Нивеа кремите под истрага! Швајцарија ги проверува – една работа е сомнителна - Канал 5

Свет

Нивеа кремите под истрага! Швајцарија ги проверува – една работа е сомнителна

Швајцарската комисија за конкуренција (WEKO) отвори истрага против германскиот производител на „Nivea“, „Beiersdorf“, поради сомнеж дека нивните производи се продаваат поскапо во Швајцарија отколку во другите земји.

Нивеа кремите под истрага! Швајцарија ги проверува – една работа е сомнителна

Швајцарската комисија за заштита на пазарната конкуренција (WEKO) покрена истрага против германската компанија „Beiersdorf“, сопственик на познатиот бренд „Nivea“, поради сомнеж дека производите од таа марка се продаваат по повисоки цени во Швајцарија отколку во другите земји.

Повод за истрагата е жалбата на швајцарскиот малопродажен ланец „Migros“, кој тврди дека „Nivea“ производите ги купува од „Beiersdorf“ под понеповолни услови отколку трговците во други држави. „Migros“ се сомнева дека „Beiersdorf“ ја користи својата пазарна моќ и поголемата куповна моќ на граѓаните на Швајцарија за да диктира повисоки цени.

– Ако компанијата ја користи својата доминантна позиција на пазарот за на трговците да им наметне повисоки цени отколку што тоа би го правела во други земји, тоа може да претставува прекршување на правилата за еднаква конкуренција – се наведува во соопштението на швајцарскиот регулатор.

Новиот швајцарски закон, кој стапи на сила на почетокот од 2022 година, предвидува дека компаниите чии производи се со висока побарувачка може да бидат класифицирани како субјекти со „релативно посилна пазарна позиција“. Во тој случај, се очекува нивните деловни услови да бидат фер, без оглед на куповната моќ на пазарот.

Целта е да се спречат практики засновани на претпоставката дека Швајцарците „можат да платат повеќе“, што според „WEKO“ би претставувало нефер третман во споредба со другите европски потрошувачи.

„WEKO“ соопшти дека истрагата ќе трае до 18 месеци и дека за време на тој период ќе се анализираат сите достапни докази за да се утврди дали „Beiersdorf“ го прекршил законот, пишува „Biznis.rs“.

Тагови: истрага крема Нивеа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер