Новата бугарска министерка за надворешни бара политичка зрелост од Македонија - Канал 5

Македонија

Новата бугарска министерка за надворешни бара политичка зрелост од Македонија

Официјално Скопје да изнајде зрелост и политичка волја, наместо да бара конфликт со Софија во тековниот спор – порача бугарската министерка за надворешни работи Велислава Петрова. 

Новата бугарска министерка за надворешни бара политичка зрелост од Македонија

Нејзиниот тон кон Скопје вели ќе биде позитивен, но потсетува дека позициите на Бугарија, за која има постои широк политички консензус во државата, остануваат непроменети. Обврските кои треба Македонија да ги исполни, посочува не се билатерални, туку обврски на ниво на ЕУ.

-Се надевам навистина дека Скопје ќе пронајде пристап да го фокусира вниманието на исполнувањето на обврските, а не на барање на конфликт со Софија. Жално е што се враќам во Владата четири години подоцна и нема напредок по оваа тема, но се надевам дека претставниците на владата во Македонија ќе успеат да видат на каде се движи дијалогот на ЕУ и дека ќе можат да го искористат отворениот прозорец за проширување за да можат да продолжат по својот Европски пат. - Велислава Петрова – Министер за надворешни работи на Бугарија

Со барање на разум и рационалност до источниот сосед возврати и премиерот Мицкоски, кој вели дека е загрижен од првите знаци на новата Бугарска влада, која смета дека дефокусира од скандалите во земјата со радикализирани ставови за македонското прашање. Според него, Владата нуди постојано решенија, а обвини и дека официјална Софија не почитува и останати договори од минатото, и се поставува кон земјава уценувачки.

-На маса им стојат најмалку 14 пресуди што доаѓаат од Судот за човекови права во Стразбур, па тие не ги почитуваат. Е да, тие ќе ви кажат, „вие сакате да дојдете во клубот каде што сме ние“. Ние не сакаме да дојдеме во клубот каде што се вие. Но, тоа е уцена и булинг. Ако веруваме и стоиме до европските вредности, тогаш треба да веруваме и стои до европските вредности, а ако тие мислат дека се таму и за ние да бидеме таму треба да ги прифатиме нивните барања, тогаш оваа Влада таа игра нема да ја игра и се додека сум јас премиер, додека не видиме испорака од нивна страна, ние нема да се поместиме ниту милиметар. - Христијан Мицкоски – Претседател на Влада

Со критика кон Владата и премиерот во изминативе неколку дена гласна е и опозициската СДСМ, кои велат дека уставните измени не се носат поради лукративни интереси на актуелните функционери. Тие побараа да се распише референдум на кој граѓаните самите ќе одлучат дали треба да се направат уставните измени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Венеција ќе наплатува по 50 евра за влез во градот, одлуката за правниците е незаконска

Предлогот на новиот градоначалник на Венеција, Симоне Вентурини, за можно значително зголемување на цената на билетите за еднодневните излетници во тој северноиталијански град предизвика дискусии, пишува денес агенцијата ДПА.

Венеција ќе наплатува по 50 евра за влез во градот, одлуката за правниците е незаконска

„Ако во моментов таа цена е помеѓу 5 и 10 евра, мојот предлог е да се зголеми на помеѓу 30 и 50 евра во одредени денови“, ги објави неговите зборови весникот „Кориере дела Сера“.

Вентурини победи на локалните избори кон крајот на мај како кандидат од десниот центар, наследувајќи го Луиџи Бруњаро, кој ја извршуваше функцијата градоначалник десет години. Оваа година, Венеција им наплаќа на посетителите што престојуваат во градот краткорочна влезница од 10 евра за вкупно 60 дена, до крајот на јули, дури и ако поминат само неколку часа на улиците околу плоштадот „Свети Марко“ и мостот Риалто.

Оние што резервираат најмалку три дена однапред плаќаат 5 евра. Целта на таквата мерка е да се ограничи масовниот туризам, но критичарите веќе некое време тврдат дека сегашната цена на билетите не ги одвраќа туристите да ја посетат Венеција.

Адвокат: Тоа може да се протолкува како ограничување на слободата на движење

За време на изборната кампања, Вентурини предложи зголемување на цената на билетите во одредени денови кога се очекува особено голем број еднодневни посетители. Но, тој нема овластување самостојно да ја зголемува цената на билетите. Иако таксата е воведена во согласност со општинската уредба, горната граница е одредена од националното право.

Затоа, Вентурини мора да се консултира со владата во Рим. Специјалистот за уставно право Лудовико Мацароли наведе одредени законски пречки за „Кориере дела Сера“, велејќи дека наплатата на билет од 50 евра може да се протолкува како ограничување на слободата на движење.

Тагови: венеција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маѓар: Забрзаниот влез на Украина во ЕУ би бил неправеден кон Западен Балкан

Забрзаното членство на Украина во Европската Унија би било неправедно кон земјите од Западен Балкан, кои со години се во пристапниот процес, изјавил унгарскиот премиер Петер Маѓар пред почетокот на состанокот на Европски совет во Брисел.

Маѓар: Забрзаниот влез на Украина во ЕУ би бил неправеден кон Западен Балкан

Маѓар нагласил дека проширувањето треба да се заснова на резултати и исполнети критериуми, а не на политички одлуки.

Тој оценил дека не треба да се забрзува пристапувањето на одделни кандидати на сметка на државите од Западен Балкан, бидејќи тоа како што изјавил, не би било ниту праведно ниту прагматично.

Според Маѓар малку е веројатно сите земји членки да имаат ист став по ова прашање, но нагласил дека Унгарија ќе ги застапува сопствените интереси во преговорите за идното проширување на ЕУ.

Тагови: Маѓар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Случај ФФМ: Три лица, меѓу кои и Ѓорѓиоски во ефективен притвор, пет во куќен, а четворица со мерки на претпазливост

За аферата во ФФМ предмалку со соопштение се огласија од Кривичниот суд од каде потврдија дека завршиле исказите на осомничените за случајот

Случај ФФМ: Три лица, меѓу кои и Ѓорѓиоски во ефективен притвор, пет во куќен, а четворица со мерки на претпазливост

Од спроведени 12 лица, мерка притвор добиле три лица, 5 одат во куќен, за четворица се определени мерки за претпазливост, додека 5 лица се сѐ уште недостапни за органите.

Според истите информации меѓу оние кои оди во ефективен притвор е и поранешниот претседател на ффм, Илчо Ѓорѓиоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер