Нова бугарска влада – стари искричења, бугарскиот амбасадор повикан во МНР за „северномакедонски“ - Канал 5

Македонија

Нова бугарска влада – стари искричења, бугарскиот амбасадор повикан во МНР за „северномакедонски“

Бугарскиот амбасадор во земјава Жељазко Радуков е повикан во македонското МНР по изјавата на шефицата на бугарската дипломатија која го искористи терминот „северномакедонски“, дознава Канал 5. 

Нова бугарска влада – стари искричења, бугарскиот амбасадор повикан во МНР за „северномакедонски“

Македонското МНР го повика и му упати усен демарш на бугарскиот амбасадор во земјава Жељазко Радуков за вчерашната изјава на шефицата на бугарската дипломатија Петрова Чамова во Брисел која го искористи терминот „северномакедонски“, дознава Канал 5. Според нашите информации тој бил примен во министерството на пониско ниво, од надлежниот за регионот, а не од министерот и му било предочено дека Преспанскиот договор не предвидува придавка „северномакедонски“ што вчера ја употреби бугарската министерка Петрова Чамова во Брисел.

-На средбата му беше упатен усен демарш во врска со несоодветното адресирање од страна на министерката за надворешни работи на Република Бугарија, Весислава Петрова Чамова, која во својата вчерашна изјава за време на Советот на министри за надворешни работи на Европската Унија употреби несоодветна и неправилна придавка изведена од името на нашата држава, користејќи го изразот „северно-македонски партнери, информираат од МНР за Канал 5.

Ако денот по утрото се познава, според политичкиот аналитичар Петар Арсовски, првиот контакт меѓу Петрова-Чамова и Муцунски не влева некоја поголема надеж за односите меѓу двете земји, а нејзината изјава со употреба на придавката „северномакедонски“ партнери, Арсовски ја оцени или како нејзино непознавање на Преспанската спогодба или како намерна провокација.

-Преспанскиот договор на кој претпоставувам дека реферира министерката за надворешни работи на Бугарија нарекувајќи не „северномакедонци“, таква придавка не предвидува. Во него „северномакедонци“ и „северномакедонци“ се забранети придавки односно не се предвидени. Така што, самиот тој инцидент, условно речено, е доказ за непознавање на Преспанската спогодба или едноставно негрижа за чувствата на другиот. Но на страна фактите на случајот, односот на двајцата министри покажува дека ние влегуваме во новата фаза на односите меѓу Македонија и Бугарија со една повисока доза на антагонизам и искри. Ако денот по утрото се познава не очекувам дека таму ќе има некаков сериозен пробив, напротив, првите индиции се дека позициите ќе останат закопани, смета Арсовски.

Иако беа на ист состанок вчера во Брисел, Чамова и Муцунски подоцна разменија пораки преку различни изјави, објаснувајќи се дали имало или не заедничка средба или само застанување во кулоарите на Советот за надворешни работи.

Додека бугарската министерка говореше за „добра прва средба“, македонскиот министер возврати дека не станувало збор за официјален состанок, туку за кратка размена на зборови на маргините на настан. Муцунски реагираше и на употребата на терминот „северномакедонски“, нагласувајќи дека тој е неточен и несоодветен за означување на македонскиот народ.

Позициите на Македонија, Муцунски уште еднаш ги потврди и во интервју за Еуроњуз.

Новата бугарска министерка, Велислава Петрова-Чамова, пак, и во вчерашаната изјава потврди дека ставот на Софија останува ист и непроменет и со новата влада на Радев – исполнувањето на договореното од 2022 година за нив не е веќе билатернално прашање туку прашање на дискусија меѓу ЕУ и земјата-кандидат.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Квартет „Сигнум“-индивидуална харизма споена во заедничко музицирање

Четворицата извонредни саксофонисти Михал Кнот, Јакопо Тадеи, Алан Лужар и Едоардо Зоти, обединети во квартетот „Сигнум“  беа вистинско летно освежување на „Охридско лето“ со својот концерт што го одржаа вчеравечер во црквата „Света Софија“.

Квартет „Сигнум“-индивидуална харизма споена во заедничко музицирање

Преку нивните импресивни виртуозни вештини публиката уживаше во музика од Хенри Персел, еден од најзначајните англиски композитори од епохата на средниот барок. Магичната вечер продолжи со гудачки квартет од Антони Дворжак аранжиран за квартет саксофони од страна на „Сигнум“, а заврши со двајцата великани во американската уметност, Џорџ Гершвиш и Леонард Бернштајн.

Тенор саксофонот Алан Лужар потсети дека овој ансамбл биле дел од програмата на „Охридско лето“ во 2015 година.

-Многу се радуваме што по толку години повторно се враќаме во Охрид. Овде се чувствуваме прекрасно и драго ни е што ја делиме музиката со публиката. Квартетот саксофони е формиран пред 15 години, едноставно во студентските денови. Светот на саксофонистите е мал и така се запознавме. Свириме од 60 до 70 концерти годишно на сите континенти, рече Лужар.

Стилот што го негуваат како квартет „Сигнум“ претставува еден вид спој на повеќе жанри, со особена посветеност на музиката оригинално напишана за гудачки квартет, но и со афинитет кон рок- класиците на модерното време.

Веќе од првите тонови на нивната изведба, овие музичари започнуваат со вистински „огномет“, кој надополнет со емоции и постојана љубопитност да се преминуваат границите на музиката, прави тие да создаваат необично и уникатно ансамблово музицирање. Без разлика дали станува збор за оригинални композиции напишани за квартет саксофони или пак аранжмани на оркестарски дела, барокни композиции или рок-музика – љубовта со која „Сигнум“ им пристапува прави да можат убедливо да изведуваат музика од сите епохи и жанрови. Честопати се вели дека е тешко со зборови да се опише нивното мајсторско свирење – единствен начин е тоа да се доживее при изведбата во живо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Африм Гаши: Честит 2 Август – Ден на Републиката!

По повод 2 Август – Ден на Републиката, во име на Собранието на Република Македонија и во мое лично име, ви упатувам најискрени честитки. 

Африм Гаши: Честит 2 Август – Ден на Републиката!

Овој ден нè обединува околу вредностите врз кои се гради и зајакнува нашата држава и нè потсетува на заедничката одговорност да ја зајакнеме со дела, визија и посветеност.

2 Август нè потсетува на идеалите за слобода и самоопределување, поставени врз двата столба на нашата историја: Илинденското востание (1903) и Првото заседание на АСНОМ во Прохор Пчински (1944). Овие два историски настана го претставуваат континуитетот на стремежот кон држава изградена врз слободата, демократијата и одговорноста кон граѓаните.

Но, тежината на овој ден не се состои само во историјата што ја наследуваме, туку и во примерот што го даваме секој ден. Тој нè повикува да размислиме како ги живееме идеалите врз кои е изградена Републиката, нè мери според начинот на кој ги почитуваме институциите, како ја штитиме демократијата, како се слушаме едни со други и како заедничкиот интерес го ставаме над поделбите.

Затоа, да го искористиме овој ден за да ја обновиме нашата заедничка посветеност: институциите да бидат пример за интегритет, медиумите глас на јавната одговорност, граѓаните активни учесници во демократијата, а секој од нас промотор на довербата, правдата и соживотот.

Убеден сум дека, зачувувајќи го духот на соживотот и промовирајќи дијалог, почит и институционална одговорност, ќе продолжиме да чекориме напред кон поразвиена, подемократска и попросперитетна држава, цврсто поставена на неповратниот пат кон европската интеграција. Тоа е најдостоинствениот начин да ја оддадеме почитта кон Република Македонија.

Африм Гаши

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Драма во близина на Атина: Огнот голта куќи и шуми

Голем шумски пожар, кој од областа Виотија се прошири кон Атика и подрачјето на Порто Гермено, зафати голема површина, а во неговото гаснење од утринава се вклучени девет противпожарни возила и четири хеликоптери.

Видео: Драма во близина на Атина: Огнот голта куќи и шуми

Пожарот се ширеше на два фронта, а во близина на градот Псата беше издадено предупредување за евакуација на жителите кон Алепохори и Мегара, објави ЕРТ.

Како мерка на претпазливост, во текот на ноќта беа евакуирани и населбите Агија Параскеви, Агиос Нектариос и Крио Пигади.

За време на операцијата за спасување, припадници на крајбрежната стража и на противпожарната служба со чамци евакуираа 12 лица кои беа заробени на плажата во Порто Гермен. Сите беа безбедно пренесени во Алепо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер