Новинарите во цела Грција стапија во 24- часовен штрајк: Бараат враќање на 13. и 14. плата - Канал 5

Балкан

Новинарите во цела Грција стапија во 24- часовен штрајк: Бараат враќање на 13. и 14. плата

Новинарите од цела Грција стапуваат во 24-часовен штрајк, приклучувајќи се на протестите и изразувајќи солидарност со граѓаните.

Новинарите во цела Грција стапија во 24- часовен штрајк: Бараат враќање на 13. и 14. плата

Штрајкот започна денеска, вторник, 19 ноември 2024 година во 5 часот наутро и ќе продолжи до среда, 20 ноември 2024 година во истото време.

- Согласно одлуката на ПОЕСИ и другите синдикати, ЕСИЕПИН се приклучува на 24-часовниот штрајк на новинарите во сите медиуми, како дел од протестот што го најави ГСЕЕ (Генералната конфедерација на грчките работници) - стои во соопштението на ЕСИЕПИН (Синдикат на Новинари на дневните весници на Пелопонез, Епир и островите).

Во штрајкот се вклучени новинари вработени во весници, списанија, државни, локални и приватни радио и телевизиски медиуми, новински агенции, како и портали и други медиуми, како во приватниот така и во јавниот сектор, пренесува Cretapost.

Синдикатите на новинари и медиумски работници го осудуваат одбивањето на работодавачите да преговараат за колективни договори во приватниот сектор, што резултира со ниски плати кои не ги покриваат основните животни потреби, особено во период на зголемена инфлација.

Истовремено, целото општество е соочено со нагло поскапување на основните животни намирници, струјата и парното, што ги става во тешка положба работниците и хонорарците.

Новинарите бараат:

- Колективни договори во сите медиуми и зголемување на платите и пензиите;

- Мерки за борба против инфлацијата и заштита на животниот стандард;

- Достапно и квалитетно домување за сите;

- Мерки за намалување на невработеноста,

- Враќање на 13-та и 14-та плата во јавните медиуми и формирање на истата за пензии и

- Зголемување на веродостојноста и плурализмот во медиумското известување.

Со овој штрајк новинарите испраќаат порака за важноста на слободните и доверливи медиуми кои се клучни за функционирањето на демократијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Приведени две лица во Охрид поради агресивно однесување кон полицајци

Министерството за внатрешни работи соопшти дека во Охрид се уапсени две лица поради агресивно однесување кон полициски службеници. 

Приведени две лица во Охрид поради агресивно однесување кон полицајци

-На 31.10.2026 во 22.35 часот, во угостителски објект во Охрид, приведен е А.Н.(46) од Охрид кој претходно бил агресивен кон полициските службеници кои извршиле контрола во објектот и затекнале малолетни лица кои биле послужени со алкохолни пијалоци. По целосно документирање на настанот, против него и против правниот субјект, ќе биде поднесена соодветна пријава.На 01.11.2026 година во 03.08 часот, на паркинг простор во Охрид приведен е Г.Н.(28) од охридско село кој го нарушил јавниот ред и мир со викање а потоа и со агресивно однесување кон полициските службеници кои вршеле службени дејствија. По целосно документирање на настанот, против него ќе биде поднесена соодветна пријава, стои во соопштението од МВР.

Тагови: охрид полицијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Охрид приведен радовишанец поради напад на сопругата

Во Охрид е приведен 50 годишен жител на Радовиш поради семејно насилство. 

Во Охрид приведен радовишанец поради напад на сопругата

-На 31.10.2026 година во 19,30 часот, во СВР Охрид лишен од слобода е О.О.(50) од Радовиш, по претходна пријава дека во дом во Охрид каде привремено престојувал, физички ја нападнал неговата сопруга. По целосно документирање на настанот, против него ќе биде поднесена соодветна пријава, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Италијанците воодушевени од Лука Модриќ

Милан победи против Интер со резултат 3:1 во големото градско дерби, а асот на црвено -црните, Хрватот, Лука Модриќ уште еднаш беше еден од најистакнатите актери.

Италијанците воодушевени од Лука Модриќ

Хрватскиот играч за врска ги одигра сите 90 минути, а италијанските медиуми беа особено воодушевени од неговиот потег што му претходеше на третиот гол на „росонерите“.

Како што пренесува „Тутомеркатовеб“ (Tuttomercatoweb), по прекршокот на Николо Барела врз Јунус Муса, Диего Мореира му пријде на Модриќ и побара од него да му го препушти изведувањето на слободниот удар.

Искусниот играч од средниот ред се согласи, а Белгиецот упати спектакуларен удар преку „живиот ѕид“ и го совлада Жозеп Мартинез за конечни 3:1. За својата игра, Модриќ доби оценка 7,5 од порталот „MilanNews“, при што беше спореден со диригент кој управува со играта на целиот тим.

„Тој ја презема улогата на диригент и го води целиот оркестар на Милан, го одредува ритамот на играта и го менува темпото кога е потребно.

Семоќен и величествен“, се наведува во образложението. Највисока оценка, 8,5, доби стрелецот на спектакуларниот гол, Диего Мореира, додека Адриен Рабио, Мајк Мењан и Страхиња Павловиќ беа оценети со 7,5.

Тагови: Лука Модриќ Милан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер