Нова бугарска влада – стари искричења, бугарскиот амбасадор повикан во МНР за „северномакедонски“ - Канал 5

Македонија

Нова бугарска влада – стари искричења, бугарскиот амбасадор повикан во МНР за „северномакедонски“

Бугарскиот амбасадор во земјава Жељазко Радуков е повикан во македонското МНР по изјавата на шефицата на бугарската дипломатија која го искористи терминот „северномакедонски“, дознава Канал 5. 

Нова бугарска влада – стари искричења, бугарскиот амбасадор повикан во МНР за „северномакедонски“

Македонското МНР го повика и му упати усен демарш на бугарскиот амбасадор во земјава Жељазко Радуков за вчерашната изјава на шефицата на бугарската дипломатија Петрова Чамова во Брисел која го искористи терминот „северномакедонски“, дознава Канал 5. Според нашите информации тој бил примен во министерството на пониско ниво, од надлежниот за регионот, а не од министерот и му било предочено дека Преспанскиот договор не предвидува придавка „северномакедонски“ што вчера ја употреби бугарската министерка Петрова Чамова во Брисел.

-На средбата му беше упатен усен демарш во врска со несоодветното адресирање од страна на министерката за надворешни работи на Република Бугарија, Весислава Петрова Чамова, која во својата вчерашна изјава за време на Советот на министри за надворешни работи на Европската Унија употреби несоодветна и неправилна придавка изведена од името на нашата држава, користејќи го изразот „северно-македонски партнери, информираат од МНР за Канал 5.

Ако денот по утрото се познава, според политичкиот аналитичар Петар Арсовски, првиот контакт меѓу Петрова-Чамова и Муцунски не влева некоја поголема надеж за односите меѓу двете земји, а нејзината изјава со употреба на придавката „северномакедонски“ партнери, Арсовски ја оцени или како нејзино непознавање на Преспанската спогодба или како намерна провокација.

-Преспанскиот договор на кој претпоставувам дека реферира министерката за надворешни работи на Бугарија нарекувајќи не „северномакедонци“, таква придавка не предвидува. Во него „северномакедонци“ и „северномакедонци“ се забранети придавки односно не се предвидени. Така што, самиот тој инцидент, условно речено, е доказ за непознавање на Преспанската спогодба или едноставно негрижа за чувствата на другиот. Но на страна фактите на случајот, односот на двајцата министри покажува дека ние влегуваме во новата фаза на односите меѓу Македонија и Бугарија со една повисока доза на антагонизам и искри. Ако денот по утрото се познава не очекувам дека таму ќе има некаков сериозен пробив, напротив, првите индиции се дека позициите ќе останат закопани, смета Арсовски.

Иако беа на ист состанок вчера во Брисел, Чамова и Муцунски подоцна разменија пораки преку различни изјави, објаснувајќи се дали имало или не заедничка средба или само застанување во кулоарите на Советот за надворешни работи.

Додека бугарската министерка говореше за „добра прва средба“, македонскиот министер возврати дека не станувало збор за официјален состанок, туку за кратка размена на зборови на маргините на настан. Муцунски реагираше и на употребата на терминот „северномакедонски“, нагласувајќи дека тој е неточен и несоодветен за означување на македонскиот народ.

Позициите на Македонија, Муцунски уште еднаш ги потврди и во интервју за Еуроњуз.

Новата бугарска министерка, Велислава Петрова-Чамова, пак, и во вчерашаната изјава потврди дека ставот на Софија останува ист и непроменет и со новата влада на Радев – исполнувањето на договореното од 2022 година за нив не е веќе билатернално прашање туку прашање на дискусија меѓу ЕУ и земјата-кандидат.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фридрих Мерц е во сериозни проблеми

Само 10% од Германците изјавиле дека се задоволни од работата на канцеларот Фридрих Мерц – што претставува најниска бројка во последните речиси 30 години – според анкетата „Deutschlandtrend“, за што известува порталот „Interia“.

Фридрих Мерц е во сериозни проблеми

На почетокот на септември, 13% од испитаниците ја оценувале работата на Мерц позитивно. Оваа нова бројка го означува најниското ниво во текот на целиот негов мандат како канцелар.

Доколку изборите за Бундестагот се одржеле на преминот од септември кон октомври, блокот CDU/CSU би можел да смета на 20% од гласовите. Тоа е за еден процентен поен помалку отколку на почетокот на септември.

Крајно десничарската партија „Алтернатива за Германија“ (AfD) доби најголема поддршка во анкетата, со 27%; нејзиниот рејтинг остана непроменет во текот на месецот. Зелените би освоиле 16%, Социјалдемократската партија на Германија (SPD) 13%, а партијата „Левица“ (Die Linke) 11%. Со 4% од гласовите, Слободната демократска партија (FDP) не би го достигнала изборниот праг од пет проценти.

Што се однесува до членовите на владата, министерот за одбрана Борис Писториус (SPD) доби значително подобри оценки од канцеларот: 50% од учесниците во анкетата биле задоволни или многу задоволни од неговата работа. Работата на министерот за надворешни работи Јохан Вадефул позитивно ја оцениле 34% од испитаниците, додека работата на министерот за внатрешни работи Александар Добринд добила позитивна оценка од 27%. Околу 20% од испитаниците биле задоволни од работата на вицеканцеларот и министер за финансии Ларс Клингбајл, додека приближно еден од шест испитаници бил задоволен од работата на министерката за труд Бербел Бас. И двајцата се членови на „SPD“.

Анкетата била спроведена кон крајот на септември од страна на институтот „Infratest dimap“. Истражувањето било спроведено преку телефон и интернет, користејќи репрезентативен примерок од 1.303 гласачи со право на глас.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Тајм“: Трамп го прашал „Грок“ што би се случило ако го уапси Мадуро

Американскиот претседател Доналд Трамп го прашал „Грок“ – чет-бот со вештачка интелигенција во сопственост на Илон Маск – како народот на Венецуела би реагирал на апсењето на тогашниот претседател Николас Мадуро.

„Тајм“: Трамп го прашал „Грок“ што би се случило ако го уапси Мадуро

Ова се случило неколку недели пред тој да нареди операција за негово приведување, открива списанието „Тајм“. Наводно, вештачката интелигенција му рекла на Трамп дека многумина во Венецуела веројатно би го прославиле падот на Мадуро.

Во декември 2025 година, Трамп се сретнал приватно со Маск во Овалната соба, каде што со часови го испрашувал „Грок“ за својот мандат и политичкото наследство. „Тајм“ ја заснова оваа информација на изјава од официјално лице кое присуствувало на средбата.

Едно од прашањата што Трамп му ги поставил на чет-ботот било како би реагирале Венецуелците доколку САД го уапсат Мадуро. Официјалното лице цитирано од списанието вели дека „Грок“ го опишал Мадуро како „репресивен и крајно непопуларен диктатор“ и проценил дека многумина во Венецуела навистина би можеле да го прослават неговиот пад.

Операција во Каракас

Еден месец подоцна, Трамп наредил операција за апсење на Мадуро. Американските сили го привеле него и неговата сопруга, Силија Флорес, за време на воена операција во Каракас на 3 јануари, а потоа ги префрлиле во Соединетите Држави.

Мадуро бил однесен во Њујорк, каде што се соочува со федерални обвиненија за трговија со дрога – обвинувања што тој ги негира. Кога некои Венецуелци навистина го прославиле апсењето, Трамп – според официјалното лице – заклучил дека „Грок“ е „генијален“.

Извор: Индекс.хр

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер