Нов пресврт: Шведска воведува намалување на штетата од пушење во здравствената политика - Канал 5

Свет

Нов пресврт: Шведска воведува намалување на штетата од пушење во здравствената политика

Шведскиот парламент официјално усвои намалување на штетите од пушењето како дел од својата политика за јавно здравје.

Нов пресврт: Шведска воведува намалување на штетата од пушење во здравствената политика

Шведскиот парламент официјално усвои намалување на штетите од пушењето како дел од својата политика за јавно здравје, откако Шведска во пракса докажа дека оваа стратегија е најефикасниот пат кон иднина без чад, објави „Бизнис Вајр“.

Шведска е првата земја што постигна статус на земја без чад, бидејќи, според истражувањата, само 4,5 проценти од возрасните Швеѓани сè уште пушат. Според дефиницијата на Светската здравствена организација, една земја може да се смета за земја без чад ако стапката на пушење кај населението е 5 проценти.

Овој резултат не беше постигнат преку забрани и ограничувања, туку преку долгорочен пристап што им овозможува на пушачите да се префрлат на помалку штетни алтернативи.

„Швеѓаните учествуваа во долгорочен експеримент за намалување на штетите од пушењето, обезбедувајќи неоспорни докази дека замената на цигарите со производи што содржат никотин без чад значително ги намалува болестите поврзани со пушењето, инвалидитетот и предвремената смрт, носејќи огромни здравствени и економски придобивки“, рече д-р Делон Хјуман, лидер на иницијативата „Шведска без чад“.

-Со оглед на тоа што намалувањето на штетата сега е официјална политика во Шведска, секоја одлука за јавно здравје ќе го одразува овој пристап. Другите земји треба да го усвојат шведскиот модел без понатамошно одложување, рече Хјуман.

Ова значи дека Шведска сега ќе даде приоритет на помагањето на пушачите да се префрлат на помалку штетни алтернативи како што се оралните никотински производи и други алтернативи без чад, наместо да се фокусира исклучиво на намалување на целокупната употреба на тутун, објавува „Бизнис Вајр“.

Законот усвоен од парламентот во декември 2024 година наведува дека „јавните политики за тутунот мора да ги земат предвид различните штетни ефекти на различните производи. Цигарите претставуваат поголем ризик по здравјето од производите што содржат никотин без чад... Ова мора да се одрази во оданочувањето и политичките цели“.

Поточно, државата воведе систем на оданочување базиран на релативниот ризик на производите, со што се намалија акцизите на оралните никотински производи и другите алтернативи без чад, а истовремено се зголемија даноците на цигарите. На овој начин, беа создадени финансиски стимулации за преминување кон производи со значително помали здравствени ризици.

Тагови: Шведска пушење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цената на бензините се зголемува за 2 денари по литар, дизелот поскап за 1 денар

Малопродажната цена на Екстра лесното масло за домаќинство (ЕЛ-1) не се менува.

Цената на бензините се зголемува за 2 денари по литар, дизелот поскап за 1 денар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,55% во однос на одлуката од 26.10.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек кај бензините за 0,793%, кај дизелот има зголемување за 0,409%, кај екстра лесното масло има намалување за 0,695% и кај мазутот има зголемување од 2,546%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,4400%.

Во Одлуката на РКЕ е применета владината одлука за намалениот износ на ДДВ за нафтениот дериват ЕУРОДИЗЕЛ (Д-Е V) во износ од 10% и е применет намален износ на акцизата од 2,00 ден/лит кај бензините ЕУРОСУПЕР БС-95 и ЕУРОСУПЕР БС-98 и намален износ на акцизата од 4,00 ден/лит кај ЕУРОДИЗЕЛ (Д-Е V).

Од 3.11.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 93,00 (денари/литар)

Моторен бензин ЕУРОСУПЕР БС - 98 95,00 (денари/литар)

Дизел гориво ЕУРОДИЗЕЛ БС (Д-Е V) 100,00 (денари/литар)

Масло за горење Екстра лесно 1 (ЕЛ-1) 110,00 (денари/литар)

Мазут М-1 НС 55,573 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 2,00 ден/лит.

Малопродажната цена на ЕУРОДИЗЕЛ (Д-Е V) се зголемува за 1,00 ден/лит.

Малопродажната цена на Екстра лесното масло за домаќинство (ЕЛ-1) не се менува.

Малопродажната цена на Мазутот М-1 НС се зголемува за 1,300 ден/кг и сега ќе изнесува 55,573 ден/кг.

Напоменуваме дека ова се максималните цени на нафтените деривати од 00:01 часот на 3.11.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Тагови: Бензин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Двајца загинати во пожар во магацин во Трст (ВИДЕО)

Маж и жена загинаа во пожар што избувна во напуштен магацин во sтарото пристаниште во Трст. Противпожарните екипи ги пронајдоа телата на првиот кат од трикатниот објект.

Двајца загинати во пожар во магацин во Трст (ВИДЕО)

Првичните сознанија укажуваат на тоа дека пожарот настанал откако група мигранти запалиле оган внатре во објектот. Додека пламените јазици се ширеле, поголемиот дел од групата успеал да побегне, но две лица останале заробени внатре.

Пожарникарите влегле во зградата опремени со апарати за дишење за да го изгаснат пожарот и да ги пребараат просториите. За време на интервенцијата, се урнала дрвена подна конструкција, но ниту еден пожарникар не бил повреден.

Надлежните сè уште не го соопштиле идентитетот на жртвите, ниту пак ги потврдиле точните околности под кои тие настрадале.

Тагови: Трст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ побара Надзорна расправа за скандалот со Алта банка во Собранието

Пратеничката група на СДСМ и коалицијата го стави барањето и побара Надзорна расправа во Собранието за скандалот со Алта банка! 

СДСМ побара Надзорна расправа за скандалот со Алта банка во Собранието

За улогата на Народна банка, за институционална одговорност за измамата на граѓаните!

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер