Но Националната опера и балет одбележан Националниот ден на Австрија - Канал 5

Култура

Но Националната опера и балет одбележан Националниот ден на Австрија

Во социјалната сфера, Австрија годишно поддржува многу проекти, а неодамна беа отворени два нови центри – за семејства во социјален ризик и за социјална инклузија.

Но Националната опера и балет одбележан Националниот ден на Австрија

Честитки до Владата и коалициските партнери за успехот на последните избори вечерва упати амбасадорот на Австрија во Македонија Мартин Памер на свечениот прием во Националната опера и балет по повод Националниот ден на Австрија од каде порача дека двете држави имаат многу заеднички ставови што, според него, се рефлектира и во одличните билатерални односи на сите нивоа и во сите области.

Памер во своето обраќање потсети на значењето на националниот празник, денот кога Австрија го прогласи Законот за постојана неутралност, и го истакна патот на земјата низ историјата, особено во последните 100 години.

-И покрај надежите за мир, времињата не се подобрија, можеби дури и се влошија. Европа денес се соочува со војни, системски закани и глобални предизвици како климатските промени, демографијата и миграцијата, истакна амбасадорот Памер.

Тој нагласи дека националните празници се можност за осврт кон постигнатото и подготовка за иднината, при што ја истакна успешната билатерална соработка меѓу Австрија и Македонија.

Австрискиот бизнис, потенцира Памер, останува најголем директен инвеститор во македонската економија. Амбасадата, заедно со партнери, придонесе во управување со кризите, поддршка на пожарникарски служби, развој на туризмот и културна соработка. Особено беше истакнат настапот на Филхармонијата на Македонија што ќе се одржи утре во Виена кој е прв ваков настап во австриската престолнина.

Во областа на безбедноста, Памер рече дека оваа година за првпат 70 австриски војници учествуваа во заедничка воена вежба во Северна Македонија, а полициската соработка даде резултати во борбата против криминалот и нелегалната миграција.

Во социјалната сфера, Австрија годишно поддржува многу проекти, а неодамна беа отворени два нови центри – за семејства во социјален ризик и за социјална инклузија.

На крајот од свеченоста, амбасадорот Памер го додели „Златниот крст за заслуги“ на Република Австрија на, како што рече, четворица истакнати пријатели на Австрија, Свето Јаневски, Методија Мирчев, Христо Пејков и Иван Мирковски.

На свеченоста присуствуваа претседателот на Собранието, Африм Гаши, министерот за надворешни работи Тимчо Муцунски, министерката за образование и наука Весна Јаневска, началникот на Генералштабот Сашко Лафчиски, како и претставници од верските заедници, бизнис секторот и граѓанското општество.

Тагови: австрија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер