Нов закон во Кина: Седум години затвор за препишување при полагање матура! - Канал 5

Живот

Нов закон во Кина: Седум години затвор за препишување при полагање матура!

Новиот кинески закон предвидува строга казна за измама при полагање на матура. Властите распоредија 800 полицајци со задача да го надгледуваат полагањето ан националниот испит во 96 испитни центри во земјата.

Нов закон во Кина: Седум години затвор за препишување при полагање матура!
Овој закон бил изгласан минатата есен за да се запре распространетото мамење и препишување на испитот кој во Кина се нарекува „гаокао“.

- Не им верувајте на групите или на поединците кои нудат лажна помош на испитот, ќе паднете во замка и ќе ризикувате да жалите цел живот - предупреди министерството за образование преку соопштение - пренесе Њујорк тајмс.

Во Кина овој испит се смета за решавачки бидејќи во зависност од постигнатите резултати, девет милиони кандидати се распоредуваат на подобрите или на послабите универзитети. Во Кина академското определување е од исклучително значење за натамошниот развој на кариерата. Дипломата од подобар Универзитет отвора врати кон добро платено работно место а студиите на универзитет со лоша репутација може да го нарушат угледот на семејството и водат кон неугледни професии.

Студентите не се едногласни во врска со законот.

- Едноставно, премногу е строг - вели Ванг Јиран, студент од Универзитетот Јангце, за Њујорк тајмс.

Бела Ху, пак, 19 годишна студентка од Технолошкиот институт во Пекинг, смета дека е „неопходно да се елиминира измамата и препишувањето бидејќи тоа загрозува се“.

Кинескиот весник „Глобал Тајмс“ пишува дека законот бил неопходен за да се зачува социјалната правда во кинеското општество, со оглед на тоа што испитот „гаокао“ може социјално да ги крене семејствата кои живееле поскромно.

Гаокао во Кина е толку важен што таму се развил вистински бизнис чија цел е измама на испитот - се плаќаат компании чија задача е дискретно на кандидатите да им ги достават точните одговори, на денот на испитот.

Минатата година властите во градот Луојанг користеле дронови за да ги откријат измамниците и нивните помагачи кои им праќаат одговори преку различни преносни системи!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кремљ: Москва нема да поставува услови за европскиот преговарачки тим

Москва нема да поставува услови за составот на европскиот преговарачки тим, изјави во саботата портпаролот на Кремљ, Дмитриј Песков. „Не можеме и не сакаме да поставуваме услови за нивниот преговарачки тим.

Кремљ: Москва нема да поставува услови за европскиот преговарачки тим

Таквиот пристап е сосема погрешен“, рече Песков.

Европската унија веќе некое време дискутира за назначување на специјален пратеник за да се обезбеди директно европско претставување во идните мировни преговори. Песков, за потсетување, на 25 октомври изјави дека Русија ќе го поддржи назначувањето на преговарач на ЕУ, под услов пратеникот искрено да работи на постигнување мирно решение.

Неколку имиња

Финскиот претседател Александар Стуб и чешкиот претседател Петр Павел се споменуваат како можни кандидати. И покрај ова, Европската унија сè уште нема ниту договорен преговарач, ниту заеднички став за тоа кога треба да започнат директните преговори.

Украинскиот претседател Володимир Зеленски изјави во саботата дека Европа мора да биде на преговарачката маса во следната рунда преговори заедно со САД, Украина и Русија. Тој исто така рече дека Украина очекува одлука од своите европски партнери за тоа кој ќе ја претставува Европа до крајот на ноември.

Извор: Индекс.хр

Тагови: кремљ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Илјадници луѓе излегоа на улиците во Португалија: „Нема да ни ги украдете домовите“

Илјадници луѓе денес излегоа на улиците во 32 градови низ Португалија, барајќи итна акција од владата за решавање на влошената криза со домувањето во земјата.

Илјадници луѓе излегоа на улиците во Португалија: „Нема да ни ги украдете домовите“

Протестите беа организирани од платформата „Каса пара вивер“ (Дом за живеење) под слоганот „Тие нема да ни го украдат правото на дом“. Митинзите се одржаа во Лисабон, Порто, Фаро, Портимао, Коимбра, Брага и други градови.

Барање за контрола на киријата и поголема заштита на станарите

Демонстрантите бараат построга контрола на киријата, поголема заштита на станарите од иселувања и поголеми инвестиции во изградба на достапни јавни станови. Тие исто така бараат повлекување на предложените измени во законот за станови за изнајмување.

Рита Силва, портпаролка на платформата „Каса пара вивер“, изјави за новинската агенција Луса дека протестите низ целата земја покажуваат дека кризата со домувањето не ги погодува само големите градови, туку цела Португалија.

Платформата, која обединува околу 100 здруженија за домување и локални организации, исто така бара построги правила за договорите за изнајмување, празните имоти, краткорочните туристички изнајмувања и сузбивање на шпекулациите со имоти.

Владата предлага измени во законот за изнајмување

Протестите се случија откако парламентот во принцип го одобри предлогот на владата за измена на законот за изнајмување. Предложените измени би овозможиле поголема флексибилност во договорите за изнајмување и би ги забрзале процедурите за иселување.

Активистите за правата на домување предупредуваат дека промените би можеле дополнително да ја ослабат заштитата на закупците во време на зголемување на кириите и намалување на достапноста на станови.

Активистите го повикуваат премиерот на разговори

На националните протести им претходеше состанок меѓу португалскиот претседател Антонио Хозе Сегура и активистите за правата на домување во петокот.

Претставниците на платформата „Каса пара вивер“ го поздравија состанокот и го повикаа премиерот Луис Монтенегро лично да се вклучи во разговори со нивното движење.

Тагови: Португалија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

51. Марш на ангелите во Кочани: Маршираме за сите невини жртви во трагедиите што ја завија Македонија во црно

Вечерва во Кочани родителите на жртвите во дискотеката „Пулс“ го одржаа 51-от Марш за ангелите.

51. Марш на ангелите во Кочани: Маршираме за сите невини жртви во трагедиите што ја завија Македонија во црно

Во дел од своите обраќања порачаа дека денеска освен за 63-те ангели кои загинаа во дискотеката, маршираат и за сите невини жртви што ја завиле Македонија во црно, како трагедиите во модуларната болница, Ласкарци, автобусот на Беса Транс. Им оддадоа почит и на жените и девојките чии животи како што посочија, насилно биле прекинати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер