Оваа вест е објавена утрово од норвешката новинска агенција НТБ, пред ЕМА да го објави својот извештај.
„Добивме наоди кои можат да ја објаснат клиничката слика на нашите пациенти“, рече главниот лекар и професор Пол Андре Холм од Рикшоспиталет на вонредната прес-конференција.
„Веруваме дека ова е важно да се покаже, најдовме разумен модел на објаснување“, рече Холм.
Научниците немаат одговор зошто токму тие тројца здравствени работници добиле згрутчување на крвта, а другите луѓе не.
„Имаме теории, но не знаеме зошто некои ја добиваат, а други не“, рече Холм.
Холм и неговите колеги напорно работеле последните денови за да најдат одговор на прашањето зошто тројцата здравствени работници под 50-годишна возраст биле хоспитализирани поради згрутчување на крвта по примањето на вакцината на АстраЗенека.
Тие веруваат дека вакцината довела до неочекувана реакција на имунолошкиот систем, по што настанало формирање на тромби и низок број на тромбоцити, пишува ВГ.
"Докажавме дека специфичните антитела ја предизвикуваат оваа состојба со тромбоцити, за што активирањето било од администрираниот лек. Нема ништо друго освен вакцина што може да предизвика ваква реакција на имунолошкиот систем", рече Холм.
Еден од тројцата здравствени работници кои добиле згрутчување на крвта откако биле вакцинирани со АстраЗенека починал во неделата. Сите биле примени во болница со акутна болка.
Тие имале тромбови на невообичаени места, како што се стомакот и мозокот, и крвареле и имале мал број на тромбоцити.
Локалните медиуми пишуваат дека здравствениот работник кој инаку бил „во добра здравствена состојба“ починал во неделата поради крварење во мозокот. Таа била хоспитализирана во четвртокот, околу една недела откако била вакцинирана со АстраЗенека.
Друг здравствен работник на околу 30-тите години починал во Норвешка во петокот, 10 дена откако ја примил истата вакцина.