Младиот Швеѓанец изведе скокови од 95 и 90 метри на скокалницата К-90, освојувајќи вкупно 223 поени.

Второпласираниот Оскар Франсен собра 172,4 поени, што значи дека Линдстрем победи со предност од дури 50,6 поени.

Третото место му припадна на Оливер Јидел, додека четврти беше Елвин Сванборг.

Поискусните натпреварувачи Себастијан Девал и Маркус Фламстрем ги зазедоа последните две места во конкуренција од шестмина скокачи.

Линдстрем го заврши првенството со три победи, бидејќи беше најдобар и во јуниорските категории на нормалната и средната скокалница.

Младиот скокач го сврте вниманието кон себе во февруари, кога триумфираше на „Осло Винтергејмс“ (Oslo Wintergames), победувајќи 23 норвешки натпреварувачи на возраст од 12 до 15 години.

Неговите резултати се особено значајни за шведските скијачки скокови, спорт кој се соочува со недостиг на натпреварувачи. На тој начин, Линдстрем се издвојува како еден од оние што би можеле да ја носат иднината на овој спорт во Шведска.

Дополнителен поттик за развојот на скијачките скокови во таа земја би можело да биде Светското првенство во нордиски скијачки дисциплини, кое ќе се одржи во Фалун во 2027 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Овој отворен дијалог послужи како одлична прилика да се направи сублимат на досегашните капитални проекти, но и заеднички да се мапираат следните чекори.

Присутните граѓани го изразија своето задоволство од сработеното во изминатиот период. Посебна благодарност беше упатена за изградбата на новата спортска сала во склоп на подрачното училиште „Круме Кепески“, како и за почетокот на градежните работи за изведба на фекалната канализација на улицата „Христо Татарчев 14“. Исто така, позитивно беше оценето и редовното одржување на хигиената низ населбата.

Во вториот дел од дискусијата, жителите ги акцентираа своите тековни потреби, при што побараа Општина Кисела Вода да посредува и да интервенира кај неколку надворешни институции. Конкретно, беше побарана интервенција до АД „Македонски пошти“ за итно обезбедување на поштар кој е дефицитарен во МЗ Припор, како и интервенција до ЈП „Водовод и канализација“ за редовно читање на водомерите во шахтите. Жителите упатија и барање за поредовно собирање на сметот од страна на ЈП „Комунална хигиена“, претпријатие кое е под надлежност на Град Скопје.

Што се однесува до инфраструктурните и комуналните барања насочени кон локалната самоуправа, граѓаните побараа реконструкција на оградата на спортското игралиште во месноста Теферич, реконструкција на улицата „Христо Татарчев“ - крак 22, како и реконструкција на атмосферската канализација на кракот 14 од истата улица. Дополнително, беше изнесено барање за изградба на фекална канализација на улицата „Христо Татарчев 14/146“, како и кроење и кастрење на гранките на улицата „Христо Татарчев 22“ и кај семафорите на спојот со улицата „Народни Херои“.

Стручните служби на Општина Кисела Вода ги забележаа сите поднесени барања и иницијативи, со цел истите во најкус можен рок да бидат разгледани и соодветно решение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Баерн Минхен на социјалните мрежи објави дека нивниот центарфор неверојатниот голгетер Хари Кејн е добитник на овогодишната „Златна топка“ – наградата за најдобар фудбалер во светот.

„Шоуто наскоро започнува“, порачаа Баварците, придружувајќи ја објавата со фотографија од 33 годишниот англиски напаѓач, кој е облечен во костум на свечената церемонија на доделување на наградата.

На овој начин, Германците ги поттикнаа гласините дека ова е навистина годината во која Кејн ќе биде крунисан за најдобар фудбалер во светот.

Голема, свечена церемонија ќе се одржи во понеделник, на 26 октомври – во познатиот лондонски театар „Лондон Паладиум“, а не, како што е вообичаено, во Париз.

Низ јавноста кружат неофицијални информации дека Кејн ќе ја добие оваа најпрестижна награда, и тоа во конкуренција на силни ривали.

Во текот на својата кариера, Кејн присуствуваше на свечена вечера во Париз, а во 2024 година ја доби наградата „Герд Милер“, наменета за најдобриот стрелец.

Англичанецот тогаш стана и добитник на европската „Златна копачка“, а се чини дека овој месец би можел да ѝ придодаде на таа награда уште една, највредната од сите – „Златната топка“ (Ballon d'Or) на „Франс фудбал“. Се разбира, тоа би било сосема оправдано, бидејќи минатата сезона тој постигна 72 гола за својот клуб и за националниот тим, ја одбрани титулата во Бундеслигата и ја предводеше Англија до полуфиналето, при што во Америка постигна шест гола.

Баерн можеби сакаше да каже нешто друго Изминативе денови, англиските медиуми ексклузивно објавија дека Хари Кејн ќе го продолжи договорот со Баерн, што значи дека тој ќе продолжи да настапува на минхенската „Алијанц арена“ и по 30 јуни 2027 година, кога истекува неговиот сегашен договор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.