Новиот маникир на Хејли Бибер е планетарен хит!

Познатата манекенка и сопруга на пејачот Џастин Бибер, Хејли Бибер, на почетокот на пролетта воведе нов моден тренд за стилизирање на ноктите, популарно наречен „глазиран детаљ“. 

Овој стил на маникир подразбира елегантен ефект како оној што се добива со нанесување на блескав завршен сјај.

Како што најавија модните експерти за оваа есен, сјајот и светките се неизоставен дел од стилот.

@haileybieber I know we’re tired of my constant color switch up but… the chocolate glazed donut nails are really hitting for me for fall 🤤🤎🍩🍩🍩🍩🍩 @zolaganzorigt ♬ original sound - jex

Хејли новообјавениот тип на маникир како дел од нејзиниот тренд го нарече „chocolate glazed donut“ (глазура од чоколадни тонови). Таа објави видео од нејзините нокти на својот TikTok, кое веќе има 7,9 милиони прегледи.

Инаку, за ваквиот маникир „глазиран детаљ“ како основа се користи млечно бел лак, додека за новите „чоколадни нокти“ потребно е да се земе потемен лак од бојата на кожата или светло чоколаден лак. На крај ноктите се премачкуваат со проѕирен светкав лак во потопол тон.

извор

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер