Николоски: Македонија води достоинствена политика кон ЕУ -одлуката за проширување е кај европските земји - Канал 5

Македонија

Николоски: Македонија води достоинствена политика кон ЕУ -одлуката за проширување е кај европските земји

Македонија води достоинствена политика за влез во ЕУ и не се понижуваме, а Владата останува фокусирана на европскиот пат и реформската агенда, изјави Николоски.

Николоски: Македонија води достоинствена политика кон ЕУ -одлуката за проширување е кај европските земји

Македонија води достоинствена политика за влез во ЕУ и не се понижуваме, а Владата останува фокусирана на европскиот пат и реформската агенда, изјави вицепремиерот Александар Николоски во вчерашното „Само интервју“, коментирајќи ја европската перспектива на земјава. Прашан за застојот во евроинтеграциите и дали владејачката партија очекува да се промени нешто во системот на одлучување во ЕУ или да се променат политичарите во Бугарија, Николоски проблемот освен во официјална Софија го гледа и во немањето вистинска желба, како што вели, во европските престолнини за проширување.

-Добро е што ние водиме достоинствена политика, не правиме понижување ниту на себе, ниту на сопствената нација и држава и не коленичиме, туку достоинствено ја водиме политиката и ставот за ЕУ ни е јасен. Тоа што е до нас, го правиме. Еве во Планот за раст сме далеку пред земјите во регионот и тоа ќе да се види во новиот извештај што ќе излезе во јуни. Во делот на реформи спроведуваме тоа што се бара, во другиот дел немаме што да правиме и мислам дека на мали деца им е јасно дека тука не е само Софија проблемот, туку Софија е добар изговор за да не се реши проблемот. Чекаме неколку големи главни градови да решат дали сакаат проширување на ЕУ или не. Ако решат дека сакаат, проблемот со Бугарија ќе се реши за едно претпладне или попладне, изјави Николоски.

Вицепремиерот се осврна и на политичката клима во државата и неодамнешните протести на студентите од албанска националност со барања да полагаат правосуден испит на албански јазик. Според него власта бара решение, а ДУИ ги злоупотребуваат протестите. Ахмети нема да биде дел од владата на ВМРО-ДПМНЕ и тоа е дефинитивно, вели Николоски, а нивните тези дека се намалуваат некакви права на албанските граѓани се класична манипулација и нема политички да ја оживеат ДУИ.

-Едно време беа зелени, па после станаа економисти, ама цело време се ултра националисти, тоа е факт. Ако ова прашање можело да се реши вака како што го предлагаат, зошто ДУИ и во владите со ВМРО-ДПМНЕ и во владите со СДСМ не го реши ова прашање вака. А одговорот е многу едноставен. Јасна е препораката на Венецијалнската комисија и на сите релевантни тела дека во правосудниот систем мора да се работи на еден јазик и тоа е секако на официјалниот јазик во државата. Во Македонија на цела територија на државата е македонскиот јазик, високо е и албанскиот јазик, но се знае дека официјален на цела територија е македонскиот, изјави вицепремиерот.

Премиерот Мицкоски пред неколку дена посочи дека експерти подготвуваат решение согласно Устав и меѓународни стандарди, а во протестите препозна обид од опозицијата за дестабилизија на државата, за што, како што рече, се известени во НАТО И ЕУ. Од друга страна писма до меѓународните претставници испратиле и Ахмети и Османи со реакција дека Владата погрешно ја претставувала природата на студентските протести етикетирајќи ги како партиски. а ваквите обиди за заблуда, според нив, не ја одразувале вистинската грижа на студентите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер