Нов апарат за изведување операции на екстремитетите обезбеди ТОАРИЛУЦ - Канал 5

Здравје

Нов апарат за изведување операции на екстремитетите обезбеди ТОАРИЛУЦ

Станува збор за апарат од американски бренд, кој е водечки во светот. 

Нов апарат за изведување операции на екстремитетите обезбеди ТОАРИЛУЦ

Универзитетската клиника за трауматологија, ортопедски болести, анестезија, реанимација и интензивно лекување и ургентен центар (ТОАРИЛУЦ) обезбеди нов апарат за ултразвук, кој има специјален софистициран софтвер за интервенции на периферни нервни блокови што значи дека овозможува подобра и попрецизна визуелизација на иглата, но и околните, дури и најмали анатомски структури (крвни садови, нерви, мускули) при зафатот кај пациентите, објави Министерството за здравство на својата веб страница.

Станува збор за апарат од американски бренд, кој е водечки во светот. Тој располага и со колор доплер, кој овозможува поголема безбедност и визуелизација на крвните садови, како и со сопствена батерија и може да се употребува шест часа без да е приклучен во струја.

– Периферните нервни блокови водени под ултразвук, претставуваат нова анестезиолошка техника, при која пациентот за време на хируршката интервенција е буден, контактибилен, а притоа не чувствува болка, ниту за време на процедурата, ниту во постоперативниот период од 12 часа. Интервенциите со помош на овој апарат ја прават оваа процедура комплетно безбедна, како поради директната визуелизација на анатомските структури, така и поради минималните дози локален анестетик, со што се постигнува максимален ефект, а можните компликации од процедурата се сведени на минимум, вели директорот на Клиниката ТОАРИЛУЦ, д-р Илир Хасани.

Министерот за здравство Венко Филипче, кој ја посети Клиниката, посочи дека опремувањето со современи апарати кои ја олеснуваат работата на лекарите, но и третманот на пациентите се главен приоритет на Министерството.

– Новиот апарат има бројни предности кои се стандард во сите поголеми западноевропски трауматолошки и ортопедски центри, при изведување операции на екстремитетите.

Особено е значаен бенефитот кај пациентите со бројни заболувања, кај кои постои ризик од општа или спинална анестезија или кај пациенти кај кои се изведува еднодневна хирургија, бидејќи по примената на оваа процедура, пациентот по хируршката интервенција може да си оди дома, истакна министерот Филипче.

Во споредба со класичната општа анестезија, со анализи направени на нашите клиники, утврдено е дека трошоците за лекови и потрошен материјал петпати се намалени кај пациентите кои биле третирани со периферни нервни блокови место пациентите кои примиле општа анестезија за време на хируршкиот третман, посочуваат од Министерството за здравство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Стотици украински војници не се вратиле назад по обуките во Германија- најверојатно дезертирале

Одреден број украински војници по завршувањето на воената обука во Германија не се враќаат во своите единици.

Стотици украински војници не се вратиле назад по обуките во Германија- најверојатно дезертирале

Одреден број украински војници по завршувањето на воената обука во Германија не се враќаат во своите единици, открива истрага на германскиот неделник „Ди Цајт“, објавува „Еуроњуз“.

Министерството за внатрешни работи во сојузната покраина Саксонија-Анхалт регистрирало околу 80 такви случаи, а се проценува дека има стотици војници кои дезертирале низ цела Германија. Федералната влада сè уште не објавила официјална статистика за целата земја, а досега нема јавно потврдени бројки од другите федерални покраини.

Според податоците од Бундесверот, околу 29.000 украински војници поминале обуки во Германија од почетокот на инвазијата на Украина. Обуката се спроведува на бројни локации, каде што војниците учат да ракуваат со оружје, да совладаат техники на камуфлажа и основите на прва помош. Се очекува дека по завршувањето на курсот, тие ќе се вратат во Украина и ќе бидат распоредени на бојното поле таму.

За војниците кои не се враќаат, дезертерството може да има сериозни правни последици, вклучително и неколку години затвор. Во исто време, нивниот статус на престој во Германија е исто така нерешен. Поедноставените правила, кои важат за украинските бегалци, генерално не важат за војниците испратени од Украина исклучиво за обука.

Ограничени можности за азил

Некои од војниците се обидуваат да останат во Германија со барање за азил. Сепак, земјите-членки на ЕУ во Брисел се согласија уште во јуни, на барање на украинската влада, да ги ослободат мажите на воена возраст од програмата што гарантира автоматско право на заштита во Унијата, објави тогаш Euronews.

Советот на земјите-членки на ЕУ ја потврди таа одлука. Според неа, поедноставените правила за прием можат да ги користат само лица кои веќе отслужиле воена служба во Украина или се законски ослободени од неа. Како доказ ќе биде потребен печат во пасошот или официјален сертификат што докажува дека лицето законски ја напуштило Украина или е ослободено од воена служба.

Тагови: војници обуки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Сателитските снимки открија необични измени околу Гренланд: Изеле најмалку 800.000 тони риби

Децениските истражувања покажаа дека грбавите, перките и минке китовите се појавуваат сè повеќе во водите покрај источен Гренланд, кои претходно им биле недостапни поради морскиот мраз.

Сателитските снимки открија необични измени околу Гренланд: Изеле најмалку 800.000 тони риби

Повлекувањето на мразот, предизвикано од затоплувањето на морињата, отвори нови области за нивно летно хранење и доведе до голема промена во екосистемот на регионот, објави Би-Би-Си.

Која е причината?

Истражувањето покажа нагло зголемување на бројот на грбави китови - додека до 2006 година немаше регистрирани видувања на нив во областа, во 2007 година имаше седум, а до 2024 година дури 150.

Врз основа на воздушни снимки, сателитско следење на 15 китови и податоци од ловци на Инуити, научниците проценуваат дека околу 4.000 грбави, 6.000 перки и 6.000 минке китови го посетиле Гренландското Море во текот на летото 2024 година.

Научниците ја припишуваат промената на зголемувањето на морските температури, повлекувањето на морскиот мраз и поместувањето на рибниот фонд кон потоплите води.

„Голема промена во еколошкиот режим“

Се проценува дека трите вида можеби „изеле најмалку 800.000 тони риби во текот на летната сезона“.

Истражувачите го опишуваат феноменот како голема промена во еколошкиот режим - некои видови китови ги искористуваат новите живеалишта и поизразените извори на храна, но во исто време други арктички животни, како што се нарвалите и белугите, го губат своето традиционално живеалиште или се соочуваат со конкуренција.

Останува нејасно дали зголемениот број на китови претставува зголемување на нивната вкупна популација или едноставно нивна миграција од други области на Гренланд.

Тагови: Гренланд риби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција воведе деветмесечен воен рок

Грција воведе нова законска рамка која овозможува девет месеци воена служба за регрутите кои ќе се јават на првиот повик и не бараат одложување за студии.

Грција воведе деветмесечен воен рок

Правилото се применува за прв пат за регрутите родени помеѓу 1 јануари и 15 мај 2008 година, објави Euronews.gr.

Според законот, оние кои ја започнуваат својата целосна воена служба веднаш по првиот повик и не користат одложување имаат право на скратена деветмесечна служба.

По девет месеци фактичка служба, се смета дека целосно го завршиле воениот рок.

За оние кои сакаат да го продолжат своето образование, законот предвидува можност за одложување на регрутацијата за студии.

Веќе не е потребно веќе да се запишани во високообразовна институција - доволно е да докажат со документи дека имаат право да учествуваат во постапката за прием или запишување.

Тагови: воен рок грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер