Ниеден друг сериски Opel не забрзува побрзо: од 0 до 100 km/h за 5,5 секунди

Жежок, најжежок, hot hatch дизајн: GSE специфичен преден и заден дел, 18-инчни фелни, Alcon систем за сопирање со високи перформанси, перформансни седишта, жолти безбедносни појаси, дигитални дисплеи со податоци за перформансите и многу повеќе

Назад кон иднината: Corsa GSE ја оживува традицијата на спортските модели на Corsa

Вредности (комбинирани) за Opel Mokka GSE според WLTP: потрошувачка на енергија 18.5 kWh/100 km, емисија на CO2 0 g/km; CO2 ознакаl: A

Новото целосно електрично возило Opel Mokka GSE Rally, серискиот рели автомобил Opel Mokka GSE и неверојатниот високо-перформансен концепт Opel Corsa GSE Vision Gran Turismo: 2025 година го означија оживувањето на високо-динамичните модели GSE.

Во 2026 година, Opel повторно ќе го прошири електирчното задоволство при возење, со новиот Opel Corsa GSE. Новата високо-перформансна верзија на најпродаваниот мал автомобил во Германија ги носи спортските GSi гени од првата генерација на Corsa во иднината: пулсирачка, возбудлива и целосно електрична. Најмоќната сериска Corsa на сите времиња досега ќе биде претставена оваа година и ќе ја прослави својата изложбена премиера на Саемот за автомобили во Париз во октомври. Сепак, Opel веќе денес ги објавува првите официјални слики од новиот „hot hatch“.

Електрична Corsa GSE: мал автомобил, возбудливи перформанси

Opel Corsa GSE ги враќа спортските гени од претходните генерации на Corsa. Како GSi, Corsa A веќе ги воодушеви љубителите на динамичните мали автомобили кои сакаа да доживеат задоволство при возење и перформанси. Со новата Corsa GSE, Opel се враќа на пазарот со вистински „hot hatch“ и го полни со уште повеќе емоции, возбуда, перформанси и целосно електрично задоволство при возење. Бидејќи токму тоа го означува GSE: Grand Sport Electric!

Opel веќе покажа дека врвните перформанси со електрична енергија не треба да бидат резервирани само за клиентите од луксузниот сегмент со воведувањето на Mokka GSE минатата година. И на ист начин, новата Corsa GSE го покажува тоа со бројките за перформансите. Со 207 kW (281 КС) и 345 Nm, новата Corsa GSE ќе понуди исто толку електрична моќност како и актуелниот носител на титулата „Златен управувач“ Mokka GSE.

Во исто време, Corsa GSE станува уште подинамична. Со забрзување од само 5,5 секунди од 0 до 100 km/h, новата Corsa со високи перформанси го привлекува возачот да седне на спортското седиште GSE посилно од кој било друг актуелен производствен модел на Opel. Ја достигнува својата максимална брзина од 180 km/h.

Возачите на Corsa GSE можат да изберат од три различни режими на возење: во режимот „Sport“, електричниот автомобил е подесен за чисти перформанси и ја активара целосната моќност со својата специјална калибрација оптимизирана за „тркачка патека“; во режимот „Normal“ испорачува 170 kW (231 КС) и спортска поставеност, максималната брзина до 180 km/h е исто така можна, а во „Eco“ сите поставки се прилагодени за најголема можна ефикасност; тука максималната брзина е 150 km/h. Новата Corsa GSE ја складира својата енергија во литиум-јонска батерија од 54 kWh (51 kWh употреблив капацитет). За да се обезбеди долгорочно, сигурно спортско задоволство при возењето, инженерите го адаптираа и системот за управување со температурата на батеријата според високите GSE барања.

Софистицираната технологија, исто така, придонесува за исклучителните перформанси, стабилноста при управување и директната повратна информација: Corsa GSE има погон на предните тркала со теозен диференцијал со ограничено пролизгување со повеќе плочи и спуштена спортска шасија со специјално дизајнирани оски, стабилизатори и хидраулични амортизери. GSE оптимизираното управување и подесувањето на педалите го нагласуваат високо динамичното искуство при возење. А доколку е потребно, сопирачките со четири клипови обезбедуваат моментално забавување при големи брзини.

Дизајн на Corsa GSE со ефект на „wow“: одлично секојдневено спортско возило на прв поглед

Новата Corsa GSE самоуверено ги прикажува своите перформанси. Додека добро познатите верзии на актуелната генерација на Corsa веќе имаат динамичен дизајн, „hot hatch“ визуелно ги нагласува претензиите за високи перформанси до последниот детаљ, а предниот браник специфичен за GSE веднаш го привлекува вниманието. Исто како и задниот дел, тој е уште поостар отколку кај другите верзии на моделот. Ова е обезбедено, меѓу другото, со визуелни отвори за воздух, како и со црни ленти во долниот дел од возилото и на широките лакови на тркалата, што е во контраст со контурната бела блескава боја. Црниот покрив и црниот заден спојлер го засилуваат овој ефект.

Со спортски 18-инчни раткапни и Michelin Pilot Sport 4S 215/40 R18 пневматици, новата Corsa GSE се одликува со бескомпромисен изглед. Под впечатливите раткапни со три краци, Alcon шепите за сопирачките со јасно видливи букви GSE веднаш ќе го привлачат вниманието. Овој изглед со високи перформанси е нагласен и со специфичната кратенка GSE на страните на возилото.

Внатрешност на Corsa GSE: модерна интерпретација на класичниот стил на hot hatch на Opel

Смелиот дизајн на GSE е одразен и во ентериерот. Тука, идејата за „hot hatch“ се враќа, како сеќавање на спортските модели од генерацијата Corsa А, а во исто време интерпретирана на модерен и напреден начин. Возачот и совозачот седат на перформансни седишта со апликации од Alcantara и интегрирани потпирачи за глава, кои будат спомени со навлаки во црна, сива и жолта карирана шара. Светло жолтите безбедносни појаси формираат силен контраст. Високиот квалитет се пренесува и преку управувачот и деталите на вратите обложени со Alcantara, потпирачите за раце со жолто порабување и инструмент таблата со логото GSE на сребрено-сива позадина. Командите за забрзување и сопирање се даваат преку спортските алуминиумски педали. Допонителните специфични опции во внатрешноста ја надополнуваат понудата за Corsa GSE.

Потребните информации му се пренесуваат на возачот преку дигиталниот дисплеј за информации за возачот, кој може да се персонализира на многу начини, и централниот 10-инчен екран на допир во боја. Тој содржи податоци за перформансите на GSE, дисплеј за G-сила, вредности за забрзување, податоци за управување со батеријата и многу повеќе. Дисплеите се исто така дизајнирани во типичниот GSE стил. Новата Corsa GSE се карактеризира со технички висококвалитетен и високо динамичен дизајн до најмалите детали, и внатре и надвор.

Покрај тоа, Corsa GSE е опремена со бројни технолошки и комфорни детали кои се исто толку квалитетни колку што се и практични. Колекцијата вклучува карактеристики кои се движат од седишта и управувач со функција за греење до 180о камерата за возење наназад и системот за влегување и стартување без клуч, па сè до двонасочниот вграден полнач (V2L), кој не само што овозможува полнење на Вашето спортско возило, туку може да се користи и за напојување на надворешни уреди, од електрични велосипеди до електрични скари, со енергија директно од батеријата на возилото.

Сето ова покажува дека новата Corsa GSE не е автомобил што едноставно ги носи фановите од една дестинација до друга. Тоа е целосно електричен и во исто време практичен „hot hatch“ што Ве освојува и овозможува вистинско чувство на OMG! GSE. Повеќе информации за новата Opel Corsa GSE ќе следат наскоро.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.