Нова победа на ракометарките на Вардар во ЛШ - Канал 5

Ракомет

Нова победа на ракометарките на Вардар во ЛШ

Ракометарките на ЖРК Вардар СЦБТ ја остварија и втората победа во главната фаза по групи во Лигата на шампионките со која се поблиску до пласман на завршниот фајнал-фор турнир.

Нова победа на ракометарките на Вардар во ЛШ
На средбата до 3.коло во групата 1, одиграна попладнево во СЦ „Борис Трајковски“, вардарки многу потешко од очекувањата го совладаа данскиот претставник Митјиланд со 24:23 полувреме 10:12.

Иако, ракометарките на ЖРК Вардар добро го започнаа натпреварот и до 13 минута имаа позитива (4:3), сепак данскиот тим со серија од 3:0 за прв пат во 15 минута поведе со два гола разлика 4:6.

Двата гола позитива, составот на Митјиланд го сочува до крајот на полувремето кое заврши со резултат 10:12.

Во вториот дел избраничките на Индира Кастратовиќ успеаја да ја анулираат негативата од два гола, но не и да ја премостат последната пречка на голот на Митјиланд, германската голманка Сабине Еглер која натпреварот го заврши со 18 одбрани.

Така беше се до 25-минута кога со головите на Пино и Хмирова црвено-црните поведоа со два гола разлика 22:20.

Во завршните пет минути, со поддршката од шест илјадната публика во „Борис Траковски’’ ракометарките на Вардар успеаја да го скршат отпорот на данскиот тим кој го имаше последниот напад за израмнување, но противникот не успеа, и вардарки се радуваа на победата од 24:23.

Со оваа победа ЖРК Вардар се врати на врвот на табелата со 5 бодови еден повеќе од Тунингер кој попладнево го совлада Савенхов 30:25.

Екипите на Митјиланд и Савенхов останаа на два, односно еден освоен бод досега.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го преименува езерото Онтарио, канадскиот премиер реагира

Трамп потпиша извршна наредба со која се наредува езерото Онтарио да се нарекува Езеро Америка 

Трамп го преименува езерото Онтарио, канадскиот премиер реагира

Канадскиот премиер Марк Карни вчера изјави дека езерото Онтарио ќе продолжи да се нарекува така, откако американскиот претседател Доналд Трамп потпиша извршна наредба со која им наредува на американските федерални агенции да го нарекуваат Езеро Америка.

„Името е старо над 400 години и датира и од Канадската конфедерација и од Декларацијата за независност на Соединетите Американски Држави“, продолжи тој.

„Знаеме дека Америка се менува. Нејзините трговски односи, нејзината надворешна политика, нејзините национални споменици, нејзините хидроними“, напиша Карни на X. Хидронимите се имиња на водни тела и водни патишта.

„Канаѓаните исто така знаат дека работите треба да се нарекуваат со нивните вистински имиња: Езеро Онтарио - тогаш, сега и секогаш“, додаде тој.

Трамп нареди промена на името

Трамп потпиша извршна наредба со која се наредува езерото Онтарио да се нарекува Езеро Америка во документите, мапите и комуникациите на федералната администрација на САД.

Иако рече дека промената ќе стапи на сила веднаш, наредбата му даде на американскиот секретар за внатрешни работи 30 дена да ја спроведе во консултација со Одборот за географски имиња. Одлуката не е обврзувачка за Канада или меѓународните институции. Езерото Онтарио е едно од петте Големи езера во Северна Америка, кое се наоѓа помеѓу канадската покраина Онтарио и американската држава Њујорк.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Кочани, лишени од слобода две лица

На 27.08.2026 полициски службеници од ОВР Кочани ги лишија од слобода Д.С.(42) и В.З.(26) двајцата од Кочани, по претходни оперативни сознанија дека се сторители на повеќе тешки кражби на подрачјето на ОВР Кочани.

Претрес во Кочани, лишени од слобода две лица

Извршен е претрес во нивните домови, со претходно издадена судска наредба, при што биле пронајдени и одземени предмети кои потекнуваат од кривично дело по член 236 од Кривичниот законик на РМ.

По целосно документирање на случајот, ќе следуваат соодветни пријави.

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода возач од Шведска, на автопатот А- 1 возел со двојно поголема брзина од дозволената

На 27.08.2026 околу 16:00 часот на Граничен премин Табановце, на излез од државата, полициски службеници извршиле проверка на патничко возило „фолксваген“ со српски национални ознаки, управувано од М.С.(39) од Шведска. 

Лишен од слобода возач од Шведска, на автопатот А- 1 возел со двојно поголема брзина од дозволената

При извршена проверка преку системот „Безбеден град“ било констатирано дека М.С. бил евидентиран како сторител на кривично дело по член 297-а од Кривичниот законик – „безобѕирно управување со моторно возило“, односно на автопатот А-1, во близина на Демир Капија, управувал со возилото со брзина од 175 километри на час на место каде максималната дозволена брзина е 80 километри на час. М.С. е лишен од слобода и ќе биде поднесена соодветна кривична пријава.

Тагови: поголема брзина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер