Ништо ново во Јапонија: Верстапен на пол-позиција

Возачот на Ред Бул, Макс Верстапен, ќе стартува од првата позиција на Јапонското ГП, четвртата трка од овогодинешниот шампионат во Формула 1.

Холанѓанецот трета година по ред стигна до пол-позицијата на Сузука, а воедно го забележа и петтиот триумф во квалификациите по ред со време 1:28.197.

Најблиску до Верстапен беше неговиот тимски колега Серхио Перез, кој заостана 66 илјадитинки, додека третото време имаше Ландо Норис со Мекларен.

Најдобар од останатите беше Карлос Саинц Јуниор во Ферари, пред двократниот светски шампион Фернандо Алонсо и Оскар Пјастри (Мекларен), кој денеска го слави својот 23-ти роденден.

Седми, со само шест илјадити делови од секундата зад Австралиецот, заврши седумкратниот светски шампион Луис Хамилтон, пред Шарл Леклер во второто Ферари.

Топ 10 го комплетираа вториот возач на Мерцедес Џорџ Расел и миленикот на локалната публика Јуки Цунода. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Литар дизел од денеска се точи за 101,5 денари, за 1,5 денар повисоки цените и на бензините

Нов скок на цените на нафтените деривати – за прв пат по стартот на војната на Блискиот исток, литар дизел скокна над 100 денари и од полноќ литар се точи по цена од 101,5 денари.

Со последната одлука на Регулаторна освен зголемување од 3,5 денари кај дизелот за 1,5 се зголемуваат и цените не бенизните. 95-ка од денска се продава по цена од 93 денари, а 98-цата за 95 денари по литар. Во пресметката влегуваат и намалените акцизи, и тоа за 2 денари кај бенизните и за 4 денари кај дизелот.

Тагови: Дизел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес попладне нестабилно со пороен дожд

Претпладне времето ќе биде сончево и топло, а попладне и во вечерните часови наместа ќе биде нестабилно со пороен дожд, грмежи и засилен ветер.

Локално процесите ќе бидат во форма на невреме со засилен до силен ветер и појава на град. Минималната температура ќе биде во интервал од 15 до 21, а максималната ќе достигне од 32 до 38 степени.

Во Скопје, сончево и топло со мала до умерена облачност, во вечерните часови во делови во котлината ќе има услови за пороен дожд и грмежи. Ќе дува слаб до умерен ветер од јужен правец. Минималната температура ќе се спушти до 20, а максималната ќе достигне до 38 степени.

До крајот на работната седмица ќе се задржи сончево и топло време со појава на умерена облачност во текот на денот.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во посета на Управата за хидрометеоролошки работи (УХМР)

во 11:00 часот, претседателот на Владата на Република Македонија, Христијан Мицкоски, ќе изврши увид во реализираните инвестиции и модернизацијата на Управата за хидрометеоролошки работи (УХМР).

Предвидено е премиерот Мицкоски да даде изјава за медиумите на крајот од настанот.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.