Нова теорија: Вулканска ерупција предизвикала домино-ефект и ја донела чумата од 14 век во Европа - Канал 5

Живот

Нова теорија: Вулканска ерупција предизвикала домино-ефект и ја донела чумата од 14 век во Европа

Според нова студија, во средината на 14 век непозната вулканска ерупција создала услови за ширење на чума во Европа.

Нова теорија: Вулканска ерупција предизвикала домино-ефект и ја донела чумата од 14 век во Европа

Со предизвикување постуден период на Медитеранот, ерупцијата создала домино-ефект што довел до уништување на земјоделските производи, поради што трговците биле принудени да увезуваат жито преку Црното Море, а со тоа и да ја рашират бубонската чума.

Оваа чума, наречена „Црна смрт“ се раширила низ Европа во 1347 година погодувајќи ги италијанските пристаништа. Во наредните години, болеста се проширила низ целиот континент, предизвикувајќи смрт меѓу 30 и 60 проценти од населението, пренесува „РТС“.

Историчарот Мартин Бау, од Институтот за историја и култура на Источна Европа во Лајбниц, Германија, го поставува прашањето: Како и зошто „Црната смрт“ стигнала дури до Италија преку Црното Море, и токму во тој момент?

Бау и географот од Универзитетот во Кембриџ, Улф Бинтген, со истражување на климатските промени на Медитеранот го објаснуваат ненадејното појавување на пандемијата. Истражувањето е објавено во списанието „Комјуникејшнс Ерт енд Енвајронмент“ (Communications Earth & Environment).

При проучувањето на историските извори, научниците забележале дека меѓу 1345 и 1349 година во делови од Азија и Европа е забележана намалена сончева светлина, зголемена облачност и лунарно затемнување, и сето тоа е резултат на голема вулканска ерупција и истовремено појавување и распространување на пандемијата.

Според палеоклиматските податоци, откриено е големо количество сулфур во поларните замрзнати слоеви, што укажува на една или повеќе ерупции на дотогаш непознат вулкан.

Според истражувањето на научниците е откриено дека летата во 1345, 1346 и 1347 година биле значително постудени од вообичаеното, додека есенските периоди биле многу повлажни, што предизвикало ерозија на почвата и поплави, што довеле до намалување на жетвата, вклучувајќи ја бербата на грозје и производството на жито во Италија. Поради тоа трговците почнале да увезуваат жито од регионот на Црното Море, со цел да го спречат гладот.

На тој начин, италијанските трговци ја пренеле и рашириле чумата, посочуваат авторите на научниот труд.

Првите случаи на чума кај луѓето биле регистрирани во Венеција само неколку недели по пристигнувањето на последните бродови со жито.

Така започнал ланецот на инфекцијата: најпрво се заразуваат глодарите, а откако ќе изумрат, нивните болви преминуваат на други цицачи, а на крај и на луѓето, објаснува Бау.

Тагови: вулкан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Брук Шилдс и на 62 годишна возраст нема проблем да се соблече во бикини

 „Девојко, јас сум Брук, а ти која си?“ 

Фото: Брук Шилдс и на 62 годишна возраст нема проблем да се соблече во бикини

Една од најубавите актерки во Холивуд, ѕвездата на славниот хит филм „Сина лагуна“ Брук Шилдс ја покажа својата прекрасна фигура на 62-годишна возраст за време на престојот во Хрватска, која ја посети во рамките на својот одмор во Европа, а фотографиите предизвикаа бројни реакции.

Убавата Брук на Инстаграм објави серија фотографии на кои ужива со пријателите, но и позира во едноделен костим за капење без прерамки, со кој привлече огромно внимание поради својата витка фигура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛиДеМ: Владата го почитува Законот само кога ѝ одговара – студентите секој ден ја плаќаат инфлацијата од сопствен џеб

Додека цените на храната растат, студентскиот оброк останува замрзнат на 140 денари дневно.

ЛиДеМ: Владата го почитува Законот само кога ѝ одговара – студентите секој ден ја плаќаат инфлацијата од сопствен џеб

И тоа не е прашање на добра волја на Владата, туку на законска обврска. Член 2 од Законот за субвенциониран студентски оброк јасно предвидува дека износот треба да се усогласува согласно инфлациската стапка по секоја фискална година, пред донесувањето на Буџетот за следната година. Последното зголемување беше уште во 2023 година – од 120 на 140 денари. Оттогаш цените продолжија да растат, а студентскиот оброк остана ист.

Во превод: државата ја признава инфлацијата кога собира повеќе пари преку даноци и повисоки цени, но ја заборава кога треба да им даде повеќе на студентите.

Денес со 140 денари студент треба да обезбеди пристоен оброк, додека секој што влегол во маркет, пекара или менза знае колку реално вредат тие пари. Не може Владата да зборува за „младите како иднина“, а истовремено да штеди токму на нивниот оброк. Инфлацијата не смее да се пресметува само на каса – мора да се пресметува и во студентската поддршка.

Либерално-демократската младина ќе ги искористи расположливите правни и институционални механизми за да побара одговор зошто законската одредба за усогласување не се спроведува доследно и кој ќе понесе одговорност за тоа.

Ова не е борба за неколку десетици денари. Ова е прашање дали во Македонија законот важи и за Владата.

Студентите не бараат луксуз. Бараат она што им следува по закон и оброк што одговара на реалните цени во 2026 година. Ако растат цените – мора да расте и студентскиот оброк.

Либерално-демократска младина

Тагови: ЛиДеМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп оптимист за тајната мисија на шефот на ЦИА во Москва

Американскиот претседател Доналд Трамп изјави дека „можеби ќе произлезе нешто“ од посетата на директорот на ЦИА, Џон Ретклиф, на Русија.

Трамп оптимист за тајната мисија на шефот на ЦИА во Москва

Трамп ова го истакна во интервју за емисијата „Глен Бек програм“ на телевизијата „Блејз“, по информациите во американските медиуми дека ретклиф вчера пристигнал во Москва на разговор со руски претставници за војните во Украина и Иран.

Портпаролот на Кремљ, Дмитриј Песков, денеска потврди за тасс дека рускиот претседател Владимир Путин бил детално информиран за резултатите од контактите на руските специјални служби со ретклиф. Песков притоа појасни дека директорот на циа немал директна средба со путин.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер