Во исто време, во истиот контекст, предупреди дека „ако младите продолжат да си заминуваат, нивното место ќе го заземат луѓе од трети земји“.

Од кои трети земји, кога Македонија е во таа група? Да не мисли на мигранти?

Ова се две меѓусебно исклучувачки пораки од еден ист премиер, во еден ист ден.

Ако младите навистина масовно се враќаат, зошто тогаш зборува за тоа дека нивното место ќе го заземат странци?

Ако младите продолжуваат да заминуваат во толкава мера што треба да се доведуваат луѓе од трети земји, тогаш целата приказна за „враќање во татковината“ е обична лага и политички маркетинг.

Ова е уште еден доказ дека Мицкоски и ВМРО немаат ниту сериозна демографска политика, ниту вистинска стратегија за задржување на младите.

Имаат само противречни изјави, приспособени на дневните потреби на медиумскиот наратив.

Наместо да создаваат услови младите да останат и да се враќаат преку работни места, повисоки плати, станбена политика и европска перспектива, тие продолжуваат со празни фрази и спинови.

Граѓаните веќе не веруваат во овие противречности.

Младите не се враќаат затоа што нема ЕУ-интеграција, нема перспектива. Младите не сакаат да се вратат во изолирана Македонија, слепо црево на Балканот.

А Мицкоски, наместо да ја решава таа реалност, продолжува да ја маскира со контрадикторни изјави.

Но, ова не е прв пат Мицкоски да има две различни лица и две спротивставени позиции.

Кога беше во опозиција, Мицкоски остро се спротивставуваше и го напаѓаше Преспанскиот договор.

Денес, како премиер, го нарекува „ремек-дело на дипломатијата“ и вели дека е најдоброто што можело да се постигне. Сиљановска го потврди тоа - заштитени се културата, јазикот и националниот идентитет.

Кога беше во опозиција, беше против влезот во НАТО. Денес оваа организирана криминална група, ВМРО, тврди дека НАТО е „најдоброто за безбедноста и за странските инвестиции“, во исто време кога инвестициите паднаа за 60%.

До пред два месеца најавуваше Влада со полн мандат, а сега постојано повикува на предвремени избори.

Сега, кога станува збор за младите, ја повторува истата шема.

Едниот Мицкоски вели дека младите се враќаат. Другиот Мицкоски вели дека, ако не се вратат, нивното место ќе го заземат луѓе од трети земји - мигранти (економски работници, како што ги нарекува сега).

Ова не е политика. Ова е политичка шизофренија и континуирано менување на позициите според моменталната потреба.

Граѓаните веќе не веруваат во овие противречности. Едниот Мицкоски лаже, другиот ги правда лагите. А вистината е дека младите не се враќаат затоа што оваа Влада нема ниту капацитет, ниту волја да создаде услови тие да останат или да се вратат.

Ете, двајца Мицкоски, па нека си избере секој кого сака.

Оној што лаже или оној што се правда затоа што лаже.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерството за спорт успешно реализира уште еден проект од програмата за изградба и обнова на спортската инфраструктура. Велес доби современа атлетска патека според ИААФ стандарди со што во рекорден рок е исполнето ветувањето на министерот Борко Ристовски пред велешките спортисти и спортски работници кои со децении водеа битка за зачувување и реконструкција на овој значаен спортски објект.

Министерот Борко Ристовски заедно со градоначалникот Марко Колев и со најдобриот македонски маратонец, Дарио Ивановски, денеска официјално ја пуштија во употреба комплетно реконструираната атлетска патека на градскиот стадион во Велес која е направена според највисоки ИААФ стандарди и нуди најсовремени услови за тренинг и натпревари.

Ветувањата имаат тежина само ако ги исполнуваме, порача министерот Ристовски, изразувајќи задоволство од брзата и успешна реализација на овој капитален проект на Министерството за спорт.

„Драго ми е што излеговме во пресрет на барањата на велешани и што го исполнивме ветувањето. Оваа атлетска патека комплетно ја реконструиравме во рекодно време, почнавме кон средината на април и за два месеци патеката е готова. Ние како Министерство за спорт и како Влада ќе се трудиме секогаш да помагаме таму каде што барањата соодветствуваат на нашите можности. Најважно од сѐ е дека отпочнавме еден капитален бум низ целата држава. Вакви проекти реализираме низ целата држава и ова не е важно само од спортски аспект, важно е и за рекреирање, важно е и за социјалниот живот и за градење на вредности кои како Министерство за спорт сакаме да ги промовираме, особено меѓу младите“ – истакна Ристовски.

Вкупната вредност на проектот финансиран од Министерството за спорт, изнесува 19.290.000 денари, а со реконструкцијата која беше почната во април годинава, отстранет е стариот тартан, извршено е тампонирање, асфалтирање и поставена е нова еластична спортска подлога со ИААФ сертификат.

Атлетската патека е со вкупна квадратура од 4700 м2 . Од вкупната површина, 3900 м2 е подлога на кружната атлетска патека, а 800 м2 е подлога во просторот позади голот која е наменета за други атлетски дисциплини.

Патеката е исцртана со 6 ленти освен на правиот дел од 100 м поред трибината кој има 8 ленти . Ширината на една лента е 1.22 м. Исто така патеката е маркирана за сите атлетски дисциплини по ИИАФ стандарди.

Ова е втор ваков проект на Министерството за спорт, по атлетската патека која беше изградена во Гевгелија во 2024 година, како дел од над 70 проекти што се реализирани во изминатите две години низ целата држава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во интервју за „The Wall Street Journal“, извршниот директор на „Apple“ во заминување практично потврди дека доаѓаат повисоки цени за производите на компанијата. „За жал, зголемувањата на цените се неизбежни“, изјави Тим Кук за весникот. „Правиме сè што можеме за да ги ублажиме огромните зголемувања на трошоците што ни се наметнуваат и да се обидеме да ги заштитиме нашите клиенти од овие зголемувања на цените, но ситуацијата стана неодржлива“.

„Снабдувањето е ограничено во време кога потрошувачите сакаат уреди, а производителите на меморија ни даваат огромни зголемувања на цените“, рече тој. „Дефинитивно треба да ги вратиме цените и понудата на меморија на разумно ниво за производите за широка потрошувачка. Тоа е суштината“.

Интервјуто на Кук беше типично дипломатско. Се чини дека тој избрал да биде оној што ќе ги соопшти лошите вести, наместо да дозволи неговиот наследник, Џон Тернус, да го претрпи ударот и јавниот гнев поради претстојното зголемување на цените. Тој, исто така, призна колку екстремен стана пазарот на „RAM“ меморија и складирање: „Никогаш не сум видел нешто вакво во која било индустрија повеќе од 40 години“. „Apple“ не е првата технолошка компанија што ја дава во суштина истата изјава. „Samsung“, „HP“, „Microsoft“, „Nintendo“ и „Valve“ во последните месеци проговорија за влијанието на вртоглавото зголемување на трошоците и побарувачката за „RAM“ меморија.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.