Наместа ќе биде нестабилно со пороен дожд, грмежи, засилен ветер и услови за ретка појава на град. Ќе дува засилен, долж Повардарието повремено силен ветер од северeн правец (над 60 km/h). Минималната температура ќе биде во интервал од 10 до 17, а максималната значително ќе опадне во однос на денешната и ќе дбиде во интервал од 20 до 27 степени.

Во Скопје, променливо облачно и посвежо, претпладне со повремени врнежи од дожд. Ќе дува засилен, во делови од котлината повремено силен ветер од северен правец. Минималната температура ќе се спушти до 15, а максималната ќе достигне до 24 степени.

Во следните денови времето ќе биде стабилно, во деновите од викендот посвежо, особено наутро, а од понеделник температурите повторно ќе бидат во пораст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Станува збор за голем кит (Balaenoptera physalus), познат и како перкаст кит, едно од најголемите животни на планетата.

Експертите истакнуваат дека овој вид е редовен, но сезонски посетител на Јадранското Море, особено во потоплиот дел од годината.

Како што објасни Драшко Холцер, биолог и виш кустос во Хрватскиот музеј за природна историја, овој морски џин повремено влегува во Јадранското Море во текот на пролетта и летото, следејќи богати извори на храна.

Минке китот (Balaenoptera physalus) припаѓа на семејството грбави китови и е второто најголемо животно на Земјата, веднаш по синиот кит. Возрасните можат да достигнат должина од повеќе од 20 метри и тежина до 70 тони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Додека светот ги одбројува последните часови пред стартот на Светскиот фудбалски шампионат , а американските власти спроведуваат ригорозни мерки и ги протеруваат од територијата на Соединетите Американски Држави новинарите, навивачите, па дури и судиите и самите учесници на Светското првенство, како што е селекцијата на Иран, првиот човек на ФИФА, Џани Инфантино, ја шокираше јавноста со својата изјава.

На прашањето на новинарите дали ја има ситуацијата под контрола, Инфантино ладнокрвно рече: „Кулирајте, опуштете се... Работиме на сè и се обидуваме да ги решиме проблемите“. „Не живееме на Месечината“.

Овој коментар предизвика лавина од негативни реакции, особено затоа што доаѓа во исклучително напната недела.

Деновиве инаку најдобриот африкански судија, Омар Абдулкадир Артан, беше депортиран од аеродромот во Мајами поради наводни „врски со осомничени за тероризам“, додека иранската репрезентација беше итно префрлена во Мексико. На прашањето дали се чувствува засрамено од ваквите настани, претседателот на ФИФА се бранеше со дипломатски клишеа.

„Кога велам опуштете се, не мислам да седиме со скрстени раце, туку да имаме верба во нашата работа зад сцената. Постојат работи на кои можеме да влијаеме, но и работи што се надвор од наша контрола. Се обидуваме да најдеме решенија - понекогаш успешно, понекогаш не. Само по себе го сметам за огромен успех што дури и го натеравме Иран да игра во Америка, не знам кој друг би можел да го направи тоа. Сите веруваме дека тоа е правилно, но ние не живееме на Месечината, ние живееме на Земјата и даваме се од себе. Се надевам на добри вести“, рече Инфантино на официјалната конференција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.