Ниските утрински температури направија големи штети кај овошките во Росоманско - Канал 5

Македонија

Ниските утрински температури направија големи штети кај овошките во Росоманско

Само што бевме на терен како претставници на Агенцијата, после ниските температури во раните утрински часови, што го зафатија Росоманско. 

Ниските утрински температури направија големи штети кај овошките во Росоманско

Ниските утрински температури направија големи штети кај овошките во Росоманско, оваа информација ја потврди за МИА, Драганчо Николов, советник во Агенцијата за поттикнување на развојот во земјоделството, подрачна единица во Кавадарци.

- Само што бевме на терен како претставници на Агенцијата, после ниските температури во раните утрински часови, што го зафатија Росоманско. Според информациите со кои располагаме, вчера наутро температурите се спуштиле до минус четири, а денеска до минус седум степени, појасни Николов.

Тој истакна дека првичните согледувања од стручни лица на терен, говореле дека има големи штети во овошните насади во Росоманско.

- Станува збор за регион, најголем производител на праски во државата. Првите проверки на лице место, велат дека голем е данокот, што и овојпат го имаат земено ниските утрински температури на прагот на пролетта. Штети има кај дрвцата праски, кајсии, бадеми, кои во овој период од годината се во фаза на полнo цветање. Најголеми се штетите во Росоман и росоманските села Манастирец и Трстеник, подвлече Николов.

Тој додаде дека дополнително ќе се утврдува процентот на штети кај овошките. Засега, во лозарството немало оштетувања од ниските утрински температури, што го зафатија овој регион изминатите два дена.

Формула

Леклер очекува многу тежок викенд за Ферари во Монако

Пред една година, Шарл Леклер доживеа едно од најголемите задоволства за секој возач на Формула 1, имено победа на домашна трка.

Леклер очекува многу тежок викенд за Ферари во Монако

Возачот на Ферари беше двојно среќен, бидејќи негова домашна трка е во Монако, а трката во Кнежевството е онаа што секој возач сака да ја освои.

Сега, сепак, тој очекува викендот во Монако да биде многу тежок за него и за Ферари. Според него, слабостите на автомобилот на Скудерија ќе бидат откриени во Кнежевството. Тој не ја исклучи можноста за изненадувања, бидејќи во Монако поставките се најважни за квалификациите, со оглед на речиси невозможното претекнување во трката.

-Очекувам многу тежок викенд. Мислам дека Монако ќе открие многу од слабостите на нашиот тим, па не знам... но има и многу работи што не можат да се предвидат. Ризиците што ги преземате во квалификациите, поставките на болидот, кои се многу различни, па се надевам на изненадување, изјави Леклер по вчерашната трка за Големата награда на Емилија-Ромања. /МИА

Тагови: Формула 1 Монако

Свет

Стотици демонстранти протестираа против Хамас во Кан Јунис, на југот од Појасот Газа

Медиумите во Газа објавија снимки на кои се гледаат стотици демонстранти во Кан Јунис, на југот од Појасот Газа, како протестираат против Хамас и повикуваат на прекин на војната.

Стотици демонстранти протестираа против Хамас во Кан Јунис, на југот од Појасот Газа

„Тајмс од Израел“ објави дека демонстрантите скандираа „Стоп на војната и раселувањето“ и „Хамас надвор“.

Ова е прв протест против Хамас во Кан Јунис по неколку недели. Во последните недели слични спорадични демонстрации се одржаа и во северните делови на Појасот Газа.

Претходно денеска Израелските одбранбени сили (ИДФ) издадоа општа наредба за евакуација за целиот Кан Јунис, наведувајќи дека целата област сега е „борбена зона“./МИА

Тагови: Појасот Газа Хамас

Свет

Папа Лав Четиринаесетти: Момент е за дијалог и градење мостови

Папата Лав Четиринаесетти денеска за време на состанокот со претставници на други конфесии и цркви, порача дека ова е момент за дијалог и градење мостови, објавија италијанските медиуми.

Папа Лав Четиринаесетти: Момент е за дијалог и градење мостови

„Убеден сум дека ако се согласиме и се ослободиме од идеолошкото и политичкото условување, можеме да кажеме „не“ на војната и трката во вооружување и „да“ на мирот и разоружувањето“, рече папата, додавајќи дека истовремено можеме да ја отфрлиме економијата што ги осиромашува луѓето и планетата Земја, а да прифатиме интегрален развој, пренесе италијанската агенција АНСА.

На средбата со претставниците на другите конфесии, папата се осврна на еврејските корени на христијанството, нагласувајќи дека сите христијани имаат посебен однос со јудаизмот.

„Теолошкиот дијалог меѓу христијаните и Евреите останува секогаш важен и близок до моето срце. Дури и во овие тешки времиња, оптоварени со конфликти и недоразбирања, потребно е со ентузијазам да го продолжиме овој наш многу драгоцен дијалог“, заклучи папата Лав Четиринаесетти на состанокот со претставниците на други религии. /МИА

Тагови: папата Лав
притисни ентер