Нобеловиот комитет се огласи откако Мачадо му ја подари наградата за мир на Трамп: Без оглед на судбината на медалот... - Канал 5

Свет

Нобеловиот комитет се огласи откако Мачадо му ја подари наградата за мир на Трамп: Без оглед на судбината на медалот...

Нобеловата награда за мир останува неразделно поврзана со лицето или организацијата што е прогласена за лауреат, без оглед на тоа што подоцна ќе се случи со медалот, дипломата или паричната награда, соопшти денес Норвешкиот Нобелов комитет.

Нобеловиот комитет се огласи откако Мачадо му ја подари наградата за мир на Трамп: Без оглед на судбината на медалот...

„Без оглед на тоа што може да се случи со медалот, дипломата или паричната награда, оригиналниот лауреат е и останува запишан во историјата како добитник на наградата“, се вели во соопштението на Нобеловиот комитет.

Додаде дека статутот на Нобеловата фондација не предвидува никакви ограничувања за располагање со медалот, дипломата или паричната награда, што значи дека лауреатот има право да ги задржи, подарува, продава или донира наградите.

Објавата дојде еден ден откако добитничката на наградата, лидерката на венецуелската опозиција Марија Корина Мачадо, му предаде дел од својата награда, златен медал, на американскиот претседател Доналд Трамп, кој ѝ се заблагодари за тоа, објави Ројтерс.

Белата куќа објави фотографија од Трамп и Мачадо на која американскиот претседател држи голема, позлатена рамка во која се наоѓа Нобеловиот медал, а функционер на Белата куќа потврди дека Трамп има намера да го задржи. Нобеловата награда за мир, покрај златниот медал, вклучува диплома и парична награда од 11 милиони шведски круни (околу 1,19 милиони долари).

Тагови: Доналд Трамп Марија Корина Мачадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер