Николоски: Во Новаци инвестираме 1,2 милиони евра во изградба на индустриска зона и улици, а веќе се градт и првите две фабрики - Канал 5

Македонија

Николоски: Во Новаци инвестираме 1,2 милиони евра во изградба на индустриска зона и улици, а веќе се градт и првите две фабрики

Индустриска зона со нови фабрики, реконструкција и изградба на улици и дополнителни капитални проекти се дел од инвестицискиот циклус вреден околу 1,2 милиони евра што моментално се реализира во Општина Новаци.

Николоски: Во Новаци инвестираме 1,2 милиони евра во изградба на индустриска зона и улици, а веќе се градт и првите две фабрики

Ова денеска го истакна заменик-претседателот на Владата и министер за транспорт, Александар Николоски, при посетата на општината, нагласувајќи дека проектите претставуваат значајна поддршка за локалниот развој и отворање нови работни места.

„Навистина е задоволство што денеска презентираме проекти кои што се поддржани од Владата, преку буџетот на општината и програмата на Светска банка, во вредност од некаде 1,2 милиони евра, што претставува една значајна поддршка за Општина Новаци“, изјави Николоски.

Тој посочи дека во индустриската зона се инвестираат околу 40 милиони денари со поддршка од Владата, дополнети со средства од општината, со цел создавање нов простор за развој на стопанството и отворање нови работни места.

„Ова треба да претставува нова индустриска зона не само за Новаци, туку и за општините кои што гравитираат околу Новаци и илјадници луѓе да си ги најдат работните места и среќата тука“, рече Николоски.

Тој му честиташе на градоначалникот за визијата и упорноста во реализацијата на проектот, посочувајќи дека инфраструктурата околу индустриската зона е веќе завршена, а сега започнува изградбата на внатрешната инфраструктура во зоната.

"Првите две фабрики од лесната незагадувачка индустрија веќе се градат. Драго ми е што веќе сите парцели се продадени, што се најавени и нови инвестиции кои што ќе се рализираат", додаде вицепремиерот Николоски.

Паралелно, преку проект што се реализира со поддршка на Светска банка, во општината се инвестираат дополнителни 520.000 евра за рехабилитација и изградба на улици, а до крајот на годината Николоски најави и поддршка за нови проекти подготвени од локалната самоуправа.

-Разговаравме со градоначалникот до крајот на годината да излеземе со поддршка за уште еден до два проекти кои што ги има спремни општината, што е надвор од она што се вика редовни средства и активности на општината. Ако на ова се додаде дека интензивно се работи на автопатот Прилеп-Битола, ова ќе значи едно целосно заживување за Општина Новаци и ќе продолжиме да ја поддржуваме општината секаде онаму каде што можеме, истакна Николоски.

Со почит

Министерство за транспорт

Тагови: Новаци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Пола Македонија отруена а одговорни сè уште нема

Неофицијално, хемикалија за производство на детергенти ги побелела Лепенец и Вардар.

СДСМ: Пола Македонија отруена а одговорни сè уште нема

А од Државниот инспекторат за животна средина велат дека сè уште ги немаат податоците кои треба да ги споредат.

Колку дена поминаа откако Орце леташе со дрон?

Колку дена се потребни за да се докаже што ја отру водата? Дали ова се прави намерно?

Пола Македонија е отруена.

Седум градови и неколку села немаат вода за пиење.

Во Гостивар епидемија на жолтица што Мицкоски сака да ја прикрие.

А одговорен сè уште нема. Ниту еден. Министерствата и Владата молчат.

Мицкоски и Клековски - секој со своја приказна.

Едниот вели дека од петок може да се пие. Другиот вели дека има нова бактерија.

Мицкоски стана бактериолог, а Клековски не е ништо, освен задолжен за напади на професори и доктори.

Тошковски се занимава со хиперхлорирање, бидејќи корупција и криминал не може да гони - би морал да се уапси себеси, Мицкоски и целата организирана криминална група ВМРО. Затоа стана полицаец-водоводџија.

Сè ова би било смешно да не е во прашање здравјето на граѓаните и да не се меша вода за пиење со фекалии.

Затоа е многу сериозно.

На Мицкоски и ВМРО им е важен само рејтингот.

Здравјето на граѓаните - не.

Уште малку, кога ќе тргнат Орбановите медиуми со засилување од Србија - со „Ало“ и „Информер“, плус Еуроњуз со лиценца од Вучиќ што ја водат Латас и Ивона - граѓаните повеќе нема ни да чујат дека водата е отруена.

Македонија е изолирана. Во медиумски мрак. Без вода за пиење. А во позадина минуваат криминалните тендери.

Така изгледа програмата на ВМРО-ОКГ и на Христијан Мицкоски.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Рашфорд се прости од Барса

Англискиот фудбалер Маркус Рашфорд се прости од Барселона,  и по подолг период се враќа на Олд Трафорд, ќе му се приклучи на тимот на Манчестер Јунајтед во подготовките за новата сезона.

Рашфорд се прости од Барса

28 годишниот Рашфорд е член на Манчестер Јунајтед, а минатата сезона ја помина на позајмица во Барселона.

Тој одигра 49 натпревари за каталонскиот клуб, при што постигна 14 гола и запиша 14 асистенции. Барселона одлучи да не ја активира клаузулата за откуп на англискиот фудбалер.

„Исклучително сум им благодарен на сите во клубот што го направија мојот престој овде толку позитивно и незаборавно искуство. Уживав во секој момент и ќе ги носам тие посебни спомени со себе. На клубот и на сите негови навивачи им посакувам многу среќа и успех во претстојната сезона“, објави Рашфорд на социјалните мрежи.

Англичанецот сега ќе се обиде да избори место во тимот на Мајкл Керик, кој минатата сезона го освои третото место во Премиер лигата.

Тагови: БАРСЕЛОНА Манчестер Јунајтед Рашфорд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Свечената промоција на новите полициски службеници од генерацијата, 2025/2026 година

Министерот за внатрешни работи Панче Тошковски утринава се обрати на свечената промоција на новите полициски службеници од генерацијата, 2025/2026 година.

Свечената промоција на новите полициски службеници од генерацијата, 2025/2026 година

Новата генерација полициски службеници треба ќе го зајакне безбедносниот систем и да ги унапреди полициските капацитети.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер