Свет

Њујорк Тајмс: Трамп ја крие вистината за војната во Иран

Уредниците на „Њујорк тајмс“ објавија статија во која остро ја критикуваат американската војна во Иран и пристапот на американскиот претседател Доналд Трамп.

Од првото објавување на нападот врз Иран на 28 февруари, претседателот Доналд Трамп изнесе низа лаги за војната. Тој тврдеше дека Иран сака да преговара, иако нема докази за тоа. Тој изјави дека САД „уништиле 100% од воените капацитети на Иран“, иако Техеран продолжува да предизвикува хаос во регионот. Тој исто така рече дека војната е завршена, додека во исто време испраќа дополнителни сили од целиот свет, објави Њујорк Тајмс.

Лагите го обележуваат Трамп

Лажењето, истакнуваат уредниците, ја карактеризира политичката кариера на Трамп уште од нејзините почетоци, вклучително и тврдењата за родното место на Барак Обама. Со текот на годините, тој презентирал неточни информации за неговиот бизнис, богатство, големината на инаугурацијата и резултатите од изборите во 2020 година. Според анализата на CNN, во еден период од неговиот прв мандат, тој давал просечно осум неточни изјави дневно.

Но, лажењето во војна има особено тешки последици. Кога претседателот ја испраќа пораката дека вистината не е важна, тој ги охрабрува и министрите и воените команданти да ја измамат јавноста и едни со други. Ова создава средина каде што фаталните грешки и воените злосторства се поверојатни, а сојузниците се повнимателни. На долг рок, таквото однесување ги поткопува американските вредности и интереси.

Уредниците признаваат дека постои легитимна дебата за оправданоста на војната. Иранскиот режим претставува закана за сопствениот народ, регионот и глобалната стабилност. Претседателот би можел да изнесе аргумент заснован на факти за спротивставување на режимот, особено за да се спречи развојот на нуклеарно оружје. Сепак, авторите нагласуваат дека се скептични кон таков пристап.

Опасни лаги

Наместо тоа, тврдат тие, Трамп кажува лаги за причините за војната и нејзиниот тек за прикривање на лошото планирање и сомнителните основи за конфликтот.

Веќе во првите минути од неговото обраќање на 28 февруари, тој изнесе контрадикторни тврдења: повтори дека американските напади од претходниот јуни ја „уништиле“ нуклеарната програма на Иран, а во исто време ја наведе како причина за војна. Ова тврдење не е точно; Иран сè уште поседува значителни количини на високо збогатен ураниум.

Лажните изјави продолжија и подоцна. Трамп тврдеше дека САД имаат „практично неограничена залиха“ на софистицирано оружје, иако Пентагон мораше да пренасочи оружје од Јужна Кореја за да ги одржи операциите на Блискиот Исток. Тој исто така рече дека „никој“ не очекува ирански напади врз соседните земји, иако некои експерти предупредија токму на тоа.

Во еден случај, тој ги обвини медиумите за соработка со Иран во ширењето лажни снимки, иако Белата куќа не понуди докази. Сепак, тој повика на гонење на медиумите за „предавство“.

Моделот Виетнам-Ирак

Особено шокантна беше изјавата од 7 март, кога тој тврдеше дека нападот врз основно училиште во Минаб, во кој загинаа најмалку 175 лица, бил извршен од Иран.

Американската војска прелиминарно утврди дека станува збор за грешка од страна на американска ракета. Додека армијата покажува транспарентност, претседателот не ја повлече својата изјава.

Уредничката колумна предупредува дека овој модел потсетува на војните во Виетнам и Ирак, каде што малите лаги прераснаа во големи измами. Последиците беа долготрајни: американската доверба во владата никогаш не се обнови целосно по Виетнам, додека војната во Ирак, водена под изговор на непостоечко оружје за масовно уништување, ја одбележа модерната политичка ера.

Краткорочна корист за долгорочна штета

Лагите исто така го отежнуваат победувањето бидејќи ги оддалечуваат носителите на одлуки од реалноста. Пред почетокот на конфликтот, Трамп ги игнорираше предупредувањата од воените советници дека Иран би можел да го затвори Ормутскиот теснец, што сега има последици за глобалната економија.

На крајот на краиштата, заклучува уредничкиот текст, започнувањето војна е најтешката одлука што може да ја донесе еден политички лидер. Одзема животи и го менува текот на историјата. Ваквите одлуки мора да се засноваат на вистината, а американските војници и нивните семејства заслужуваат да знаат зошто се бара од нив да се борат.

Краткорочната корист што Трамп може да ја види во кажувањето лаги не може да ја надмине долгорочната штета, за него лично, за Соединетите Американски Држави и за светот.

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.