Нов обид на Украина и Русија за постигнување договор: Повторно на заедничка маса во Турција - Канал 5

Свет

Нов обид на Украина и Русија за постигнување договор: Повторно на заедничка маса во Турција

Преговорите ги води турскиот шеф на дипломатијата Хакан Фидан. 

Нов обид на Украина и Русија за постигнување договор: Повторно на заедничка маса во Турција

Русија и Украина повторно на заедничка маса во Турција во обид да постигнат договор за прекин на огнот. Како што објави турското министерство за надворешни работи, состанокот почна во 12 часот, а се одржува во палатата Чираган, луксузна историска зграда на брегот на Босфорот, каде што руските и украинските претставници веќе преговараа во средината на минатиот месец.

Преговорите ги води турскиот шеф на дипломатијата Хакан Фидан. Очекуивањата се да се разговора за прекин на огнот, размена на затвореници, како и киднапирани деца од страна на Русија на почеоткот од конфликот.

Во пресрет на состноакот, укрианскит претсетел Зеленски, рече дека за да се постигне траен мир, мора да се подготви и состанок на највисоко ниво.

-Ги дискутиравме нашите очекувања од состанокот во Турција во понеделник. Продолжуваме да нудиме целосен и безусловен прекин на огнот и понатаму со достоинствени и рационални чекори што ќе не одведе до краен и сигурен мир. Ние ја презентиравме нашата украинска позиција на русите која е логична и реална. Русите не го споделија нивниот меморандум со никого – ние го немаме, го нема Турција, а го нема ниту Америка, вели Зеленски.

Средбата доаѓа само неколку часа од откако Русија испали 500 балистички ракети и дронови кон Харков, како одмазда за вчерашниот дронски напад во кој, како што кажа Зеленски, украинската служба со дронови внесени на руска територија успеала да уништи или оштети 40 руски стратешки борбени авиони во четири бази, или како што рече 34 проценти од капацитетит на Русија..

-Брилијантната акција беше реализирана на територијата на непријателот со воени цели, односно кон опремата која ја користат против Украина. Русија вистински страдаше и целосно загуби. Загубата на Русија е опиплива и нивните загуби се фер и заслужени, вели Зеленски.

Операцијата Пајажина, била подготвувавна година и пол, и во неа за нападот биле искористени 117 дронови кои биле лансирани од камиони кои биле прокриумчарени во Русија и стационирани блиску до воените бази...

Според укрианксата служба за безбедност, нападите направиле штета од околу седум милијарди долари, а меѓу погодените авиони се стратешките бомбардери „ту-95“ и „ту-23М3“, како и авиони „А-50“ за рано предупредување.

Русија потврди дека имало напади во пет региони, опишувајќи ги како терористички чин и тврди дека има неколку приведени, но Зеленски кажа дека сите инволвирани навреме биле одведени на безбедно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на полицијата за унапредување на безбедноста на граѓаните

Денеска (13.09.2026), полициски службеници од СВР Тетово и СВР Битола спроведоа превентивни активности насочени кон подигнување на свеста кај граѓаните за одговорно однесување и почитување на безбедносните правила.

Превентивни активности на полицијата за унапредување на безбедноста на граѓаните

Полициски службеници од Отсекот за превенција и Полициската станица за безбедност на патниот сообраќај при СВР Тетово, на автопатот Скопје-Тетово-Гостивар, на наплатните рампи Желино и Тетово, спроведоа превентивна активност под мотото „Стави појас – вози одговорно“.

Преку делење едукативни летоци, возачите и сопатниците беа потсетени дека користењето на сигурносниот појас е пред сè за нивна лична безбедност и значително влијае врз последиците од евентуални сообраќајни незгоди. Воедно, беа информирани и за прекршочните одредби со кои се предвидува санкционирање за некористење сигурносен појас.

Во исто време, полициски службеници од СВР Битола, во содејство со Шумската полиција, спроведоа превентивни активности на подрачјето на Општина Могила и во селата Будаково, Трап и Ношпал, насочени кон превенција и заштита од пожари.

На граѓаните им беше укажано на опасностите од несовесно однесување и предизвикување пожари, како и на потребата од зголемена внимателност при престој во шумски и земјоделски подрачја.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер