Норвежанецот Јоханес Тингес Бо победник на бијатлонот на 20 километри - Канал 5

Олимписки игри

Норвежанецот Јоханес Тингес Бо победник на бијатлонот на 20 километри

Норвежанецот Јоханес Тингес Бо го освои златото на ЗОИ во Пјонгчанг во 20 км бијатлон. Бој допушти две грешки во пукањето, но го помина растојанието за 48:03.8 минути, што беше доволно за победа.

Норвежанецот Јоханес Тингес Бо победник на бијатлонот на 20 километри
Ова беше прва олимписка титула во кариерата на Јоханес Тингес Бо.

До среброто стигна Хрватот, кој се натпреварува за Словенија, Јаков Фак, кој пукаше без грешка и остана на 5,5 секунди од титулата.

Со бронза се закити Австриецот Доминик Ландертингер кој не згреши ниту еднаш при стрелањето и заврши на 14,2 секунди зад шампионот.

Олимпискиот шампион на 20 километри од Сочи 2014, Мартен Фуркад ги имаше сите шанси да ја грабне титулата. Француската легенда во бијатлон поведе на убедлив начин во пласманот пред да влезе во четвртата серија пукање при стоечка положба. Првите 3 истрели на Фуркад погодија во целите, но 4-тиот и 5-тиот не, и тоа го лиши Фуркад, како од четврта олимписка титула, така и од медал. Французинот заврши петти со 42,4 секунди зад Бо.

Светскиот шампион Лауел Бејли (САД) заврши 51-ви, а олимпискиот шампион од Ванкувер 2010, Емил Хегле Свендсен (Норвешка) остана на 10-то место.

Пласман, бијатлон, 20 км. индивидуално, мажи:

1. Јоханес Тингес Бо (Норвешка) - 48: 03.8 минути (1 + 0 + 0 + 1 грешки при пукање)
2. Јаков Фак (Словенија) - 5,5 секунди (0 + 0 + 0 + 0)
3. Доминик Ландертингер (Австрија) - 14.2 секунди (0 + 0 + 0 + 0)
4. Себастијан Самелсон (Шведска) - 29,1 секунди (0 + 0 + 1 + 0)
5. Мартен Фуркад (Франција) - 42,4 секунди (0 + 0 + 0 + 2)
6. Бенјамин Вегер (Швајцарија) - 48,6 секунди (1 + 0 + 0 + 0).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко .

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко – само еден ден откако американскиот претседател Доналд Трамп изјави дека Украина и Русија се договориле да не ја напаѓаат енергетската инфраструктура на другата страна.

Во нападот е повредено едно лице, а погодени се и магацини во друг дел од градот, соопшти Кличко на Телеграм.

Сведок на Ројтерс слушнал експлозија во Киев.

Погодени бензинска пумпа и магацини, Русија неодамна почна да ги напаѓа бензинските пумпи во Киев, со што го прошири опсегот на своите цели.

Според украинските власти, Русија погодила околу 300 бензински пумпи во изминатите неколку месеци, главно во областите долж или во близина на линијата на фронтот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кратовец осомничен дека прободел со нож полициски службеник

Кумановското обвинителство ќе спроведе истрага против 40-ет годишен кратовец заради напад со нож на полициски службеник при интервенција.

Кратовец осомничен дека прободел со нож полициски службеник

Според обвинителството, осомничениот на 11 септември нападнал службени лица при вршење работи на јавната безбедност поврзани со спречување кривично дело.

Кога двајца полицајци употребиле сила за да ја отворат заклучената врата од собата во која се наоѓал осомничениот, тој ги нападнал. При нападот, на еден од полициските службеници со нож му нанел тешки телесни повреди, меѓу кои прободна рана и посекотина.

Поради опасност од бегство и можност осомничениот да го повтори делото, јавниот обвинител до судијата на претходна постапка доставил предлог за определување мерка притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во посета на САД, предвидени се средби на високо ниво

Премиерот  Мицкоски со владина делегација денеска заминува во Соединетите американски држави, како што најави синоќа на националниот сервис ќе има средби на високо ниво во Сенатот, Конгресот и Стејт депратментот.

Мицкоски во посета на САД, предвидени се средби на високо ниво

Премиерот Мицкоски со владина делегација денеска заминува во Соединетите американски држави, како што најави синоќа на националниот сервис ќе има средби на високо ниво во Сенатот, Конгресот и Стејт депратментот, но и разговори со финансиски институции и компании за конкретни проекти во енергетиката, високата технологија и воената индустрија.

Мицкоски со владината делегација прво оди во Вашингтон, а потоа оттаму ќе заминат во Њујорк каде ќе учествуваат на годинешното Генерално собрание на Обединетите нации.

Премиерот најави дека една од средбите во главниот град на САД ќе биде со претставници на финансиската инстутиција ДФЦ, која, потсети, е веќе присутна во земјава преку инвестицијата во проектот „Крстовдол“, кој во јавноста е познат како „Амтимон“.

Според него, оваа институција пројавила интерес и за други проекти во енергетиката и напредната технологија.Прашан во вечерашното интервју дали на агендата е можеби и состанок со бугарската делегација, премиерот одговори дека до овој момент таква средба немаат во план.на дополнително прашање дали има информации за носење уставни измени со одложено дејство со цел одблокирање на интегративниот процес, тој рече дека не може да сподели такви информации во јавноста.

Тагови: САД Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер