тој да овозможи целосна финансиска автономија на универзитетите, но и поголема практична настава.

-Да работиме на подобрување на квалитетот, да бидеме отчетни и да одговориме на она што се очекува од нас – да дадеме квалитетни знаења на нашите студенти,- Билјана Ангелова – ректорка на УКИМ.

-Ние како академска заедница да не се стремиме кон комфорт или пониски стандарди, туку да бараме систем кој ќе ни овозможи да ги подржиме и највисоките стандарди и барања,- Дејан Мираковски – ректор на Универзитет „Гоце Делчев“ .

На поголема инклузија на Националното студенско тело, како и на поголема внимателност во финансирањето во високото образование повика студентскиот претставник Александар Николовски.

-Сметам дека од сега па натаму како Влада, како претсавници на граѓанскиот сектор сите ние треба да размислуваме за реформи, а не за решавање на проблеми посебно во делот на фунционалноста на високото образование односно вложувања,- Александар Николовски – студент.

Николовски побара Владата да го разгледа проблемот со греењето на Педагошкиот факултет во Битола, каде зимава немало настава бидејки немало парно, студентите од Медицинскиот факултет во Штип оделе на пракса во Скопје, бидејки Клиничката болница не била изградена

YouTube video

Тагови: МОН УКИМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Македонските каратисти освоија 20 медали на 38. ЕТКФ Европски шампионат

Македонската репрезентација во традиционално карате на 38. ЕТКФ Европски шампионат за сениори, јуниори и кадети одржан на 5 јули 2026 освои вкупно 20 медали – 4 златни, 6 сребрени и 10 бронзени.

Македонските каратисти освоија 20 медали на 38. ЕТКФ Европски шампионат

Со тоа Македонија го освои третото место во генералниот пласман.

Најуспешен македонски натпреварувач беше Матеј Мангаровски, кој во јуниорска конкуренција освои 3 златни, 2 сребрени и 1 бронзен медал.

Одличен настап имаше и Матеј Јарчевски, кој освои 1 златен, 1 сребрен и 2 бронзени медали во младинска и сениорска конкуренција.

Камелија Недев освои 2 сребрени и 2 бронзени медали во јуниорска и сениорска конкуренција, Лика Билбилов се закити со 1 сребрен медал, Софија Јарчевска освои 3 бронзени медали, а Јана Милевска освои 2 бронзени медали во кати, поединечно и екипно, во сениорска конкуренција.

Во генералниот пласман, Италија го освои првото место, Полска второто, а Македонија третото место.

На Европскиот шампионат настапија 265 натпреварувачи од 12 земји.

Шампионатот свечено го отвори Дејан Недев, во својство на претседател на Европската федерација за традиционално карате (ЕТКФ).

Македонска традиционална карате федерација (МТКФ)

Тагови: карате

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Владата на ВМРО-ДПМНЕ инвестира во младите од август започнува програмата „Месеци на практикантство“ во општините

Вревен приоритет на владата на ВМРО ДПМНЕ се младите за кои се создаваат услови да ја градат својата иднина дома.

ВМРО-ДПМНЕ: Владата на ВМРО-ДПМНЕ инвестира во младите од август започнува програмата „Месеци на практикантство“ во општините

Министерството за локална самоуправа и Агенцијата за иновации, научно-технолошки развој и претприемништво -ИНОВА воспоставуваат стратешка соработка која ќе донесе нов пристап во развојот на општините преку активното учество на младите.

Во текот на август и септември започнува програмата „Месеци на практикантство“, во соработка со државните универзитети преку која студентите директно ќе се вклучат во работата на општините. Наместо да бидат неми набљудувачи, младите ќе станат активни учесници во подобрувањето на локалната самоуправа.

Агенцијата ќе го координира вклучувањето на студентите, додека Министерството за локална самоуправа, преку Ресурсниот центар за поддршка на општините и воспоставениот меморандум за соработка со државните универзитети, ќе ја организира и координира практична работа согласно реалните потреби на општинските администрации.

Додека СДС со години само зборуваа за младите, Владата предводена од ВМРО-ДПМНЕ презема конкретни чекори што отвораат можности и перспективи во Македонија.

Истовремено, преку грант-програмите на ИНОВА ќе се поддржат стартапи, иновативни компании и претприемачи кои ќе понудат конкретни решенија за проблемите на општините. Средствата ќе одат кај идеи што носат резултати, а не кај проекти што завршуваат во фиока.

Владата на ВМРО ДПМНЕ инвестира во младите, се создаваат реални можности за работа, развој и професионално усовршување.

Се креираат повеќе можности за младите, посилни општини и поквалитетни услуги за граѓаните. Државата конечно ги поврзува локалната самоуправа, универзитетите, иновативниот сектор и бизнис-заедницата во еден функционален систем.

Разликата е очигледна. СДС со години ја празнеше Македонија и ги тераа младите да ја бараат својата иднина надвор.

Владата на ВМРО-ДПМНЕ создава услови младите да останат, да работат, да напредуваат и да ја градат својата иднина токму овде.

ВМРО-ДПМНЕ продолжува со политики што носат мерливи резултати, наместо празни флоскули.

Целта на Владата на ВМРО-ДПМНЕ е модерна, развиена Македонија во која младите ќе бидат двигател на промените, а не генерација што ќе биде принудена да замине.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Смртоносни руски напади го погодија Киев во пресрет на патувањето на Трамп на самитот на НАТО во Турција

Главниот град на Украина, Киев, беше цел на смртоносен руски напад рано утринава , во пресрет на критичниот самит на НАТО во Турција, на кој треба  да присуствува и американскиот претседател Доналд Трамп.

Смртоносни руски напади го погодија Киев во пресрет на патувањето на Трамп на самитот на НАТО во Турција

Експлозии го осветлија ноќното небо додека балистички ракети и беспилотни летала погодија делови од градот, убивајќи најмалку 11 лица и ранувајќи десетици други, соопштија градските власти. Станбените згради беа тешко оштетени во нападот, оставајќи ги луѓето заробени во повеќекатните станбени блокови, додека автомобили беа опожарени по градските улици.

Украинскиот претседател Зеленски само неколку часа претходно предупреди дека Москва „подготвува нов масовен удар“, а новиот напад доаѓа само неколку дена по свирепиот руски напад врз Киев минатиот четврток во кој загинаа 30 лица.

Тагови: Киев НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер