Технологија

Нова надградба на „Windows“: При рестарт ќе можат да се прескокнат ажурирањата

Една од работите што ги нервираше корисниците на „Windows“ со години е начинот на кој се справува со ажурирањата. Тоа сега се менува.

Порано, ако сакавте брзо да го рестартирате или исклучите компјутерот и системот преземаше ажурирање во позадина, не можевте да ја прескокнете инсталацијата. Наместо тоа, мораше да почекате ажурирањето да заврши пред вашиот компјутер правилно да се рестартира или исклучи.

Сега „Microsoft“ конечно го решава овој проблем како дел од надградбата на „Windows 11“.

Како што беше објавено на официјалниот блог, кликнувањето на копчето за рестартирање сега всушност ќе значи моментално рестартирање, без нужно инсталирање на ажурирањето, иако корисниците сè уште ќе имаат можност да ги инсталираат доколку сакаат.

Новата опција моментално им се нуди на корисниците во рамките на програмата „Windows Insider“, но се очекува наскоро да биде достапна за сите, објавува „XDA“.

Дополнително, корисниците ќе можат да ги одложуваат ажурирањата до 35 дена, како и сами да го изберат точниот ден на инсталација. Исто така, системот повеќе нема да го форсира преземањето на ажурирањата за време на почетното поставување, што значи дека корисниците побрзо ќе стигнат до работната површина.

Извор: Б92

Тагови: Windows 11

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран нападна цели во Бахреин и Кувајт по новите американски удари и поморската блокада

САД го напаѓа Иран петти ден по ред, насочувајќи се кон крајбрежната одбрана и ракетни бази откако повторно воведоа поморска блокада на иранските пристаништа.

До рано утрово во четврток на Блискиот исток, сирените се огласија во Бахреин, а Кувајт соопшти дека реагира на „непријателски закани со беспилотни летала“ откако Иран вети дека ќе одговори на американските напади.

Главниот преговарач на Иран, Мохамед Бакер Калибаф, изјави дека Техеран е во „егзистенцијална војна“ против САД и дека неговата безбедност зависи од контролата на Ормутскиот теснец.

Американскиот претседател Доналд Трамп тврди дека Иран сака да се смири и дека наскоро ќе биде поразен.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Истече крајниот рок за Изборниот законик партиите останаа без договор

Истече рокот за носење на измените на Изборниот законик, кој е дел од реформите за ЕУ.

Кај власта нема оптимизам дека воопшто е возможен консензус со опозицијата за дијаспората...

Премиерот Мицкоски не очекува дека нешто ќе се смени и во следниот период, иако за важноста на ова прашање вели дека потврда добивме и од еврокомесарката Марта Кос неодамна во Скопје.

Опозициските партии пак се обвинуваат за договор со власта и меѓусебно ја префрлаат топката за тоа кој ги закочил преговорите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска ќе се одржи нова седница на Социјално економскиот совет

Веќе од следната недела владата најверојатно ќе интервенира со намалување на акцизите за нафтените деривати, за да се ублажат последиците од блиско источната криза.. Економско-социјалниот совет денеска треба да одржи седница.

Заменик-министерот за економија Марјан Ристески вчера најави дека ќе бидат разгледувани неколку точки, меѓу кои годишната програма за работата на советот, а министерството за образование ќе го презентира новиот закон за високо образование.

На дневен ред не се мерките за амортизирање на состојбата со цените на храната и горивата, но, сепак, како што рече, не е исклучено да се разговара и за тоа. Економско-социјалниот совет го сочинуваат 12 членови, по четири од владата, од репрезентативниот синдикат и од репрезентативното здружение на работодавачи на национално ниво.

Тагови: Владата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.