Нов бран протести во Србија – десетици повредени, повеќе од 100 приведени лица - Канал 5

Балкан

Нов бран протести во Србија – десетици повредени, повеќе од 100 приведени лица

Продолжуваат насилните демонстрации во Србија. Откако ситуацијата кулминираше во средата, ескалацијата на насилствата продолжи и синоќа во повеќе градови во земјата. 

Нов бран протести во Србија – десетици повредени, повеќе од 100 приведени лица

Главна мета беа партиските штабови на владејачката Српска Напредна Партија, демолирани се неколку објекти во Нови Сад.

За разлика од претходно, синоќа приврзаниците на партијата не беа во штабовите за да ги бранат од гневните граѓани. Повеќе десетици демонстранти и полицајци се повредени.

Министерот за внатрешни работи на Србија, Ивица Дачиќ потврди дека се уапсени над 100 лица. Само синоќа повредени биле 75 полицајци, а во последните три дена вкупно 121.

-Приведовме 114 лица, поднесени се 34 кривични пријави, 28 прекршочни пријави, откриени се 11 прекршоци и по законот за безбедност во сообраќајот,- -Ивица Дачиќ.

Меѓу повредените е и пратеникот на Партијата за Слобода и Правда, Пеѓа Митровиќ во Белград.

-Без никаква причина седум или осум маскирани хулигани тргнаа кон мене. Иако се претставив дека сум народен пратеник и не ги провоцирав, крвнички почнаа да ме удираат со шипки по главата и по нозете. Почнаа да ме шиканираат и да ме навредуваат. Кога сфатив дека немаат поим што прават и дека тоа може да стигне предалеку, само се тргнав настрана и побегнав бидејќи видов дека имам работа со луѓе кои не се при себе,- Пеѓа Митровиќ.

Академскиот пленум го осуди синоќашното апсење и оцени дека апсењето е само доказ дека институциите се продолжена рака на режимот. Премиерот Ѓуро Мацут за немирите ширум земјата вели дека тоа е директен напад врз државата.

Во телевизиска емисија преку телефонски разговор вчера се огласи и претседателот на Србија, Александар Вучиќ кој вели дека повторните насилни протести се показател за тоа кој напаѓa и уништува.

-Ќе има уште многу уапсени вечерва за разлика од синоќа (среда) и денеска. Ќе бидат уапсени многу повеќе и на крајот државата ќе победи. Ова не може да го прави нормален човек, да бидам искрен и тие ќе мораат да одговараат, нема тука некоја филозофија,- Александар Вучиќ.

Иако во последните неколку дена се споменуваше и граѓанска војна во Србија, поранешниот македонски амбасадор Ѓорѓи Филипов смета дека тоа во моментот е нереално сценарио и дека предвремени избори може да значат излез од оваа ситуација.

-Ситуацијата не е толку да може да се нарече пред граѓанска војна, меѓутоа употребата на преголема сила може да доведе до поголема реакција на лица коишто досега не биле вклучени.Затоа треба да се внимава, односно да се насочи целата ситуација кон формирање евентуална преодна влада,- -Ѓорѓи Филипов.

Антивладините протести во Србија почнаа пред девет месеци поради уривањето на натрешницата од железничката станица во Нови Сад, кое однесе 16 жртви.

Тагови: протести

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Бутел и Карпош денеска без струја

Од ЕВН Македонија АД известуваат дека денеска без електрична енергија ќе останат:

Делови од Бутел и Карпош денеска без струја

– во периодот од 08.00 до 12.00 часот, корисниците од улицата Костурска ,ул. Тале Христов Слога, Клиника ВФВ и Санте плус 3, општина Бутел;

– во периодот од 09.00 до 14.00 часот, корисниците од улица Франце Прешер околу објект 141, општина Карпош;

– во периодот од 12.00 до 14.00 часот, корисниците од Бул. Босна и Херцеговина и ул.Боро Менков, општина Бутел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремен дожд и грмежи

Времето денеска ќе биде променливо облачно со повремени врнежи од дожд, локално проследени со грмежи. 

Променливо облачно со повремен дожд и грмежи

Наместа процесите ќе бидат поинтензивни во форма на невреме со пообилен пороен дожд (20 литри на метар квадратен), електрични празнења, силен ветер и појава на град. Минималната температура ќе биде во интервал од 9 до 16, а максималната ќе достигне од 21 до 29 степени, информира Управата за хидрометеоролошки работи (УХМР).

Во Скопје, променливо облачно со повремени врнежи од дожд. Во делови од котлината ќе има поинтензивни процеси во форма на невреме со интензивен пороен дожд, електрични празнења, силен ветер и изолирана појава на град. Минималната температура ќе се спушти до 14, а максималната ќе достигне до 27 степени.

– Во следните денови ќе се задржи променливо облачно време со сончеви периоди во текот на денот. В сабота и в понеделник повторно се очекуваат поинтензивни процеси со пообилен пороен дожд, грмежи, засилен ветер и локално невреме – најави УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 4. јуни 2026 година

Дневен хороскоп за четврток, 4. јуни 2026 година. 

Дневен хороскоп за 4. јуни 2026 година

Близнаци 21.5.-21.6.

Љубов

Ќе копнеете консвојот љубовен идеал, но како што ќе минува денот , така ќе бидете свесни дека тој е далеку од вас.

Кариера

Ќе чувствувате преодна потреба да се повлечете , па ако е некако можно ќе се обидете да делувате од сенка.

Здравје и совет

Грижите што ќе се појават се обична илузија.

Рак 22.6-22.7.

Љубов

Доколку излезете, има голема веројатностубаво да си поминете. Сепак , внимавајте што зборувате за да не направите збрка.

Кариера

На работното место нема да бидете кој знае колку ангажирани. Се ќе одработите рутински и ќе ви недостига мотив.

Здравје и совет

Вежбајте јога за подобра концентрација.

Лав 23.7-22.8.

Љубов

На моменти ќе имате потреба да пресечете и да избегнете некои напори или мали проблеми во врската, но тоа нема да биде потребно. Се е во ред.

Кариера

Мали недоразбирања во односите со соработниците ќе имаат преоден карактер, па не им придавајте значење.

Здравје и совет

Останете мирни.

Девица 23.8.-23.9.

Љубов

Вашиот партнер ќе покажува потреба за повеќе нежности , па без проблеми ќе го направите тоа. Добро е.

Кариера

Повремено во главата ќе си ги анализирате претходните работни денови и предизвиците што сте успеале да ги совладате. Потоа ќе се опуштите.

Здравје и совет

Вежбајте на отворено.

Вага 24.9.-23.10

Љубов

Ќе имате потреба да ги покажете своите емоции и ќе ја доживеете саканата личност на нов начин. Ќе има малку немир ,но врската е во ред.

Кариера

Ве очекува непромиослено однесување на вашите надредени , поради што ќе се чувствувате повредени.

Здравје и совет

Не ги земајте работите при срце. Ќе помине.

Шкорпија 24.10-22.11.

Љубов

Денеска наоѓате вистински начин некому да ги покажете своите чувства , било да станува збор за погледи или само за зборови.

Кариера

Поради добро завршената работа , некои денеска би биле малку под заштита и пуштени дома пред крајот на работното време.

Здравје и совет

Имате право да уживате.

Стрелец 23.11.-21.12.

Љубов

Вашиот стил на забава надалеку е познат по оригиналноста. Денеска дури и ќе претерате.

Кариера

Можно е дека ќе изјавите нешто што ќе повреди некого од вашите колеги. Затоа контролирајте си го јазикот.

Здравје и совет

Бидете умерени.

Јарец 22.12.-20.1.

Љубов

Денот е идеален за да останете дома , било во двојка или сами. Многумина нема да сакаат да излезат со друштво.

Кариера

Со олеснување ќе го прифатите фактот дека се наближува викендот. Тоа ќе ви ги олесни работните часови.

Здравје и совет

Наспијте се добро.

Водолија 21.1.-19.2.

Љубов

Некои денеска би можеле да се покажат како вистински сонувачи. Ќе сонуваат за љубовта што ја нема или ќе ги малтретираат другите со такви приказни.

Кариера

Кога ќе ги сведете сите сметки , ќе видите дека има нови трошоци , но и нови добивки. Пак сте на исто , не се нервирајте.

Здравје и совет

Одморете се.

Риби 20.2.- 20.3.

Љубов

Ќе дојде до мало подобрување на вашите лични односи, но и натаму тешко ќе наоѓате вистински зборови во комуникацијата со партнерот.

Кариера

За да ги ослободите новите идеи , поврзете се со младите соработници . Тие ќе ви помогнат за да се изразите.

Здравје и совет

Следете ги своите сништа.

Овен 21.3-20.4.

Љубов

Повторно ќе најдете рамнотежа во личните односи . На некои во тоа ќе им помогнат пријателите. Саканата личност сепак ве сака.

Кариера

На работното место ќе чувствувате мир и стабилност. Тајните остануваат за некој друг да ги решава.

Здравје и совет

Продолжете да го градите започнатото.

Бик 21.4- 20.5.

Љубов

Веројатно ќе ја споите саканата личност со друштвото и така ќе минете една убава вечер или попладне.

Кариера

Веќе ништо поврзано со работата нема да ве загрижува. Вашите задачи ви се целосно јасни и тоа ви е доволно.

Здравје и совет

Вежбајте гимнастика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер