Николоски: Во Пелагонискиот Регион има инфраструктурен бум - Канал 5

Македонија

Николоски: Во Пелагонискиот Регион има инфраструктурен бум

Во Пелагонискиот Регион се случува инфраструктурен бум и тоа е нешто што ќе продолжиме да го работиме - истакна вицепремиерот и министер за транспорт Александар Николоски на средба со стопанственици од регионалните стопански комори на Битола и Прилеп.

Николоски: Во Пелагонискиот Регион има инфраструктурен бум

Информирајќи за тековните и најавувајќи нови проекти, Николоски нагласи дека единствена цел на Владата е да се развива стопанството и токму затоа пелагониските општини се помагаат со сериозни суми средства.

- Проектите заеднички ги градиме и со единствена цел да се развива стопанството затоа што навистина во овој регион се случува инфраструктурен бум и тоа е нешто што ќе продолжиме да го работиме. Сакам да најавам три нови проекти, а тоа е обиколница кај градот Прилеп, проект што го работиме со градоначалникот на Прилеп, чија обврска е да го заврши проектирањето, а моја и обврска на Владата е обиколницата да се изгради со цел товарниот сообраќај се извади надвор од градот, вториот проект е топловодот, парно за градот Битола, проект што е во сериозна фаза, и третиот проект е гасификацијата. Ние имаме огромни проекти за овој регион, а дополнително ги помагаме општините со сериозни суми средства - беа определени 250 милиони евра за општините, средства за дополнителни проекти - посочи Николоски.

Во изјава за медиумите вицепремиерот и министер за транспорт потврди дека активирањето на железничката пруга кон соседна Грција е во застој, пред сè, поради кризата во железничкиот систем во Грција.

- Железничката пруга кон Грција е проект во застој. Јас разговарав со тројца министри за транспорт од Грција и бев информиран дека пругата не е во добра состојба, особено по железничката несреќа што им се случи пред две години, каде што имаше многу жртви. Нивниот железнички систем е во криза и директно ни беше одговорено дека во овој момент немаат средства за да ја репарираат пругата, што значи во догледно време не може да се очекува отворање на овој премин, но не поради нас, туку поради Грција - посочи Николоски.

Барањата на пелагониските стопанственици ги соопшти Мирко Велковски, претседател на Регионалната стопанска комора, со седиште во Битола. Според Велковски, владините инвестиции и проекти треба да продолжат затоа што тоа е од интерес на регионот, кој има 8.000 правни субјекти и е регион кој минатата година ја заврши со 3 отсто економски раст и 5 отсто зголемен извоз.

- Сакаме да продолжиме со инвестиции и затоа е потребна владина помош за пет клучни работи во овој регион, а тоа се подобрување на инфраструктурата со акцент на патниот правец Битола - Прилеп, реализација на автопатот Дреново - Прилеп, изградба на обиколница Битола - Ники (Република Грција), со што ќе се поврзиме на делницата Д10 и патот Виа Игнатија, изградба на обиколница Ресен - Охрид и изградба на железничката инфраструктура со модерна пруга од Битола преку Ники, Лерин, до Солун. За овој регион е значаен и гасоводот бидејќи без гасификација нема да можеме економски да се развиваме - нагласи Велковски.

За стопанскиот развој на Пелагонискиот Регион денеска во Битола заеднички информации со градоначалниците и бизнисмените споделија Марјан Ристески, заменик-министер за економија и труд, Николче Јанкуловски, заменик-министер за финансии и Коце Трајановски, директор на ЈП за државни патишта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

14- годишник е уапсен во Австрија- подготвувал терористички напад, што сакал да го пренесеува во живо

Австриските безбедносни служби уапсија 14-годишен ученик од Тирол под сомнение за подготовка на терористички напад. 

14- годишник е уапсен во Австрија- подготвувал терористички напад, што сакал да го пренесеува во живо

Тинејџерот имал намера да го емитува нападот во живо на интернет. Апсењето следело по дојава од странска партнерска служба, како дел од меѓународната соработка со Австриската дирекција за државна безбедност и разузнавање (DSN), објавува Kronen Zeitung.

Откриени планови во онлајн комуникации

Истрагата покажа дека младиот човек од Тирол разменувал пораки со истомисленик од Шведска преку шифрираната апликација Telegram. Тие заедно планирале напади, а еврејските и муслиманските институции биле споменати како можни цели.

Државното обвинителство во Инсбрук побарало итна акција бидејќи плановите биле оценети како конкретни и во напредна фаза. Налогот за апсење бил издаден и покрај тоа што осомничениот бил малолетник, само четири дена пред нападот со автомобил врз учесниците на парадата на Денот на улицата Кристофер во Берлин.

Пронајдени се нож, маска и GoPro камера

Претресот на станот и апсењето биле извршени од специјалната полициска единица Кобра. Во собата на 14-годишникот, истражителите од Државната канцеларија за заштита на уставниот поредок и борбата против тероризмот на Австрија(LSE) пронајдоа неколку предмети што укажуваат на сериозноста на неговите намери.

Запленети се борбен нож со десничарски слогани и заштитен елек со шведски ознаки. Исто така, пронајдена е црна маска FFP2 со мотив на череп и симболи на Третиот рајх, како и два тактички шлемови. На еден од шлемовите била прикачена GoPro камера, подготвена да го емитува нападот во живо.

Неговиот модел бил масовбиот убиец од Нов Зеланд

Според истрагата, ученикот го видел Брентон Тарант, десничарскиот терорист кој уби 51 лице во терористички напад врз две џамии во Нов Зеланд во 2019 година, како модел. Тарант, исто така, го емитувал својот напад во живо, а на неговото оружје имало напишани неонацистички пораки, како што е „Виена 1683“, референца на втората опсада на Виена.

Уапсениот 14-годишник е во притворот во Инсбрук и засега го користи своето право на молчење.

Тагови: австрија терористички напади

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трагедија на Сицилија: Се урна зграда, загина милионер, неколку жители се повредени (ВИДЕО)

Неколку лица се повредени, а едно лице почина откако дел од зграда се урна во сицилијанскиот град Месина, додека противпожарните екипи ги пребаруваа урнатините за евентуално исчезнати лица, објави веб-страницата Unionasarda.it. 

Трагедија на Сицилија: Се урна зграда, загина милионер, неколку жители се повредени (ВИДЕО)

Зградата во јужниот пристанишен град содржи и станови и канцеларии.

Пожарникарите изјавија дека го идентификувале телото на бизнисменот Кармело Леоне во урнатините на зградата во областа Пистунина во Месина, во која имало и продавници и станови, објави ANSA.

Меѓу исчезнатите лица се неговите сестри Сара и Роза, сопругот на Роза Сантино Магазу и домашната работничка од Шри Ланка, Лаира Варнакуласурија, додека петтото исчезнато лице е Алесандра Фрачија, жена која работела во продавницата.

„Пронајдовме лице кое, судејќи според локацијата, било во стан на горниот кат. Се соочуваме со големи тешкотии бидејќи пожарот сè уште гори (на местото на настанот), што ги комплицира работите“, рече командантот на противпожарната бригада во Месина, Микеле Бурџо.

Градоначалникот на Месина, Федерико Базиле, изјави дека верува оти експлозија на гасна боца можеби го предизвикала уривањето, иако не може да се исклучи можноста за структурен дефект. Во објава на Фејсбук, тој рече дека неговите мисли се со сите погодени и нивните семејства, кои доживуваат голем страв и вознемиреност.

„Градската администрација го активираше општинскиот кризен центар за да координира мерки за помош и поддршка за жителите погодени од несреќата“, рече Базиле.

Ренато Скифани, претседателот на Сицилија, вети поддршка од градот во сите мерки што се преземаат.

На местото на настанот беа распоредени кучиња за пребарување и беспилотни летала за да се бараат уште заробени лица. Оштетениот дел од зградата е исто така обезбеден за да може пребарувањето да продолжи на безбеден начин.

Тагови: сицилија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Германската левица бара Берлин да ги прими илјадниците мигранти од Сеута

Клара Бингер, потпретседателка на Левичарската партија во Бундестагот, изјави дека Германија и Европската Унија имаат обврска да им помогнат на мигрантите во шпанската енклава Сеута и да ги прифатат луѓето што бараат заштита.

Германската левица бара Берлин да ги прими илјадниците мигранти од Сеута

„Германија не смее да ја остави Шпанија сама“, рече Бингер, оценувајќи дека она што се случува во Сеута „не е природна катастрофа, туку резултат на политички одлуки“.

„Луѓето бегаат од војни, сиромаштија и климатска криза. Повисоките ѕидови нема да ги спречат, туку само ќе го направат нивното бегство посмртоносно. Најважно сега е никој друг да не биде повреден“, рече таа.

Бингер изјави дека на мигрантите мора да им се обезбеди медицинска нега, вода и безбедно место, додавајќи дека Германија и ЕУ имаат обврска да помогнат во грижата и прифаќањето на луѓето што бараат заштита.

„Секој што верува дека проблемот може да се реши со уште поголемо затворање на границите, греши“, рече таа, додавајќи дека сè додека нема безбедни и легални патишта за миграција, луѓето ќе продолжат да бидат во опасност.

Оваа позиција беше отфрлена од германскиот министер за внатрешни работи Александар Добринт (CSU) и канцеларот Фридрих Мерц (CDU), кои ја искористија кризата во Сеута како аргумент за продолжување на построгите гранични контроли.

Добринт изјави за „Шпигел“ дека успехот во борбата против нелегалната миграција мора да се зачува и дополнително да се подобри. Тој и Мерц претходно ја повикаа шпанската влада да ги врати мигрантите што влегле во Сеута во Мароко.

Според шпанските власти, околу 60.000 луѓе пристигнале во Сеута од Мароко во последните денови. Владата на енклавата објави дека најмалку 57 лица загинале. Шпанското Министерство за внатрешни работи соопшти дека околу 30.000 мигранти веќе се вратиле во Мароко.

Шпанскиот премиер Педро Санчез оцени дека ова е „напад“ врз територијалниот интегритет на земјата и го обвини масовното пристигнување за гласините што ги ширела „мафија на шверцери на луѓе“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер