Балкан

Нова блокада на судот во Нови Сад

Стотици граѓани, студенти, ветерани од утрово се присутни пред зградата на судските власти во Нови Сад и им дозволија на вработени да влезат во зградата на судот со најава дека блокадата ќе ја продолжат по 11 часот.

Тие очекуваат Апелацискиот суд денеска да донесе одлука по жалбата за продолжување на притворот за уште тројца активисти.На активистите Младен Цвијетиќ, Срѓан Ѓуриќ и Давор Стефановиќ им е продолжен притворот за 30 дена, што значи дека можат да траe до 12 јуни, одлучи во четврток Вишиот суд во Нови Сад.

Студентите рекоа дека се борат за слобода и потсетија дека активистот Давор Стефановиќ бил нападнат во притвор, а дека семејството и адвокатот „не знаеле за тоа со денови“.

Како и претходните 11 дена, и денеска сите влезови во зградата на судот во Нови Сад се блокирани, а еден од влезовите е блокиран од професори од академската мрежа Слободан Универзитет Нови Сад.

Тројца активисти се во домашен притвор со електронски надзор, меѓу кои и Марија Васиќ, професорка по социологија во средното училиште „Јован Јовановиќ Змај“, која беше испратена во домашен притвор од болницата во Централниот затвор во Белград.

Претседателот на Српската напредна странка, Милош Вучевиќ, изјави дека пред судот во Нови Сад нема членови ниту симпатизери на таа партија, бидејќи, како што истакн а, не сакаат да го загрозат нормалниот живот на граѓаните. Тој додаде дека одлуката е донесена по разговор со претседателот Александар Вучиќ. Пред неколку дена Вучевиќ најави собирање на симпатизери на СНС пред судот во Нови Сад.

Студентите на Правниот факултет во Нови Сад синоќа ги повикаа граѓаните да им се придружат во Нови Сад, тврдејќи дека поддржувачи на СНС ќе се соберат пред таа институција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Маж извлечен од урнатите четири дена по земјотресот во Колумбија

Во Колумбија маж е извлечен од урнатите четири дена по силниот земјотрес.

Мажот бил пронајден под урнатините на хотел во градот Переј-Ра, што претставува редок зрак надеж по потресот од 7,4 степени кој ја погоди земјата и однесе најмалку 280 животи..

Околу 400 луѓе и натаму се водат како исчезнати. Земјотресот што ја погоди колумбија во понеделникот наутро, со епицентар во Сан Хозе Дел Палмар во покраината Чоко, урна повеќе станбени блокови и оштети куќи, училишта и болници низ западот на земјата..

Тагови: земјотрес Колумбија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Најголемиот пожар во историјата регистриран во Белгија, ЕУ испраќа помош

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата.

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата, изјави европскиот комесар за управување со кризи, откако белгиските власти побараа итни засилувања за да го стават под контрола најголемиот пожар што ја погодил земјата во последните неколку децении.

Огнот го зафати „От Фан“ (Hautes Fagnes), најголемиот белгиски природен резерват, каде што пожарот беснее уште од петокот. Локалните пожарникари, земјоделците и ангажираните воени сили се обидуваат да го спречат ширењето на пожарот.

Според извештаите на локалните медиуми, кои се повикуваат на податоци од гувернерот на провинцијата Лиеж, до денес попладне изгореле околу 1.600 хектари.

Ова е најголемиот пожар регистриран во Белгија досега – кој го надминува дури и пожарот од 2011 година, кога изгореа речиси 1.400 хектари – според податоците на Европскиот информативен систем за шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: По 30 години чекање, булеварот „Борис Трајковски“ добива нов асфалт

По три децении чекање и бројни најави, започна асфалтирањето на булеварот „Борис Трајковски“, со што проектот влегува во својата завршна фаза.

По решавањето на долгогодишните имотно-правни прашања и завршената експропријација, трасата е целосно ослободена за реализација на градежните активности. Во рамки на проектот е изградена и нова атмосферска канализација, со што се создава современа и функционална инфраструктурна основа за овој значаен сообраќаен коридор.

Започнатото асфалтирање е конкретен чекор кон целосното завршување на булеварот и подобрување на сообраќајното поврзување, безбедноста и условите за движење на граѓаните.

Она што со години беше само ветување, денес се претвора во конкретен резултат.

Ова е пример дека со решавање на проблемите, сериозна работа и посветеност, Скопје може да добива инфраструктура која ќе служи на граѓаните и ќе остане за идните генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.