Нова анкета: ВМРО-ДПМНЕ со тројна предност пред СДСМ, Мицкоски далеку пред Филипче - Канал 5

Македонија

Нова анкета: ВМРО-ДПМНЕ со тројна предност пред СДСМ, Мицкоски далеку пред Филипче

ВМРО-ДПМНЕ со тројна предност перед СДСМ, а премиерот Мицкоски со четири пати поголема доверба од Филипче, покажува последното испитување на јавното мислење спроведено од Маркет вижн за Мкд.мк. 

Нова анкета: ВМРО-ДПМНЕ со тројна предност пред СДСМ, Мицкоски далеку пред Филипче

Најголем број од испитаниците 20,5 отсто се изјасниле дека на наредните избори ќе го дадат својот глас за партијата ВМРО-ДПМНЕ, СДСМ 6,2 отсто за СДСМ, пет проценти од анкетираните би гласале за ДУИ, нешто над 4 проценти за ВРЕДИ, 3 отсто за Левица и 1.5 проценти за Дижењето ЗНАМ.

28 проценти се изјасниле дека нема да излезат на гласачките места, а околу 11 отсто не сакале да откријат за кого ќе го дадат својот глас. Процентуално од оние кои откриле речиси половина би гласале за ВМРО-ДПМНЕ, 15 проценти за СДСМ, 12 за ДУИ, 10 проценти за ВЛЕН.

Анкетата покажува дека најголема доверба меѓу лидерите ужива Христијан Мицкоски со 23,3 проценти. Зад него е лидерот на ДУИ Ахмети во кого доверба имаат 5,5 проценти од испитаниците, додека првиот човек на СДСМ Филипче е на третото место и за него се изјасниле 5,1 отсто од испитаниците. Интересно е и што копретседателите на ВЛЕН Изет Меџити и Билал Касами заедно имаат поголем рејтинг од Ахмети – Меџити 4 проценти, а Касами 2 ипол.

Според премеирот Мицкоски неговиот висок рејтинг, како и рејтингот на партијата не ги гледа како мотив за барање предвремени паралементарни избори, но не ја исклучи таквата можност доколку тоа го побараа другите партии.

Во анкетата испитаниците биле прашани да се изјаснат и за евроинтеграциите, при што високи 80,3 проценти од испитаниците одговориле дека се за влез на Македонија во ЕУ со статус на земја набљудувач и без право на вето, модел за кој се погаласно се разговара во рамки на Унијата. А против ваквиот модел за членство се изјасниле само 8,4 проценти од испираниците.

Од СДСМ пак реагираат дека анкетата била нарачана бидејќи власата била во паника поради тоа што можела да се справи со катастрофалната состојба во економијата.

Анкета на Меркет вижн е спроведена телефонски на 1.200 испитаници во период од 10-ти до 27-ми јуни. Ваквото истражување на јавното мислење доаѓа на две години од мандатот на оваа Влада и во момент на реконтрукција на валадиниот состав и промени во осум ресори.

За предложените минстерски имиња пратениците ќе се изјаснат в понеделник на пленарна седница закажана за во 11 часот. Од СДСМ пак велат дека она што власта го претставува како „освежување“ на владиниот состав, го оценуваат како чист политички театар во кој се менуваат министрите, но не и политиките.

YouTube video

Тагови: Анкета ВМРО ДПМНЕ СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Експлодира автомобил во Москва- во него бил советникот на поранешниот премиер на Украина (ВИДЕО)

Автомобил „Тојота“ експлодираше во московското предградие Чертаново, на улицата Кировоградска, а во возилото се наоѓал рускиот пропагандист Сергеј Заворотни (72), кој е повреден.

Експлодира автомобил во Москва- во него бил советникот на поранешниот премиер на Украина (ВИДЕО)

Според првичните информации, експлозијата се случила околу 200 метри откако автомобилот го напуштил дворот на зградата, пишува Украинска правда.

Силата на детонацијата го исфрлила возачот од возилото на патот. Се претпоставува дека експлозивната направа била поставена под возачкото седиште и дека била активирана додека автомобилот бил во движење.

Заворотни претрпел повреди на градите и грбот, како и сериозни повреди на нозете. Според достапните информации, тој ја преживеал експлозијата.

Кој е Сергеј Заворотни?

Заворотни е руски публицист и кандидат за историски науки, кој претходно работел во Државната дума, а бил и советник на поранешниот украински премиер Микола Азаров, кој избегал во Москва откако ја напуштил власта.

Во јули 2015 година, тој учествуваше во основањето на „Комитетот за спасение на Украина“, организација основана од Азаров. Заворотни беше познат по својата поддршка за Кремљ и неговите антиукраински ставови. Тој ја нарече Револуцијата на достоинството во Украина државен удар и го обвини Западот за мешање во внатрешните работи на земјата.

Во извештајот на американскиот Сенат за руското мешање во политичките процеси се наведува дека Заворотни бил офицер на руската служба за надворешно разузнавање и учествувал во операции за влијание. Тој бил поврзан и со медиумскиот проект „Антифашист“ и е еден од авторите на книга чија содржина била насочена против Украина.

Експлозијата во Москва се случи еден ден откако автомобил експлодираше во градот Шушари, во областа Пушкин во Санкт Петербург, на чиј волан, според извештајот, возел руски полковник. Тој почина на местото на настанот.

Тагови: москва украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Решена е мистеријата на радио сигналите од вселената, кои се емитуваат на секои 8 минути

Научниците од Универзитетот Куртин и Меѓународниот центар за радиоастрономски истражувања (ICRAR) поврзаа мистериозни радио-сигнали со необичен пар ѕвезди .

Решена е мистеријата на радио сигналите од вселената, кои се емитуваат на секои 8 минути

Научниците од Универзитетот Куртин и Меѓународниот центар за радиоастрономски истражувања (ICRAR) поврзаа мистериозни радио-сигнали со необичен пар ѕвезди - мртва ѕвезда што ротира околу својата оска на секои осум минути и ѕвезда слична на нашето Сонце, соопшти Меѓународниот центар за радиоастрономски истражувања (ICRAR), објави списанието Nature.

Новооткриениот систем, познат како GPM J071507−114153, се состои од две ѕвезди што орбитираат една околу друга: бело џуџе - густото јадро што останува по смртта на ѕвездата - и ѕвезда од типот G, слична на нашето Сонце.

Ова е прв пат радио-сигнали да бидат откриени од бело џуџе што орбитира околу ѕвезда слична на Сонцето. Ваквите сигнали обично се гледаат во системи со помали, постудени ѕвезди - црвени џуџиња, што значи дека откритието отвора сосема ново поглавје во истражувањето на вселената.

Овие ѕвездени парови припаѓаат на поширока класа на објекти познати како долгопериодични транзиенти (LPT), кои произведуваат радио-сигнали што се вклучуваат и исклучуваат во интервали од минути до часови. Откако истиот тим на ICRAR го откри првиот таков објект во 2021 година, откриени се уште десетици, а астрономите сè уште работат на нивно разбирање.

Иако неколку претходно откриени LPT системи содржат бело џуџе и друга ѕвезда, не е јасно која од двете ѕвезди ги произведува радио импулсите.

„Ова е прв пат импулсите да се доволно јасни за да се види како белото џуџе се движи во својата орбита околу својот придружник, па затоа знаеме дека пулсациите доаѓаат од регион близу до белото џуџе, или можеби дури и од самото бело џуџе“, рече д-р Сем МекСвини, главен автор на студијата и научник задолжен за Опсерваторијата Square Kilometre Array (SKAO), кој го направи откритието додека работеше како истражувач во филијалата на ICRAR на Универзитетот Куртин, од каде објавија ВИДЕО од феноменот.

Тимот обработи повеќе од 100 часа радио податоци во Истражувачкиот центар за суперкомпјутери „Пози“ за да го потврди и разбере движењето на белото џуџе.

Професорката Наташа Харли-Вокер, коавторка на трудот, изјави дека пулсирањата емитирани од белото џуџе му овозможиле на тимот да детектира ѕвездени пламени на ѕвездата слична на Сонцето, слични на оние што создаваат аурори овде на Земјата.

„Како бонус, го видовме и белото џуџе како се движи зад област со силно магнетно поле, најверојатно „ѕвездена истакнатост“, што е голема јамка на плазма што излегува од површината на ѕвездата. Неверојатно е што можеме да детектираме бури на ѕвезда оддалечена повеќе од 5.000 светлосни години користејќи радио бранови“, рече таа.

Истражувачите на ICRAR се во првите редови во откривањето на овие ретки системи.

„Го откривме овој систем во големо истражување на небото користејќи го Murchison Widefield Array (MWA), скенирајќи го целиот Млечен Пат видлив од Австралија. Потоа го користевме радиотелескопот MeerKAT во Јужна Африка за да ја одредиме неговата прецизна позиција“, рече Харли-Вокер.

Откако LPT беше лоциран со радиотелескоп, опсерваторијата W. M. Keck на Мауна Кеа, Хаваи, ја потврди нејзината поврзаност со ѕвезда од тип G со оптички набљудувања.

И MWA – управувана од Универзитетот Curtin во објектот Inyarrimanha Ilgari Bundara, опсерваторијата за радио астрономија Murchison на CSIRO на земјиштето Wajarri Yamaji во Западна Австралија – и MeerKAT, изградена и управувана од Јужноафриканската радио астрономска опсерваторија во покраината Северен Кејп во таа земја, служат како претходници на телескопите SKA: системот SKA-Low во Австралија и системот SKA-Mid во Јужна Африка, соодветно.

„Ако веќе правиме вакви откритија со телескопите-претходници, само замислете колку уште ѕвездени системи ќе можеме да најдеме и каков прекрасен детален поглед на нивните сигнали ќе имаме кога телескопите SKAO ќе бидат целосно изградени“, рече д-р МекСвини.

Тагови: вселената радио сигнали

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма во САД: Танкер удри во туристички брод, патниците скокнаа во реката Мисисипи (ВИДЕО)

Голем танкер денеска се судри со туристички брод на реката Мисисипи во Њу Орлеанс, САД.

Драма во САД: Танкер удри во туристички брод, патниците скокнаа во реката Мисисипи (ВИДЕО)

На бродот имало околу 129 патници и членови на екипажот, а по судирот почнал да тоне. Започната е голема спасувачка операција, а снимките од местото на несреќата покажуваат луѓе во вода.

Несреќата се случила околу 12:30 часот по локално време, недалеку од мостот Кресент Сити Конекшн. Танкерот „Атлантик Асфалт“ удрил во туристичкиот брод „Американ Херитиџ“, кој во тој момент бил закотвен на брегот.

Бродот се навалил по ударот и почнал да тоне

Снимките што се појавија на социјалните мрежи го покажуваат моментот кога многу поголем танкер се судри со туристички брод со препознатливо големо тркало на крмата.

По судирот, бродот се навалил силно на страна, а дел од трупот завршил под вода. Снимките покажуваат луѓе кои носат елеци за спасување во реката, додека други се држат за оградата на бродот.

Според првичните информации, „Американ Херитиџ“ се закотвил во пристаништето приближно два часа пред несреќата, а патниците се подготвувале да се симнат од него.

Голема спасувачка операција

На местото на несреќата пристигнаа пожарникари, полиција, брза помош, пристанишна полиција и крајбрежна стража на САД.

Поручникот Стефани Ц. Норвуд од Службата за итна медицинска помош на Њу Орлеанс потврди дека сите релевантни служби се вклучени во спасувачката операција.

Пристанишните власти објавија дека нивниот моментален приоритет е безбедноста на патниците, членовите на екипажот и спасувачките екипи.

Според првичните извештаи, спасените патници се транспортираат до зградата на пристанишната администрација, каде што добиваат медицинска помош.

Причината за судирот сè уште не е позната

Сè уште нема официјално потврдени информации за бројот на повредени или евентуално исчезнати лица.

Според неофицијалните информации што ги објавија американските медиуми, танкерот можеби останал без струја пред судирот. Надлежните служби сè уште не ги потврдиле овие информации.

Американските власти ја продолжуваат спасувачката операција и ги утврдуваат околностите на судирот.

Тагови: брод Мисисипи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер