Тенис

Новак Ѓоковиќ доби споменик во Србија- во рацете држи рекет и крст (ВИДЕО)

Најдобриот тенисер на сите времиња Новак Ѓоковиќ доби свој споменик, откако скулпторот од Кикинда, Борис Стапарац, заврши скулптура посветена на славниот спортист.

Оваа монументална скулптура висока околу два и пол метри е изработена од моделиран бетон, а Борис работел на неа околу една година. На споменикот Ѓоковиќ е со рекет и крст во рацете, додека погледот е насочен кон небото, објави РТВ.

Делото ја симболизира вербата, непокорот и љубовта кон клучните животни вредности. На едната страна Новак е прикажан со склопени три прста, додека на другата држи рекет со крст во него.

- Не само што дише споменикот, туку се чувствува и големата љубов кон Новак, кој нè претставува во светот какви што сме - побожни, полни со енергија, мирни, со воинствени чувства внатре, бидејќи тоа е единствениот начин да надминеме нешто невозможно - вели скулпторот Борис Стапарач за РТВ Војводина.

Идејата за создавање на споменикот произлезе од желбата да се истакне неговиот огромен придонес за нашата нација.

- Веќе го знам местото каде што треба да се постави, бидејќи сите сме поврзани со некои небесни сили, дека некој ќе дојде по тоа. Ако остане кај мене, моја желба е еден ден мојот двор да стане музеј на скулптури, па и тој да има место таму. На крајот на краиштата, зошто и Србите да не го имаат Роден? – додава Стапарач.

Свет

Сиријците се враќаат во Дамаск, илјадници упаднаа во палатата на Асад (ВИДЕО)

Воздушните снимки покажуваат дека доцна синоќа се формирале долги колони возила на патиштата кои водат кон Дамаск, како и во спротивна насока, по ослободувањето на сириската престолнина од режимските сили, јавува Анадолија.

Сиријците кои со години го чекаа падот на режимот на Башар ал Асад се упатија кон главниот град што го ослободија.

Ослободувањето на Дамаск и другите сириски градови беше прославено низ земјата и регионот, но и во светот. Многу Сиријци почнаа да се враќаат во својата татковина од соседен Либан.

Сирија веќе 13 години е сцена на граѓанска војна, а по период на релативна смиреност, на 27 ноември повторно избувнаа судири меѓу силите на режимот на Асад и антирежимските групи во руралните области западно од Алепо.

Опозициските сили потоа започнаа молскавична офанзива и за десет дена ги освоија клучните градови, а вчера завршија со заземање на главниот град Дамаск.

Руското Министерство за надворешни работи соопшти дека Асад сам ја донел одлуката да се повлече и да ја напушти Сирија. Подоцна беше објавено дека Асад и неговото семејство пристигнале во Москва бидејќи Русија им дала азил.

Свет

Холандија од денеска почнува засилени контроли на копнените граници

Холандија од денеска почнува засилени гранични контроли, како што беше најавено на 11 ноември. 

Дополнителните гранични проверки се дел од ветувањето на новата десничарска влада за борба против трговијата со луѓе, илегалната имиграција и прекуграничниот криминал, објавија холандските медиуми.

Претходно, Германија воведе гранични контроли, а Франција исто така почна да врши проверки. Проверките ќе ги врши Кралската воена полиција, која е одговорна за граничната контрола во Холандија.

Засега новите гранични проверки нема многу да се разликуваат од проверките што воената полиција веќе ги спроведува во пограничните области, пишува весникот „Ен Ер Се“.

Теоретски, граничната полиција ќе може да ги бара документите на секој што ќе ја премине земјата и да одбие влез на оние кои ги немаат потребните документи за посета или престој во Холандија, пишува весникот.

Шоу биз

Колдплеј објавија нова песна, во спотот се појавува 98- годишна холивудска ѕвезда (ВИДЕО)

Групата Coldplay ги израдува фановите со новата песна наречена „All My Love“.

Снимен е и видео запис во кој се појавува легендарниот актер Дик Ван Дајк (98), познат по улогата на Берт во филмот „Мери Попинс“, кој на 13 декември ќе наполни 99 години.

Песната е снимена во домот на холивудската ѕвезда во Малибу. Инаку, самото видео е посветено на Ван Дајк.

Погледнете го спотот за песната „All My Love“:

притисни ентер