Нов моден тренд: Фармерки без една ногавица (Видео) - Канал 5

Забава

Нов моден тренд: Фармерки без една ногавица (Видео)

Бројни „инфлуенсерки“ го прифатија новиот моден тренд на фармерки без една долга ногавица.

Нов моден тренд: Фармерки без една ногавица (Видео)

И Данел Фелунг сними видео каде што покажа како тоа изгледа... Ги искомбинира со поткошула, шпицети потпетици и чанта. Видеото на „Тик-ток“ досега собра над 1,5 милиони прегледи. Очекувано, има бројни коментари за овој, според многумина - чуден дизајн, но реакциите се главно негативни.

„Дали е ова шега?“, „Ужасно. Апсолутно не!“, „Воопшто не сакам фармерки, но ти си убава“, „Катастрофа“ - се дел од коментарите.

@daniellephe These jeans are my new obsession 👖😩 found them from the icon @MALU BORGES ♬ original sound - DaniellePheloung

Дизајнерката Карсон Кресли изјави дека социјалните мрежи ги диктираат модните трендови, имајќи ги предвид необичните дизајни кои служат како „мамка за кликање“ и надеж за зголемена продажбата.

- Гледаме сè понеобични, но не нужно подобри идеи, рече таа.

Француската модна куќа „Коперни“, всушност, продава вакви фармерки. Чинат 350 долари и во мигов се распродадени. Уште повеќе, модните куќи „Ботега Венета“ (Bottega Veneta) и „Луј Витон“ (Louis Vuitton) исто така претставија слични парчиња кон крајот на минатата година. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Инцидент во Лајпциг. Дрон со експлозив опасно се приближи до украински авион

НАТО потврди дека во текот на ноќта, во близина на украински авион на германскиот аеродром Лајпциг/Хале, било забележано беспилотно летало, по што летовите биле прекинати поради безбедносен инцидент. 

Инцидент во Лајпциг. Дрон со експлозив опасно се приближи до украински авион

Според безбедносни извори, леталото било опремено со експлозив и детонатор и се наоѓало во непосредна близина на украинскиот товарен авион „Антонов“.

Неколку авиони, вклучително и еден патнички, биле пренасочени откако на аеродромот во источна Германија биле забележани неидентификувано летало и сомнителен предмет.

Операциите во северниот дел на аеродромот продолжиле рано во средата, додека јужниот дел останува затворен додека трае истрагата.

Во близина на јужната писта е пронајден сомнителен предмет, кој полицијата го прегледала со помош на робот за отстранување експлозивни направи. Полицијата истражува дали постои поврзаност меѓу неидентификуван летечки објект и сомнителниот предмет.

Не постои непосредна опасност, изјави портпарол на полицијата. Аеродромот Лајпциг/Хале, сместен во источниот дел на земјата, игра централна улога во транспортот на воена опрема – особено за германската војска и сојузниците од НАТО – а служи и како база за флотата на украинската карго-авиокомпанија „Антонов ерлајнс“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Училишен прибор и ранче за секое прваче од Карпош

Општина Карпош на почетокот на новата учебна година ќе ги пречекаат најмладите ученици кои годинава за првпат ќе седнат во училишните клупи, обезбедувајќи им ранче и основен училишен прибор.

О. Карпош: Училишен прибор и ранче за секое прваче од Карпош

Оваа активност се реализира согласно годишната програма на Одделението за образование, за која од Буџетот на Општина Карпош се издвоени 1.000.000 денари.

По повод почетокот на учебната година, градоначалникот Сотир Лукровски, ќе ги посети основните училишта на територија на Општина Карпош, при што на првоодделенците ќе им бидат врачени ранчињата и училишниот прибор.

Со оваа мерка, Општина Карпош ќе им посака топло добредојде на најмладите ученици и успешен почеток на нивното образование, а воедно обезбедува и финансиска поддршка за семејствата во пресрет на новата учебна година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Основното училиште „11 Октомври" со нова библиотека-медијатека од септември

Општина Центар информира дека во ООУ „11 Октомври" се финализира уредувањето на новиот простор наменет за библиотека-медијатека. 

Герасимовски: Основното училиште „11 Октомври" со нова библиотека-медијатека од септември

Учениците од септември ќе имаат современа библиотека, место каде што ќе можат да го поминуваат своето слободно време, да позајмуваат книги, да читаат и да разменуваат идеи.

„Ова е само еден во низата проекти на кои работиме летово со цел подобрување на условите во кои нашите деца се образуваат воспитуваат. Ова модерно катче е наменето за едукација, учење и завршување на училишните обврски за нашите основци ,“ рече градоначалникот на Општина Центар, Горан Герасимовски.

Освен книги, енциклопедии, прирачници и речници, во библиотеката ќе бидат достапни и дневни весници, списанија и публикации, а просторот ќе биде опремен со интерактивен панел, компјутери и интернет конекција. Проектот ќе им овозможи на 600 ученици и вработени да ги прошират своите знаења преку богатите содржини на медијатеката.

Дополнително, оваа година училиштето воведе нов систем за електронска библиотека – софтверското решение „еБиблиотека“, кое овозможува целосна дигитализација и дигитално управување со библиотечниот фонд и услугите, со електронско следење на книги, членови и позајмувања. Училиштето располага со книжен фонд од 20 204 наслови, во кој се вклучени стручна литература, лектирни изданија и останати наслови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер