Фудбал

Нојер, Роналдо и Робен кандидати за фудбалер на сезоната во Европа

Голманот на Баерн Минхен Мануел Нојер неговиот соиграч Аријен Робен и асот на Реал Мадрид Кристијано Роналдо се тројцата кандидати за престижната награда на најдобар фудбалер на сезоната за 2013 -2014 која ја доделува УЕФА.

Нојер и Робен минатата сезона со Баерн Минхен ја освоија титулата во Бундеслигата и Купот на Германија ,а во Лигата на шампионите стигнаа до полуфиналето , каде беа запрени од тимот на Роналдо новиот европски првак Реал Мадрид.

Мануел Нојер летово со Германија стигна до светскиот трон на првенството во Бразил. На Мундијалот извонредниот Германец беше прогласен и за најдобар голман.

Истите титули освен најзначајната трофејот од Мундијалот во Бразил со Германија ги освои и неговиот соиграч Холанѓанецот Аријен Робен .
Брзиот Робен беше првата виолина на Холандија на Светското првенство кое лалињата го завршија на третата позиција.

Најдобриот светски фудбалер Кристијано Роналдо минатата сезона со Реал го освои пехарот во Лигата на шампионите, во елитното натпреварување извонредниот Португалец беше најдобар стрелец со рекордни 16 постигнати голови. Роналдо со гигантот од Мадрид го освои и Купот на Кралот.

УЕФА по четврти пат ќе го прогласи најдобриот фудбалер во сезоната во Европа. Досега вредното признание го добиваа Лионел Меси, Андрес Иниеста и Франк Рибери.

Покрај Нојер, Роналдо и Робен, кандидати за добивање на признанието беа и Томас Милер, Филип Лам(Баерн М), Лионел Миеси, Луис Суарез( Барселона), Анхел Ди Мариа , Хамес Родригез(Реал М.) и Диего Коста (Челзи).

Церемонијата на доделувањето на нагрдите ќе се одржи на 28 август во Монте Карло.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Николоски-Сивањанам: Потврда на стратешкото партнерство, силни инвестиции со поддршка на Велика Британија

Заменик претседателот на Владата, Александар Николоски денеска оствари работна средба со новоименуваната амбасадорка на Обединетото Кралство, Маја Сивањанам.

Во фокусот на средбата беше стратешкото партнерство меѓу Македонија и Обединетото Кралство, унапредување на меѓусебната соработка и зајакнувањето на партнерските односи во повеќе области.

Посебно беше истакнато значењето на регионалната соработка и координацијата меѓу девете држави, како важен придонес кон остварувањето на заедничките приоритети и зајакнувањето на стабилноста и партнерството.

На средбата беа разменети и мислења за актуелните политички и економски прашања, како и за можностите за натамошно унапредување на билатералните односи и соработката меѓу двете држави.

Двајцата говорници ја потврдија заедничката заложба за продолжување и интензивирање на соработката и натамошно унапредување на стратешкото партнерство во интерес на двете земји.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски излажа на надзорната за Алта банка, СДСМ побара пауза за да се објави вистината

Пратеникот од СДСМ, Фатмир Битиќи, на денешната Надзорна расправа за причините за воведувањето администрација во Алта банка АД Битола побара 45 минути пауза, поради лагите изнесени од страна на Мицкоски за Алта банка.

„Барам процедурално затоа што иако Надзорната расправа требаше да биде а институт во којшто ќе се обзнани вистината пред јавноста, во претходниот исказ на сведокот слушнавме низа на невистини затоа што се мафташе со некои списоци. Во меѓувреме ги извадивме записниците и затоа барам барам 45 минути пауза за да се обзнани вистината. Вистината којашто некој сакаше да ја покаже пред јавноста, а тоа е лагата“, рече Битиќи.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Европско првенство во кикбокс за сениори во спортскиот центар „Јане Сандански“

Елена Костадиновска и Никола Бубевски се дел од судиската елита на Европското кик бокс првенство во Скопје.

Почетокот на Европското првенство во кикбокс за сениори во спортскиот центар „Јане Сандански“ во Скопје означи старт на една од најголемите спортски манифестации од овој ранг кај нас, каде што за медали во конкуренција на најдобрите ќе се борат импресивни 1.191 натпреварувач од целиот континент.

Покрај македонските репрезентативци на татамите и ринговите, значаен дел од македонската делегација се и нашите меѓународни сениорски судии Елена Костадиновска и Никола Бубевски. Нивното учество на ваков престижен турнир е големо признание за нивниот професионализам, довербата од Европската федерација и потврда за квалитетот на македонската судиска организација на меѓународната сцена.

Тагови: кикбокс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.