Балкан

Новата влада на Црна Гора ќе биде формирана до крајот на месецов

Новата влада на Црна Гора ќе биде формирана до крајот на месецов, 11 партии потпишаа коалициски договор.

Лидерите на 11 политички партии вчера потпишаа коалициски договор за формирање нова влада во Црна Гора. Следен чекор е да се закаже седница на црногорскиот парламент, а според сознанијата на РТЦГ не е исклучено на 26 октомври да се избере ново раководство на Собранието, а потоа и нова влада.

Како што јавува Радио Слободна Европа, и покрај противењето на американските и европските партнери, силите на прорускиот поранешен Демократски фронт (ДФ) ќе бидат дел од новата црногорска влада на Милојко Спајиќ.

Имено, според договорот за формирање влада, ДФ ќе ја поддржи малцинската влада во парламентот, а кон крајот на следната година преку реконструкција и официјално ќе стане дел од неа. Освен тоа, на чело на Собранието ќе биде и еден од лидерите на ДФ, Андрија Мандиќ, наведува РСЕ. Партиите од ДФ поддржуваат укинување на санкциите против Русија, не ја признаваат независноста на Косово, се противат на членството на Црна Гора во НАТО, го негираат геноцидот во Сребреница...

Владата ќе има претседател, четворица потпретседатели и 18 министри.

Движењето Европа на Спајиќ сега, покрај премиерската функција, ќе има и 10 министри, меѓу кои за надворешни работи, европски прашања, правда, финансии, здравство, енергетика, урбанистичко планирање, транспорт, образование и социјална заштита.

Покрај двете потпретседателски места, Демократите ќе добијат и четири министерства - внатрешни работи, одбрана, туризам и екологија, култура и медиуми.

Просрпската Социјалистичка народна партија ќе ги задржи двата ресора - земјоделството и шумарството, како и спорт и млади кои моментално ги покрива во владата на Дритан Абазовиќ.

Албанските партии ќе ги задржат и двете министерства што ги водат во актуелната влада, човековите и малцинските права и јавната администрација. Тие ќе добијат и вицепремиер.

Проруските партии кои го сочинуваат Демократскиот фронт на почетокот нема да бидат дел од Владата. Според договорот што го потпишаа со претседателот и другите партии, во Владата ќе влезат подоцна, до крајот на следната година. Потоа ќе добијат едно потпретседателско и четири министерски места - транспорт, образование, туризам и урбанизам. До преземање на овие министерства, ДФ ќе има државни секретари во нив.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Министерот Клековски го посети пунктот за бесплатни прегледи на ИЈЗ по повод Светскиот ден на срцето

По повод одбележување на Светскиот ден на срцето – 29 септември, министерот за здравство, Сашо Клековски го посети пунктот за бесплатни прегледи, во организација на Институтот за јавно здравје во трговскиот центар ,,Дајмонд Мол",

По повод одбележување на Светскиот ден на срцето – 29 септември, министерот за здравство, Сашо Клековски го посети пунктот за бесплатни прегледи, во организација на Институтот за јавно здравје во трговскиот центар ,,Дајмонд Мол", со цел подигнување на свесноста за превенција од кардиоваскуларни заболувања.

Годинава Светскиот ден на срцето се одбележува под слоганот „Болеста на срцето може да биде незабележлива: Фати го ритамот на срцето! Не пропуштај ниту едно отчукување!“. Фокусот е на препознавање на скриените симптоми, едукацијата на населението и активностите насочени кон обезбедување универзален пристап до кардиолошка нега и превентивни скрининзи.

На пунктот на ИЈЗ граѓаните имаа можност бесплатно да ги измерaт нивото на крвен притисок, шеќер во крвта, холестерол, како и висината и телесната тежина, со што се овозможи пресметување на индексот на телесна маса (BMI) – еден од индикаторите за ризик од срцеви заболувања.

Смртноста од кардиоваскуларни заболувања е еден од најголемите ризици во светот. Факторите кои ги предизвикуваат овие заболувања може да се превенираат и откријат со едноставни прегледи. Апелирам граѓаните редовно да контролираат крвен притисок, гликемија, и доколку има потреба да се зема терапија пропишана од доктор, само на тој начин ќе го заштитиме здравјето, посочи министерот Клековски.

Директорката на Институтот за јавно здравје, Марија Андоновска истакна дека целта на оваа теренска активност е подигнување на свесноста за кардиоваскуларните заболувања.

Тагови: Сашо Клекоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Косовскиот рапер Дон Џони го изнајмил Македониумот за 500 евра за снимњае на спотот „Секси мама“

Како што објави СДК, Македониумот во Крушево бил изнајмен за околу 500 евра за снимање на спотот „Секси мама“, на косовскиот рапер Дон Џони.

Директорот на споменикот Македониум во Крушево изјавил дека продукцијата побарала дозвола и тие дале.

„Просторот беше отстапен за снимање спот. И на Управен одбор имаме донесено одлука да може просторот да се отстапува со соодветна цена, се наплатува. Тие имаа доставено до нас објаснување дека просторот ќе се користи за снимање спот. Немаме точно оформена цена, се отстапува на саати, на пример околу 500 евра за 5-6 саати“, ни изјави Миха Оџаклиески за СДК.

Тагови: Дон Џони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Северна Кореја се подготвува да испрати уште 10 000 војници во Русија

Украинскиот претседател Володимир Зеленски вели дека на руска територија се наоѓаат повеќе од 8 000 севернокорејски војници и дека се во тек подготовки за распоредување на уште 10 000 војници.

Повикувајќи се на „нови податоци“ за распоредувањето на севернокорејски војници во Русија, Зеленски во објава на платформата Икс наведе дека тие „Се избираат за обука и последователно распоредување во Русија“. Украинскиот претседател минатиот месец рече дека до 50 000 севернокорејски војници би можеле да бидат испратени да се борат за Русија.

Според украинските и независните проценки, Пјонгјанг, исто така, ја снабдил Русија со милиони артилериски и минофрлачки гранати, како и со балистички ракети, артилериски системи со голем дострел и повеќецевни ракетни системи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.