Нова научна теорија: Тело-натрапник го нарушило обликувањето на Сончевиот Систем - Канал 5

Живот

Нова научна теорија: Тело-натрапник го нарушило обликувањето на Сончевиот Систем

Кога го замислуваме Сончевиот Систем, имаме предвид „правилно“ распоредени планети и кружни орбити во речиси „совршен“ и „рамен“ диск околу Сонцето. 

Нова научна теорија: Тело-натрапник го нарушило обликувањето на Сончевиот Систем

Сепак, според науката, овој планетарен систем е далеку од рамен. Важи за доста „искривен“, се наведува, со бројни ексцентричности и отстапувања.

Научниците долго време дебатираат околу причините за таа појава... Па така, физичарите Герет Браун и Хано Рејн од Универзитетот на Торонто во Канада и астрономот Рену Малхотра од Универзитетот на Аризона во САД изнесоа нова претпоставка којашто вели дека тн. „натрапник“, т.е. туѓо тело можеби било виновникот - што го пренасочил обликувањето на нашиот систем.

„Можниот случај на блиска средба со меѓуѕвездено тело нуди веродостојно објаснување за потеклото на умерените ексцентричности и наклонетости на планетите... Хипотетичкиот објект можеби и не бил планета, но требало да биде доволно масивен за да предизвика гравитациско нарушување што би имало трајни ефекти врз дискот и планетарните орбити на Сончевиот Систем“, велат истражувачите во написот објавен на порталот „Арксив“ (arXiv).

Се смета дека нашиот планетарен систем настанал од маглина - огромен облак од прашина и гас, пред околу 4,6 милијарди години. Сонцето најверојатно почнало да се создава прво, како последица на ударниот бран што го разнела супернова којашто експлодирала во близина. Потоа, почнал да се обликува и протопланетарен диск од честичките прав и гас што доаѓале од таа маглина, што пак, на крајот се кондензираат во планети коишто, следствено, привлечени од гравитацијата на Сонцето, се наредиле во своите орбити.

Научниците мислат дека некаде при настанувањето на Сончевиот Систем, „непосакувано“ туѓо тело - меѓу 2 и 50 пати поголемо од Јупитер, навлегло во тој простор, доволно колку „да го навали“ дискот на орбитите и да ги издолжи тие патеки на планетите, пред да излезе од планетарниов наш систем.

Пресметките говорат дека ваков „упад“ би имал еден отсто шанси да го преобликува нашиот Сончев Систем.

Ако навистина имало такво тело-натрапник, што точно било тоа и каде отишло - засега сè уште не може да се утврди. Можно е тоа да било некоја планета однадвор чијашто орбита во одреден миг навлегла во нашиот систем, или пак, друго тело со неправилна патека на движење. Истражувачите велат дека втората можност можеби значи дека тоа мистериозно тело повторно ќе се врати во внатрешноста на Сончевиот Систем. Сепак, пресметките велат дека веројатноста за тоа да се случи, е меѓу 1 спрема 1.000 и 1 спрема 10.000, но нема да дочекаме такво нешто следните 20 милиони години./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер