Нова опција на Фејсбук, секој може да си направи сопствен аватар

Фејсбук со ова има за цел да ја привлече помладата публика

Фејсбук претстави нова опција која им овозможув ана корисниците да изработат сопствен аватар. Аватарите можат да се обликуваат така да изгледаат токму како сопственикот на Фејсбук налогот а можат да се користат и како стикери во коментари или на Месинџер.

Аватарот е замислен како дигитален лик со кој корисниците ќе можат да ги изразат своите емоции и расположенија. Фејсбук оваа опција ја воведува како одговор на алатката Битмоџи која во 2016 ја претстави Снепчет, пишува „The Sun“.

Фејсбук со ова има за цел да ја привлече помладата публика.

-Денес комуникацијата се одвива главно преку интернетот и затоа стана поважно од било кога да бидете во можност да се изразите себе на Фејсбук, напиша Фиџи Симо, која е задолжена за Фејсбук апликацијата.

Корисниците можат да го обликуваат аватарот така што ќе одбираат облик на лицето, носот, усните, боја на очите, косата и слично. Можат исто така и да го облекуваат аватарот, да го нашминкаат и да му стават очила. Изгледот на аватарот може да се промени во секој момент.

За да направите сопствен аватар, потребно е да отидете на Месинџер или во коментарите и да кликнете на емоџи иконата и да одберете стикери. Тогаш ќе ја најдете опцијата која ќе ви понуди да си направите сопствен аватар.

За време на изработката можете да ја приклучите и камерата која ќе ви служи како огледало, за попрецизно да можете да го обликувате ликот.

Постои и опција Фејсбук автоматски да направи аватар според ваша фотографија.

Доколку опцијата се уште ви се нема појавено, потребно е да ја ажурирате Фејсбук апликацијата. Можно е и опцијата се уште да не е достапна за вашиот налог, но од Фејсбук порачуваат да бидете трпеливи.

притисни ентер