Економија

Нов скок на горивата: Дизелот се продава за 98 денари, бензините по 91,5 и 93,5 денари за литар

Новите значително повисоки цени на дизелот кој од денеска се продава по цена од 98 денари за литар, и оние на бенизните, кои по вчерашната одлука на Регулаторна, изнесуваат 91,5 денари , односно 93,5 денари по литар за 95ка и 98ца .

Новите значително повисоки цени на дизелот кој од денеска се продава по цена од 98 денари за литар, и оние на бенизните, кои по вчерашната одлука на Регулаторна, изнесуваат 91,5 денари , односно 93,5 денари по литар за 95ка и 98ца – вчера ги прополнија безнинсиките пумпи, а на социјалните мрежи се појавија и фотографии дека на одредени продажни места поради трошење на залихите одредени деривати не се точат....

Денеска состојбата на терен е поинаква – резерви на горива има, гужви нема. Цените на дериватите по војната на Блискиот исток постојано варираат, како на светските берзи така и кај нас. Преговорите за крај на војната меѓу САД и Иран заглавија, а барел денеска се тргува по цена од над 90 долари. Според економскиот аналитичар Бранимир Јованович, иако цените на нафтата скокнаа, инфлацијата е разгорена, сепак вели иако се предвидуваа црни сценарија во овие 6 месеци од војната искуствоото и не е толку негативно.

„Прво намалена е глобалната побарувачка многу земји почнаа да штедат посебно азиските. Другите земји го зголемија производството, како во Либија, Америка, залихите се на релативно добро ниво. Исто така ако се погледанат глобалните залихи на нафта ќе видите дека тие се намалија за околу 5 % за 6 месеци и тоа не е така страшно. Ако вака продолжи може да се тера уште 10 години додека не се потрошат залихите. “- Бранимир Јованович – економски аналитичар.

Иако очекува стабилизирање, сепак вели креторите на политики во земјава треба зимата да ја дочекаат подготвени бидејќи тие месеци може да предизвикаат потешкотии, доколку евентуално ситуацијата на Блискиот исток се влоши.

„Мора да се пополнат сите складишта, резервит да се кренат на највисоко ниво, затоа што не знаете што ќе се случи во наредните месеци мора да бидете спремни на најлошото доаѓа зима студени денови. И една од мерките кои треба да бидат според мене е и огрнаичување на пумпите....“ - Бранимир Јованович – економски аналитичар.

Вчерашната пресметка на Регулаторна беше направена со намалени акцизи и тоа кај дизелот за 4, и кај бенизните за 2 денари по литар – мерки кои според Јованович, во иднина не би требало да се практикуваат бидејќи вели директниот товар од нив паѓа врз државниот буџет. Како опција при евентуален подолгорочен скок на цените на нафтата, според него една од мерките која ја споменува е замрзнување на цените на дериватите, така според него товар ќе биде порамномерно распределен...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Сирија осуден на смрт братучедот на Башар ал Асад

Сирискиот суд го осуди Васим ал Асад, братучед на поранешниот претседател Башар ал Асад, на смрт за сторени „воени злосторства и злосторства против човештвото“, откако поранешниот претседател Асад беше осуден на смрт во отсуство една недела претходно.

Судијата Фар ал-Дин ал-Арјан го прогласи Васим ал Асад за виновен за, „убиства со умисла на повеќе лица, придружени со тортура и бруталност... класифицирани како злосторства против човештвото и воени злосторства“ и објасни дека е „осуден на смрт за тоа“.

Во април, во Сирија започнаа судења против Башар ал Асад, кој избега во Русија, и други функционери, за злосторства извршени за време на граѓанската војна предизвикана од бруталната репресија на продемократските протести.

Сирија го осуди братучедот на Башар ал Асад на смрт

Васим ал-Асад е првиот член на семејството Асад на кој му се суди откако беше уапсен и приведен во близина на сириско-либанската граница во јуни. Војната ја опустоши земјата од 2011 до 2024 година, оставајќи зад себе повеќе од половина милион мртви, милиони раселени и десетици илјади исчезнати.

Трибуналот утврди дека Васим ал-Асад формирал две вооружени групи лојални на поранешниот режим, кои извршиле напади во близина на Дамаск во кои загинале десетици луѓе. Тој беше прогласен и за виновен за поттикнување граѓанска војна. Други обвиненија, вклучително и трговија со дрога, беа отфрлени поради недостаток на докази.

Иако не држел висока функција, Министерството за финансии на САД го санкционираше Васим ал-Асад во 2023 година, велејќи дека тој водел паравоена единица и бил „клучна фигура во регионална мрежа за трговија со дрога“.

Неговата пресуда може да се обжали до Касациониот суд, највисокото судско тело во Сирија. Новите сириски власти, кои го соборија претходниот режим во декември 2024 година, ветија дека ќе ги повикаат на одговорност оние што се одговорни за злосторствата извршени за време на владеењето на Асад.

Тој живеел во луксуз во земја на сиромаштија и војна

За време на граѓанската војна, Васим ал-Асад се фалел со своите луксузни автомобили на социјалните медиуми, повремено појавувајќи се во воена униформа и вооружен. На 11 август, Башар ал-Асад беше осуден на смрт во отсуство за „воени злосторства“ и „злосторства против човештвото“.

Шест поранешни воени и безбедносни функционери беа осудени во отсуство, вклучувајќи го и Махер, братот на Асад, кој командуваше со 4-та дивизија, елитна воена единица.

Единствениот што се појави на суд, Атиф Наџиб, поранешниот шеф на безбедноста на покраината Дараа, лулката на востанието од 2011 година, исто така беше осуден на смрт за злосторства против човештвото.

Башар ал-Асад избега во Русија во декември 2024 година, придружуван само од неколку блиски соработници.

Извор: Индекс.хр

Тагови: Сирија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пронајдени 10 лица мигранти од Египет, лишен од слобода криумчарот од Латвија

На 17.08.2026 околу 22:00 часот во с.Богородица, гевгелиско, полициски службеници од Полициската станица за граничен надзор и гранични проверки Богородица го лишија од слобода Р.С.(59) од Латвија.

При контрола во патничко возило „фиат типо“ со скопски регистарски ознаки, кое го управувал, биле пронајдени 10 лица мигранти од Египет. Мигрантите се сместени во Прифатни транзитен центар „Винојуг“ во Гевгелија, а Р.С. е предаден во Полициска станица Гевгелија и по целосно документирање на случајот против него ќе биде поднесена соодветна пријава.

Тагови: мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вчера 166 санкции за прекршоци што ги прават пешаците на територија на цела држава

При контролата, санкционирани се 166 пешаци од кои, 137 поради небезбедно преминување на улица надвор од пешачки премин.

Во текот на вчерашниот ден (17.08.2026) во периодот од 09.00 до 15.00 часот Секторот за сообраќајни работи при Министерството за внатрешни работи спроведе сообраќајна контрола на територијата на целата држава за санкционирање на прекршоци што ги прават пешаците. При контролата, санкционирани се 166 пешаци од кои, 137 поради небезбедно преминување на улица надвор од пешачки премин... За време на контролата санкционирани се и 167 други видови на сообраќајни прекршоци.

Сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи. Пешаците да го минуваат коловозот на обележан пешачки премин затоа што непочитувањето на сообраќајните правила ќе биде санкционирано. Сите заеднички, со почитување на правилата, мора да придонесеме за побезбедни сообраќајници.

Тагови: пешаци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.