Нови два анекса на договорот за автопатот Кичево-Охрид, најавена интензивна изградба - Канал 5

Македонија

Нови два анекса на договорот за автопатот Кичево-Охрид, најавена интензивна изградба

 Владата денеска усвои Предлог-закон за нов анекс на Договорот за изградбата на автопатот Кичево – Охрид во должина од 57 километри со кинески „Синохидро“.

Нови два анекса на договорот за автопатот Кичево-Охрид, најавена интензивна изградба

Анекс со кој се овозможува ослободување на 205 милиони евра од претходно обезбедените финансии за проектот, со што ќе се интензивираат градежните активности на терен и ќе се овозможи исплата на домашните компании ангажирани како подизведувачи.

Со предлогот е предвидено со нов, трет анекс, пак, што би се склучил околу 10-ти следниот месец да се утврдат цените за дополнителните градежни работи неопходни за одблокирање на проектот што беше во застој поради проблеми со проектната документација, несоодветни геомеханички испитувања, нерешена експропријација на земјиштето.

Вицепремиерот за економски прашања Кочо Анѓушев и министерот за транспорт и врски Горан Сугарески по денешната седница на Владата најавија дека законот уште денеска ќе биде испрати во Собранието. Со тоа, како што истакнаа, почнува да се решава проблемот за овој капитален проект, кој заедно со планираното интензивирање на работите за железничката делница Куманово – Бељаковце и за гасоводот треба да овозможи подобрување на состојбите во градежништвото по големиот пад во изминатиот период.

Анѓушев појасни дека Владата одлучила да го продолжи проектот затоа што согласно со договорот што го склучила претходната власт со „Синохидро“, реалната состојба на терен и обврските што не ги исполнила македонската страна, изведувачот најавил низа жалби со кои ќе се плателе големи оштетни побарувања и можело да дојде до ситуација и воопшто да не се изгради патот. Во таква ситуација ќе имало огромни штети за ангажираните домашни компании и ќе се предизвикал домино ефект врз целата економија. Со помош на домашни и странски експерти и консултанти успеале да договорат „Синохидро“ да се откаже од жалбите, а услов за македонската страна со преговарите кои се во завршна фаза е значително намалување на разликите во цените со подизведувачите согласно ФИДИК правилата.

- Од она што го имавме како евиденција цените коишто се плаќани од страна на нашите претпријатија кон „Синохидро“, а понатаму за истите тие работи кај што работеле подизведувачите што „Синохидро“ ги платил кон македонските подизведувачи, во просек има разлика во цената од 56 проценти. Тоа е така направено во основниот договор, а ние тоа не можеме да го продолжиме. Апсолутно беше услов и без тој услов не продолжуваме, односно тие разлики во цените да се намалат и да бидат согласно ФИДИК правилата, да има цена на подизведувач, признаен трошок на изведувачот..., рече Анѓушев.

Во преговорите, дополни, мислам дека тие разлики ќе ги намалиме до 10 проценти, што значи дека ќе се направи 46 проценти разлика во цената за дополнителните количини кои се надвор од договорот, и кои ќе следат, а кои се предизвикани од дополнителните клучки, усеци, регионални патишта, и промена на технологија на тунелот.

Очекува во септември, октомври и доколку дозволат временските услови и во текот на зимата, интензивно да се работи и да има сериозна градежна офанзива на оваа делница.

Како што укажа министерот Сугарески, се ослободуваат 205 милиони евра кои ќе можат да се користат по сите ставки бидејќи согласно основниот Договор дел од средствата за одредени ставки не можеле да се користат. - Со овој Предлог закон завршуваме работа за два момента, едниот дел е да продолжи изградбата на сегментите каде е застаната, а вториот е да може да се вршат плаќањата на кинеската компанија кон другите компании кои работат, рече Сугарески.

За изградбата на автопатската траса во должина од 57 километри ќе треба да се примени целосно нова технологија за изградба на тунелот кај Врбјани во должина од четири километри, кој со првиот проект бил предвиден за градба на земјипште со прва категорија, наместо со шестам односно на меко змејиште а не на карпест дел како што с епрепчорачува од експретите. Воедно ќе треба да се градат девет нови клучки и регионални патишта со оглед дека со постојниот проект не е предвидено поврзување на околните населени места со автопатската делница.

Изградбата на автопатот стартуваше во февруари 2014 година и според постојниот договор требаше да чини околу 400 милиони евра.Со продолжувањето на рокот за изградба автопатот треба да биде готов до средината на 2021 година.

Според најавата од министерот Сугарески, рокот за изградба на автопатот Миладиновци-Штип што завршува на крајот на месецов нема да биде пролонгиран од аспект на градежни работи, туку е можно минимално продлжување на активности за поставување сигналзиација и слични активности./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трагедија во Лондон: Три лица загинаа во голем пожар- на терен 100 пожарникари (ВИДЕО)

Три лица загинаа во пожар што избувна во еднокатен павилјон во Вајт Сити, западен Лондон, соопшти денес Лондонската противпожарна бригада.

Трагедија во Лондон: Три лица загинаа во голем пожар- на терен 100 пожарникари (ВИДЕО)

Во соопштението се вели дека две лица се прогласени за мртви на местото на настанот, а дека трет маж, кој бил однесен во болница на понатамошно лекување, починал од повредите, јавува Скај њуз.

Пожарникарите изјавија дека пожарот е ставен под контрола до 21:25 часот.

@breakingnewslondon Three people have died following a major fire on India Way in White City. Emergency services mounted a huge response with 15 fire engines and around 100 firefighters attending the scene. Investigations are now underway as crews remain on site overnight. #BreakingNewsLondon #WhiteCity #LondonNews ♬ original sound - breakingnewslondon

Портпаролот на Лондонската служба за брза помош изјави дека девет лица биле згрижени од службата, а тројца пациенти биле однесени во трауматски центар од местото на настанот.

„Причината за пожарот ја истражуваат специјализирани службеници за истрага на пожари од Противпожарната бригада и Метрополитенската полициска служба“, се вели во соопштението на Лондонската противпожарна бригада.

Тагови: Лондон пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Страшно невреме ја погоди Швајцарија, загина тинејџерка во Цирих (ВИДЕО)

Страшната бура што ја погоди Швајцарија во петокот вечерта одзеде еден живот. 

Страшно невреме ја погоди Швајцарија, загина тинејџерка во Цирих (ВИДЕО)

16-годишна тинејџерка почина од повредите здобиени откако беше удрена од падната гранка од дрво за време на силна бура во Цирих, соопшти Службата за заштита и спасување во Цирих.

Девојката беше итно префрлена во болница во критична состојба во петокот, но лекарите за жал не беа во можност да ѝ го спасат животот. Околностите на несреќата и точната причина за смртта моментално ги истражуваат градската полиција во Цирих, Институтот за судска медицина и надлежното обвинителство.

Повеќе од 15.000 удари од гром и поплави на улиците: 50 литри дожд на квадратен метар

Силна грмотевица се движеше од Урдорф, југозападно од Цирих, кон Винтертур на североисток во петокот околу 18 часот, задржувајќи се над самиот град цели два часа. Според SRF Meteo, повеќе од 15.000 удари од гром се регистрирани низ Швајцарија во текот на оваа бурна ноќ, од кои дури 8.500 беа во самиот циришки регион.

Над 50 литри дожд наврнаа на квадратен метар за многу краток временски период. Огромни количини вода поплавија подземен премин во близина на железничката станица Волисхофен, а главната станица во Цирих беше исто така под голем притисок од водата.

Седум повредени и стотици итни интервенции

Покрај тинејџерката која почина, најмалку шест други лица беа повредени. Во областа Митенквеј, во западниот дел од градот, шест лица претрпеа полесни повреди поради паѓање дрвја, од кои двајца беа хоспитализирани.

Пожарникарите имаа полни раце работа, а едно заробено лице беше успешно евакуирано од зграда каде што нивото на водата нагло се зголеми.

Блокадите на патот, паднатите далноводи, поплавените подруми и предметите што ги носеше ветерот, исто така, придонесоа за уривањето на улиците. Градската полиција, исто така, доби околу 60 пријави, вклучувајќи чамци извлечени од нивните сидришта во кантонот.

Хронологија на хаосот во бројки:

• 15.000+ удари од гром низ Швајцарија (8.500 во регионот на Цирих)

• 50 литри дожд на квадратен метар за кратко време

• 730 повици до противпожарната служба и 130 до службата за брза помош

• 680 интервенции од противпожарните служби низ кантонот Цирих

• 270 итни акции од страна на градската служба за заштита и спасување

Сообраќаен колапс во кантонот Цирих

Поради паднати дрвја и сериозни оштетувања на надземната мрежа, трамвајскиот и автобускиот сообраќај во Цирих беше целосно прекинат.

Оваа бура беше дел од разорен фронт што ја погоди целата земја. Покрај самиот град Цирих, огромна материјална штета беше претрпена и во околните региони како што се Булах, Басерсдорф, Дубендорф, Ерленбах и Мајлен, каде што екипите на терен сè уште работат на санирање на последиците од оваа невидена бура.

Тагови: тинејџерката Цирих

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Се удави дете на плажа во Драч

Денеска околу 10:35 часот во Драч, единаесетгодишно момче од Тирана случајно се удави додека пливаше во морето.

Се удави дете на плажа во Драч

Истражниот тим продолжува да работи на разјаснување и целосно документирање на сите околности на инцидентот на плажата, како и на утврдување на причината за давењето.

За потсетување, децата никогаш не треба да бидат во или во близина на водата без директен надзор од возрасни. Дури и ако детето знае да плива, ситуацијата на море (како што се ненадејни бранови или струи) може брзо да се промени.

Лицето кое ги чува децата не треба да користи телефон, да чита или да се фокусира на други активности што го одвлекуваат вниманието. Давењето често се случува тивко и во рок од само неколку десетици секунди.

Препознавање на брановидни струи: Брановидните струи можат брзо да го одвлечат пливачот од брегот. Ако се најдете во таква, најважно е да не пливате директно назад до брегот, туку паралелно со брегот додека не излезете од струјата, а дури потоа кон копното.

Правила пред да влезете во вода

Постепено ладење: Никогаш не скокајте и не влегувајте во водата одеднаш веднаш по сончање или јадење. Наглите промени на температурата можат да предизвикаат шок во телото, грчеви или проблеми со срцето.

Знајте ги вашите граници: Пливачите, особено децата, не треба да одат премногу далеку од брегот или од областа обележана со бови, дури и ако користат надувувачка опрема (душеци, мускули), бидејќи лесно можат да бидат однесени од ветерот и струите.

Тагови: Драч Албанија плажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер