На инфо ден во Битола посветен за Оперативната програма на Владата за нови вработувања, Ристевски посочи дека мерката за самовработување има три содржини кои се однесуваат за млади до 29 години кои може да искористат до 10 илјади евра, за невработени лица над 29 години може да се добијат седум илјади евра, а има и можности за здружување во Друштва со ограничена одговорност.

-Сакаме се да биде на транспарентен начин. Имаме исклучително голем интерес за овој јавен повик и за само четири дена се пријавени повеќе од 2.500 лица. Ги повикувам сите лица кои се заинтересирани да аплицираат во било кој од 30-те Центри за вработување при Агенцијата за вработување низ државата, посочи заменик министерот Ристески и додаде дека на овој начин се спречува исселување на млада работна сила.

Градоначалникот на Општина Битола Тони Коњановски, истакна дека владината мерка се совпаѓа и со локалните планови за вработување.

-Наш фокус е младите да ги задржиме во услови на трендови на миграција изразена во регионот и државата. Ние создаваме услови за нови вработувања преку повеќе институции и здруженија, а посебен пример е соработката со универзитетот од каде преземаме студенти практиканти кои за својот ангажман добиваат и соодветен надомест, посочи Коњановски.

Според бројот на невработени лица во Битола, во Агенцијата за вработување во овој град евидентирани се над 3.500, додека во државата заклучно со 31 мај евидентирани се 94.200 невработени лица, беше истакнато на денешниот инфо настан.

Со години се кршеле закони, се прикривале неправилности за дискотеката „Пулс“ да може да работи без да ги исполнува минималните услови за безбедност, кажа републичкиот обвинител Љупчо Коцевски – обинителството го поднесе обвинението против 34 физички и три парви лица за една од најголемите трагедии во земјава, во која загинаа 62 лица, меѓу нив шест деца, бидејќи за влез во дискотеката не се прашувало за години..

Првообвинети се сопственикот на дискотеката заедно со својот син, кој во 12те години работа на „Пулс“ правел реконструкции без надзор, вградувал несоодветни материјали кои биле лесно запаливи. Не биле исполнети минималните технички услови за работа, а ниту биле запазени безбедносни протоколи при опасност. Меѓу 34цата обвинети, кои според обвинителството не направиле ништо да ја превенираат катастрофата се и членови на нивните семејства, ексградоначалници, директори, инспектори и државни функционери како министри и секретари. Сите се гонат за исто кривично дело, тешки дела против општата сигурност, но по различни ставки.

-Во континуитет издавале лиценци за вршење на инспекциска дејност, објектот спаѓал во категодија диско клуб, а не ги исполнувал условите. Имало нецелосна документација, а не иницирале вонреден инспекциски надзор за проверка на условите. Детално се наведени кај секоја од лиценците поединечно. Во оваа група, за двајца поранешни министри постапката е запрена, бидејќи нема доволно докази да се покрене обвинение против нив. Се обезбедија докази и за државен службеник кој ги изготвувал лиценците, а за себе барал и обезбедувал подарок. Тој побарал и добил 12.000 денари парична награда кои биле исплатени на банкарска сметка, во 2024 година за поголема имотна корист за 226.000 денари му изработил две лажни лиценци, а на кои своерачно се потпишал како да се потпишала обвинетата државна секретарка,- -Љупчо Коцевски – Републички јавен обвинител.

Директорите пак, на ДЗС, како и генералниот инспектор кој раководел со инспекциската служба, се гонат дека, иако свесни дека може да дојде до последици од нивното непостапување, сепак не презеле мерки за зашитата на луѓето и имотот од пожари, односно никогаш не организирале надзор, ниту иницирале вонредни инспекции. Опфатени се и четири инспектори од пазарниот инспекторат, поради непостапување, додека пак кај директорите не е засега лоцирана одговорност. Тројцата градоначалници кои од 2012 до 2025 ја воделе О. Кочани, се гонат бидејќи на местото каде е „Пулс“ не смеело да има кабаре, тоа функционирало, а не иницирале ниту постапка за инспекциски надзор. Се обвинуваат и дека не ги известиле другите институции дека објкетот рабоботи без дозвола.

За 11 лица е запрена постапката, поради недостаток на докази и тие сега нема да се гонат со обвинение, но Коцевски посочи дека тоа може да се промени во иднина. Во однос на 13те полициски службеници кои вчера беа приведени, Коцевски кажа дека како соизвршители не постапиле според прописите на мерките за заштита на присутните во дискотеката „Пулс“, не спречиле палење на пиротехниката и уште низа безбедносни пропусти. Тие добија мерки на претпазливост, да не смеат да го напуштат градот во кој живеат, а одземени се и патни исправи.

Овој важен чекор претставува продолжение на нашата долгорочна стратегија за интернационален развој и зацврстување на позицијата како лидер на пазарите каде што сме присутни.

Проширувањето во Црна Гора е дел од нашата визија за глобален раст и посветеност кон градење на стабилен, доверлив и модерен финансиски екосистем. Со секој нов пазар што го освојуваме, ние не само што носиме иновативни услуги за нашите клиенти, туку и отвораме нови можности за вработување, развој и придонес кон локалната заедница.

Денес, покрај во Македонија, Флекс Кредит со гордост е присутен во Бугарија, Романија, Молдавија, Босна и Херцеговина, Шпанија, Мексико, а од сега и во Црна Гора – уште еден важен дел од нашата интернационална приказна за успех. Нашата сила лежи во синергијата на локалното искуство и глобалната визија, со што обезбедуваме квалитетна и персонализирана услуга за клиентите во секоја земја.

Во темелот на нашето работење стои грижата за клиентите, вработените и заедницата. Веруваме дека долгорочниот успех се гради преку задоволни клиенти, мотивирани тимови, транспарентна комуникација, одговорни деловни практики и активна општествена одговорност.

Со новиот пазар, новите соработници и новите идеи, продолжуваме да ја градиме приказната на Флекс Кредит како стабилен, иновативен и општествено одговорен бренд кој остава позитивен отпечаток секаде каде што е присутен.