Нови искричења во владата – Касами не го сака Лимани, Мицкоски не го дава - Канал 5

Македонија

Нови искричења во владата – Касами не го сака Лимани, Мицкоски не го дава

Се заострува реториката во владината коалиција – Лидерот на БЕСА, Билал Касами не го сака повеќе својот потпретседател на партијата Фатмир Лимани како министер и дел од владата..

Нови искричења во владата – Касами не го сака Лимани, Мицкоски не го дава

Се заострува реториката во владината коалиција – Лидерот на БЕСА, Билал Касами не го сака повеќе својот потпретседател на партијата Фатмир Лимани како министер и дел од владата.. Лимани пак најави став но вели ке го почека исходот од вечерашното собрание -„Ќе се произнесам, да видиме дали имаат „сила“ за донесување на крајна одлука“ - изјави за Канал 5 Лимани... Мицкоски пак на лидерот на БЕСА му порача дека тој е мандатар и е задоволен од работата на министерот за социјална политика, демографија и млади.

-Јас сум задоволен со работењето на господинот Фатмир Лимани и мислам дека е додадена вредност во министерството за социјална политика, демографија и млади. Јас сум мандатар на Владата и јас ја составувам Владата, ако тоа некој го заборавил, еве да го потсетам,- Христијан Мицкоски – Претседател на Влада.

Лимани сепак не одговори дали ќе се појави на вечерашното централно собрание на БЕСА, каде се очекува да биде во фокусот, откако и денеска Касами потврди дека тема ќе биде одговорноста на функционерите на партијата во владата.

-Она што имав да го кажам, го кажав вчера. Во вечерните часови ќе имаме одлука на Претседателството каде ќе зборуваме за нашите актиности или за она што го кажав, за одговорноста на нашите функционери во владата,- Билал Касами – Претседател на БЕСА.

Касами вчера во ТВ гостување отвори уште едно прашање – најави дека евентуална владина реконструкција би го опфатила и министерот за правда – Игор Филков, што следува по ставот на министерот дека двојазичен правосуден испит би бил незаконски и противуставен. На прашањето дали е можна промена во Правда, Мицкоски помалку иронично одговори дека можеби треба да се праша лидерот на Беса, а Филков пак на Касами му порача дека ќе бира министри кога ќе стане премиер.

-Кога ќе биде Билал Касами премиер, тогаш веројатно тој ќе кажува кој ќе биде министер, а кој не, а дотогаш владеењето на правото, односно почитувањето на Уставот и законите ќе важи за сите. Во моментов таква можност нема, остануваме отворени за дискусија,- Игор Филков – Министер за правда.

Филков воедно одговори и на најавите за кривична пријава од страна на ДУИ поради правосудниот испит. Вели дека национал-романтичарските теми се битни за политичари од минатиот век. Вели, во моментов се работи на просперитет и владеење на правото, а останатото кажа ќе заврши на тажната страна на историјата.

YouTube video

Тагови: Владата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер