Низ европските болници се шири супербактерија , отпорна на антибиотици - Канал 5

Здравје

Низ европските болници се шири супербактерија , отпорна на антибиотици

Според најновите истражувања , низ европските болници се шири бактеријата Klebsiella pneumoniae, отпорна на сите познати антибиотици.

Низ европските болници се шири супербактерија , отпорна на антибиотици

Освен оваа бактерија , научниците предупредуваат дека и други бактерии можат да станат отпорни на антибиотици , поради начинот на пренос на резистентноста. Klebsiella pneumoniae може да живее во нашите црева и да не создава проблеми.

Но , при ослабнатимунитет може да предизвика воспаление на белите дробови ,менингит и други воспалителни процеси. „Алармантно е што овие бактерии станаа отпорни на клучните антибиотици од последната линија, карбапенеми“, рече д-р Софија Дејвид од Институтот „Сангер“.

„Поради оваа причина, инфекцијата со оваа бактерија е поврзана со висока стапка на смртност. Загрижувачки е што само во 2015 година регистриравме 2000 смртни случаи предизвикани од овој вид бактерии, а нивниот број сигурно ќе продолжи да се зголемува доколку не бидат преземени потребните мерки. “, додаде таа.

Бројот на смртни случаи во Европа како резултат на инфекција отпорна на карбапенем ,се зголеми од 341 во 2007 година на 2.094 во 2015 година.

Според неодамнешната студија која ја анализира ситуацијата во 244 болници од Ирска до Израел, болниците станаа главно жариште на инфекции од K. pneumoniae отпорни на антибиотици.

„Резултатите од студијата укажуваат дека болниците се примарно место за ширење на инфекцијата, односно бактеријата се пренесува од личност до личност првенствено во болниците“, изјави Дејвид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Западен Нил ја зема единаесетата жртва – почина 66 годишна жена од Росоман

Западно нилската треска ја зема и единаесетта жртва. Почина 66 годишна жена од Росоман, која подолго време била хоспитализарана и имала и други заболуавња.

Западен Нил ја зема единаесетата жртва – почина 66 годишна жена од Росоман

Епидемијата со Западен Нил стивнува и веќе трете недела нема нови хоспитализирани пациенти, посочи директорот на инфективна Фадил Цана.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Наунов: Вистината се утврдува со докази, а не според потребите на одбраната

Со изведување докази предложени од одбраната денеска во судницата во „Идризово“ при продолжи судењето за пожарот во дискотеката „Пулс“ во Кочани.

Наунов: Вистината се утврдува со докази, а не според потребите на одбраната

Сведочеше вешто лице кое посочи дека од градежен аспект објектот на дискотеката не претрпел реконструкција ниту пренамена, туку се работело исклучиво за внатрешно ентериерно уредување. Родителите на жртвите од Пулс реагираа и порача дека судскиот процес не се води само за градежни конструкции, туку за безбедноста, одговорноста и загубените човечки животи.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со факели и огномет пречекан Груби кој излезе од куќен притвор

Со факели, петарди, огномет и музика, како на голема прослава, синоќа во скопски Чаир стотина лица го пречекаа поранешниот вицепремиер Артан Груби, откако му беше укинат куќниот притвор. 

Со факели и огномет пречекан Груби кој излезе од куќен притвор

Во друштво на пријатели и соработници, Груби се поздравуваше со присутните, додека се палеа факели и чадни бомби. Снимките од прославата брзо се проширија на социјалните мрежи.

Одбраната на Груби , на кого му се суди за злоупотреби во „Лотарија“ во соопштение до јавноста се оградува за синоќешното славење во Чаир.

-Собирот беше спонтан, пред домот на Артан Груби, без говори, без пораки, и без политички одбележија. Укинувањето на мерката претставува одлука на надлежните органи во рамките на законски предвидените постапки. Во името на нашиот штитеник, им се извинуваме на сите граѓани кои може да биле вознемирени синоќа од неколкуминутниот спонтан настан, што би можел да создаде погрешна слика во јавноста. Почитувањето на институциите, судските постапки и владеењето на правото е од суштинско значење, нагласува одбраната на Груби.

Но, иако Груби од вчера може да се брани од слобода, обвинението против него останува. Од Кривичниот суд соопштија дека куќниот притвор му е укинат по сила на законот, по истекувањето на максималниот рок од 60 дена од поднесувањето на обвинителниот предлог. Судот исто така не ја прифати ниту понудената гаранција од над 335 илјади евра за враќање на пасошот

Груби е второобвинет во случајот „Државна лотарија“, во кој Обвинителството го товари за злоупотреба на службената положба и овластувањата. Според обвинението, со спорни одлуки и постапки поврзани со набавката на видеолотариски терминали, на државната компанија ѝ била причинета штета од околу 9,7 милиони евра.

Во предметот се обвинети вкупно осум лица, меѓу кои и поранешниот директор Перпарим Бајрами кој по бегство од органите исто така се врати во Македонија. Груби пред судот се изјасни дека не се чувствува виновен, но и и натаму има забрана да го напушта Скопје, обврска да се јавува во судот и забрана за контакти со определени лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер