Николоски од Охрид: Кирил Пецаков ќе има историски најголема победа - Канал 5

Македонија

Николоски од Охрид: Кирил Пецаков ќе има историски најголема победа

Реализираше бројни проекти и покрај тоа што три години се соочуваше со опструкции.

Николоски од Охрид: Кирил Пецаков ќе има историски најголема победа

,,Во Охрид ќе имаме историски најголема победа на 19. октомври, Кирил Пецаков реализираше бројни проекти и е првиот градоначалник на општината што има далеку поголема поддршка за разлика од првиот пат кога бил избран“, истакна вечерва потпретседателот на ВМРО-ДПМНЕ, Александар Николоски, на средба со охриѓани.

,,Не е лесно во општина како Охрид, после 4 години да се застане со чист образ и да се побара уште четири години мандат, и притоа да се има резултати позади себе и да се има визија за иднината. Јас досега не можам да се сетам на градоначалник на општината кој што после завршувањето на мандатот, завршил без ниту една афера, без ниту еден скандал, со бројни реализирани проекти, со чист образ и со уште поголема поддршка отколку претходниот пат. Таков е Кирил Пецаков и затоа сум убеден дека ќе има историски најголема победа од било кој градоначалник што победил во Охрид“, рече Николоски.

Николоски се осврна и на потешкотиите со кои градоначалникот се соочуваше во првите три години од мандатот, кога беше мета на бројни опструкции од минатата влада предводена од СДСМ и ДУИ.

,,Првите години за градоначалникот беа многу, многу тешки. СДСМ соочена со пораз, не само што не помагаше, туку реално и одмагаше, не само во однос на проекти, не само во однос на автопатот Охрид-Кичево, туку и во однос на општината. Во такви услови, со три години влада на СДСМ и ДУИ, Кирил Пецаков, успеа да ја раздолжи општина Охрид, нешто што претходно беше мисловна именка за сите, и успеа да реализира бројни инфраструктурни проекти. Претходната влада секако не беше среќна со тоа, немаше недела или Финансова полиција, или обвинителство да не влезе во општината, мислејќи дека којзнае што ќе најдат, но кога работите чесно, нема што да се најде, и затоа после 4 години имаме градоначалник кој што има далеку поголема поддршка од тоа што имал првиот пат кога бил избран“, истакна Николоски.

Потпретседателот на ВМРО-ДПМНЕ пред охриѓани го потенцираше и успехот на Владата околу изградбата на автопатот Охрид-Кичево, каде за година и три месеци се завршија 37км од 57км колку што треба да биде ова автопатско решение.

,,Како Влада се обидуваме да помагаме и да реализираме проекти максимално. Првата работа со која што се нафативме беше, би рекол почеток на работа на автопатот Охрид-Кичево, затоа што тоа беше заборавен, напуштен проект, проект на кој што немаше машини и работници, каде ништо не се случуваше. Иако бројни пријатели ме советуваа да не се зафаќам со оваа работа, мојата одлука беше дека прво ќе се занимаваме со овој проект, и еве сме на помалку од година дена откако беше избрана Владата, успеавме од 57км да завршиме 37км. Сукцесивно ќе продолжиме да ги пуштаме и останатите делови и до крајот на следната година, целиот автопат ќе биде завршен. Прв пат во историја на државата ќе завршиме нешто како што е предвидено во рок“, потенцираше Николоски.

Николоски истакна и дека активно се работи на автопатите Букојчани-Гостивар и Гостивар-Тетово, а веќе се пристигнати понуди за изградба на автопатот од Кичево до Букојчани, со што до крајот на 2028 година ќе се оствари деценискиот сон за целосно автопатско поврзување на Скопје со Охрид и Струга.

Потпретседателот на ВМРО-ДПМНЕ се осврна и на реализираните проекти во изминатиот период, а најави и реализација на два големи инфраструктурни проекти за следната година, што се од огромно значење за Охридскиот регион.

,,Работевме и на Охрид-Св. Наум, целосно се рехабилитираше патот, а еве сакам да најавам уште два проекти кои што ќе ги работиме следната година. Првиот е рехабилитација на патот Битола-Ресен-Охрид и вториот е обиколница на Ресен со цел побрзо да се патува до Битола. Вториот голем проект е проектот кој што треба да значи автопатско поврзување на Охрид со Струга, односно делот од Подмоље до Струга и Струга-Дебар-Маврово, исто така целосна рехабилитација“, рече Николоски, кој побара масовна, референдумска излезеност и поддршка на престојните локални избори, со цел реализација на предвидените проекти.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 23. октомври 2026 година

Дневен хороскоп за петок, 23. октомври 2026 година. 

Дневен хороскоп за 23. октомври 2026 година

Вага 24.9.-23.10

Љубов

Личноста со која работите ќе ви го покаже своето емотивно лице. Ќе биде нежна , а вие ќе сакате да и се приближите.

Кариера

Во малите работи денеска би можеле да бидете брилијантни. Тоа не значи дека вашите амбиции се намалени.

Здравје и совет

Внимавајте што јадете.

Шкорпија 24.10-22.11.

Љубов

Во попладневните часови би можело да дојде до амло емотивно вознемирување, па предвидете го. Ќе помине.

Кариера

Денеска треба да бидете максимално тактични и да слушате што ви сугерираат луѓето со кои работите.

Здравје и совет

Немојте да го наметнувате своето мислење.

Стрелец 23.11.-21.12.

Љубов

Вашето друштво и пријателите нема да се во согласност со вашата врска или со партнерот. овој пат ќе мора да ги разделите.

Кариера

Нема да бидете задоволни од својот резултат. Ќе ви се чини како да не сте добиле соодветна награда.

Здравје и совет

Не се споредувајте со другите.

Јарец 22.12.-20.1.

Љубов

Ништо нема да ве спречи за да го обновите вашиот сексуален живот. Во тоа ќе бидете поуспешни при крајот на денот.

Кариера

Конечно ќе дојде до договор и решение за дел од новите или млади соработници на работното место. Ќе ви се допадне.

Здравје и совет

Здравјето ви е добро.

Водолија 21.1.-19.2.

Љубов

Денот е добар за излегување и забава. Без оглед што можеби сте преокупирани со други работи, не дозволувајте друштвениот живот да ви стагнира.

Кариера

Подготвени сте да им пружите рака за помош на младите соработници на работното место. Тие ќе знаат тоа да го ценат.

Здравје и совет

Подобрување.

Риби 20.2.- 20.3.

Љубов

Ќе бидете многу расположени за љубов , но партнерот или ситуацијата ќе ве наведуваат на многу страстни реакции.

Кариера

Оние кои работат од дома или во мали компании денеска со цело срце ќе мора да се борат за секоја ситница. Ќе биде напорно.

Здравје и совет

Замор , нервоза и лошо расположение.

Овен 21.3-20.4.

Љубов

Неблагодарно е да се биде заводник , доколку не ве прифаќаат онака како што би сакале. Немојте да се наметнувате , туку имајте трпение.

Кариера

Денеска нема лесно да наоѓате заеднички јазик ниту со соработниците , ниту со шефовите . Затоа молчете и работете.

Здравје и совет

Издржете.

Бик 21.4- 20.5.

Љубов

Ако имало семејни несогласувања , денеска ќе се расчистат , но вашите лични односи се уште не ви даваат задоволствомкакво што сте очекувале.

Кариера

Како што ќе минува денот , вие се помалку ќе се трудите околу работата , зашто ќе ви недостига мотивација.

Здравје и совет

Потребно ви е релаксирање.

Близнаци 21.5.-21.6.

Љубов

Ќе ги разгледувате своите и навиките на вашиот партнер , па ќе настојувате што подобро да го организирате заедничкиот живот.

Кариера

Конечно ќе почне онаа мала заштита , што ќе ви ја олесни работата. Тоа ќе биде драгоцена помош.

Здравје и совет

Внимавајте на настинки.

Рак 22.6-22.7.

Љубов

Малите недоразбирања ќе бидат целосно заборавени во попладневните часови , кога уште повеќе ќе се зближите со саканата личност.

Кариера

Мали надмудрувања со некои од соработниците денеска ќе завршат и работите ќе тргнат во нова насока.

Здравје и совет

Одете таму каде што ви е убаво.

Лав 23.7-22.8.

Љубов

Ќе балансирате меѓу она што вие би го сакале и она што го откривате како реалност. Тоа нема да биде исто.

Кариера

Денеска на работа би можеле да покажете завидно ниво на интуиција. Затоа потпрете се на својот внатрешен глас.

Здравје и совет

Наоѓате решение за мали проблеми со дигестијата.

Девица 23.8.-23.9.

Љубов

Како што ќе минува денот, вие се повеќе ќе размислувате за себе и својот партнер , како и за тоа каква ви е врската.

Кариера

Ќе бидат потребни ваши мали прилагодувања за да склучите еден деловен договор.Затоа не избрзувајте , туку соработувајте.

Здравје и совет

Душевен немир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Катерина Тодороска и Тони Поповски вечерва во „Само вистина“

Вечерва во „Само вистина“ гости ќе бидат Катерина Тодороска и Тони Поповски

Катерина Тодороска и Тони Поповски вечерва во „Само вистина“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Девојче почина откако испи милкшејк од неиспран блендер- мајка ѝ испрати силна порака

Мајката на 12-годишното девојче кое почина откако испило контаминиран милкшејк решила јавно да проговори за семејната трагедија!

Девојче почина откако испи милкшејк од неиспран блендер- мајка ѝ испрати силна порака

Миа Шеј Сент Хилер, која била алергична на јаткасти плодови, доживеала тешка алергиска реакција откако испила милкшејк направен во неизмиен блендер во кафулето Pop Inn во Лондон во август 2023 година, објави Пипл.

Говорејќи во британската утринска емисија Добро утро Британија, мајката на детето, Шанел Спенс, им рекла на водителките Сузан Рид и Ед Бол дека нејзината ќерка „сфатила дека милкшејкот содржи јаткасти плодови по само две голтки“.

Снимката од надзорната камера го снимила моментот кога тогашниот менаџер на кафулето, Барис Жисел, кој повеќе не е сопственик и не управува со објектот, подготвувал пијалок во блендер кој не бил измиен по претходна употреба.

Судскиот совет потоа утврдил дека пијалокот бил „вкрстено контаминиран со остатоци од лешник“.

Шанел Спенс и таткото на девојчето, Адријан Сент Хилер, претходно повикаа на специјален систем за оценување за да им помогне на потрошувачите да проценат како рестораните во Велика Британија управуваат со ризиците од алергија.

Тој систем би постоел заедно со сегашниот систем на Агенцијата за стандарди за храна, која ја проценува хигиената на храната.

Водителот ги прашал родителите на починатото девојче дали Миа, која сè уште не била тинејџерка, ќе знае да ги провери хигиенските оценки кога оди во ресторан или кафуле. Родителите одговориле дека таа е навикната на тоа, и дека претходно го посетувала тоа кафуле.

„Тоа беше локација која таа ја посети една недела претходно. Во никој случај не беше непознато место“, рекла мајката на починатиот.

Спенс рече дека семејството било изненадено кога за време на сослушувањето дознало дека управувањето со ризикот од алергија не е покриено со истиот систем како рејтингот за хигиена на храната.

„Кога ќе видите дека продавницата има оценка со пет ѕвездички, се чувствувате како, знаете, дека сте безбедни“, рече таа, објаснувајќи зошто тие сакаат посебен систем за оценување кој би бил специфичен за алергиите.

„Да постоеше таков систем, денес ќе зборувавме за поинаков исход и за сосема поинаква приказна“, додаде Сент Хилер.

Зборувајќи за животот повеќе од три години по смртта на нејзината ќерка, Спенс рече дека тагата сè уште е голем дел од нивниот секојдневен живот.

„Тоа навистина не менува ништо, знаете, таа е дел од нашиот секој ден“, рече таа.

Адвокатот Анџела Бруно им се придружи на родителите на Миа на Добро утро Британија и рече дека загриженоста за кафулето била покрената пред смртта на девојчето.

Според неа, при увидот во 2020 година, во кафулето не била пронајдена табела со информации за алергени, но и покрај тоа, локалот добил оцена со пет ѕвездички. Таа изјави и дека следната инспекција, планирана две години подоцна, била „пропуштена“.

„Миа умира во 2023 година и тие се враќаат на инспекција. Сè уште нема табела за алергени, нема предупредувачки знаци за алерген и други проблеми со контаминација“, рече Бруно.

Таа тврдеше и дека не е извршен увидот планиран за септември 2026 година.

Според веб-страницата на Агенцијата за стандарди за храна (FSA), кафулето последен пат добило хигиенска оцена со пет ѕвездички во 2024 година.

Барис Жисел се изјасни за виновен во јануари 2025 година за шест прекршоци, вклучително и недавање или вклучување информации за алергени на потрошувачите, неуспехот да се справи со контаминацијата со алерген за време на процесот на производство на храна и сервирање храна што содржела алергенска состојка што не требало да биде присутна.

Тој е казнет со 18.000 фунти и налог од 100 часа општествено корисна работа.

Тагови: девојче блендер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер