Ниту „ВАР“ технологијата не го спаси Ливерпул од елиминација во ФА Купот - Канал 5

Ниту „ВАР“ технологијата не го спаси Ливерпул од елиминација во ФА Купот

Екипата на Ливерпул иако важеше за фаворит во дуелот против Вест Бромвич Албион (ВБА), сепак „црвените“ се елиминирани од понатамошното натпревраување во ФА Купот.

Ниту „ВАР“ технологијата не го спаси Ливерпул од елиминација во ФА Купот
Ниту „ВАР“ технологијата не им помогна на играчите на Ливерпул да ја избегнат елиминацијата, иако домаќините поведоа уште во 5.минута со голот на Фирмињо.

Сепак, само шест минути подоцна ВБА го сврте резултатот, со головите на Џеј Родригес во седмата и единаесетата минута.

Гостите постигнаа и трет гол, но по прегледувањето на ТВ снимката голот беше поништен поради офсајд.

„ВАР“ технологијата се користеше и во уште две ситуации.

Најнапред во 26.минута, по што беше досуден пенал за Ливерпул, кој не успеа да го реализира Фирмињо.

Потоа и во последните мигови од првиот дел (45+2) при постигнувањето на новиот гол на ВБА, кога Џоел Матип си постигна автогол, со кој ВБА поведе со 3-1.

Во вториот дел иако домаќините тргнаа со стите сили кон голот на ВБА, сепак со погодокот на Мохамед Салах во 78.минута „црвените“ само го ублажија поразот.

Од премиерлигашите елиминација претрпе Вест Хем по поразот од Виган со 3-1.

Пласман во осминафиналето од фаворитите обезбедија, Манчестер Јунајтед, Лестер и Саутемптон, додека Тотенхем ќе мора да одигра уште еден меч откако првиот на гостувањето кај Њупорт Каунти заврши без победник 1-1.

Денеска ќе се одиграат уште две средби од четвртата рунда, во кои Челзи го пречекува Њукасл , а Манчестер Сити гостува кај Кардиф Сити. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Украински дронови погодија голем петрохемиски комплекс во Русија

Украина извршила напад со беспилотни летала врз еден од најголемите руски петрохемиски комплекси во Нижнекамск, град во Република Татарстан, објавија украинските медиуми.

Украински дронови погодија голем петрохемиски комплекс во Русија

Во нападот биле повредени три лица, соопшти регионалното министерство за здравство. Властите не објавија детали за тоа кој индустриски објект бил погоден. Снимки од голем пожар се проширија на социјалните мрежи во Русија и Украина. Според тие извештаи, пожарот избувнал во фабриката „Нижнекам-Сне-Фтехим“, во чиј состав има и рафинерија за нафта. Поради оштетувањето на објектот што снабдува со електрична енергија и дел од железничката мрежа, железничкиот сообраќај бил привремено прекинат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Маж загина во пожар во барака во скопски Жданец

Маж загина во пожар што доцна синоќа избил во барака во скопската населба Жданец.

Маж загина во пожар во барака во скопски Жданец

Од МВР информираат дека бараката, сопственост на 56-годишен скопјанец целосно изгорела, а дека откако огнот бил изгаснат, во објектот биле пронајдено тело на починато машко лице. Од Центарот за управување со кризи информираат дека во гасење на пожарот кој избил половина час пред полноќ, интервенирале 19 пожарникари од Скопската противпожарна бригада со седум противпожарни возила. Засега не се познати причините за пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кедев се впиша во Гинис како највозрасен човек во светот што ги искачил сите 14 врва над 8 000 метри

Македонскиот кардиолог и планинар Сашко Кедев влегува во гинисовата книна на рекорди како највозрасен човек кој стигнал до највисоката точка на сите 14 планини во светот повисоки од 8 000 метри.

Кедев се впиша во Гинис како највозрасен човек во светот што ги искачил сите 14 врва над 8 000 метри

Кедев имал 63 години и 14 дена кога на 20 јули 2025 година се искачил на „Гашербрум 1“ во Пакистан. Со искачувањето на овој врв, висок 8 080 метри, стана и првиот Македонец што ги искачил сите 14 врва над 8 000 метри. Прв на неговата листа беше највисокиот врв на светот, Монт Еверест, на кој Кедев се искачи во мај 2009-та година.

Во јули 2022 година, во растојание од само една недела, ги искачи Ка-2 и Броуд Пик. Искачувањата на Кедев ги потврдил Еберхард Јургалски, консултант на Гинис за планинарски рекорди. Гинис му припишува на Кедев уште едно постигнување. Тој е и највозрасниот човек кој ги исполнил двата планинарски предизвика – ги искачил сите 14 врва над 8 000 метри и највисокиот врв на секој од седумте континенти. Континенталната седумка ја заокружи уште во 2011 година, со искачувањето на Пунчак Џаја во Океанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер