Економија

Николоски: Коридор 8 го градиме со силна динамика, автопатите и железницата ќе ги изградиме во предвидените рокови

Коридорот 8 го градиме со силна динамика и во делот на автопатиштата и во делот на железницата. На време ќе ја завршиме изградбата на пругата кон Бугарија, онака како што ветивме и како што постигнавме договор со Бугарија.

За изградбата за тунелот ќе продолжиме онаму каде што застанавме со вицепремиерот Караџов. Во западниот дел планираме реконструкција на целата пруга од Скопје преку Јегуновце-Гостивар до Кичево. За делот до границата со Албанија имаме планови и волја, но интерес треба да покаже и другата страна, истакна вицепремиерот Николоски на состанокот посветен на реализација на инфраструктурните проекти на Коридор 8.

“Проценетета вредност за изградба на тертиот дел од пругата кон Бугарија останува ист. Очекувам не подоцна од десетина дена од денеска да излезе и тендерот за изградба, така што во текот на летото да можеме да ги започнеме градежните активности за третата фаза од пругата кон Бугарија, односно делницата која што оди од Крива Паланка до заедничкиот тунел кој што го имаме со Бугарија. Во однос на тунелот, извесно е дека Бугарија ќе има стабилна влада, ќе продолжиме да работиме онаму каде што застанавме со вицепремиерот Караџов и дека во текот на летото и таму ќе бидат завршени работите. Рокот за завршување на пругата останува ист, 2031/2032 година целосно од наша страна да завршат работите. Бугарија ветуваат од нивна страна дека ќе работата со исто тепмо, тие имаат дел да изградат дел да реконструираат” – изјави вицепремиерот Николоски.

Во однос на делот од Бељаковце до Крива Папална, вицепреиерот истакна дека надминати се проблемите и очекува забрзување на градежните работи. Во делот на западниот железнички Коридор 8, истакна дека Македонија има силна волја да ја доизгради пригата, но истакна дека е потребна посветеност и од соседите.

“ Проценката е дека од Кичево до граница со Албанија ќе чини 2 милијарди евра, што се огромни пари и за да имате претстава сите капитални проекти во текот на годината се 750 милиони евра, што значи дека ова се буџети кои надминуваат многу многу години. И ако ние се доведеме до ситуација која ќе застане на границата тогаш тоа би било наивно од наша страна и затоа ја отворам оваа тема. Она што беше изборно ветување на последните избори во Албанија беше изградба на пруга Тирана - Драч-Бар и ние немаме проблем со тоа. Ако имаме јасна заложба и ако видиме иста посветеност и од страна на Албанија, ние ќе најдеме начини да ја изградиме пругата” -истакна вицепремиерот Николоски.

Во делот на патиштата, вицепремиерот истакна дека изградбата на автопатите од Тетово до Гостивар и од Гостивар до Букојчани се одвиваат со предвидената динамика. За автопатот од Кичево до Букојчани се очекува да се избере изведувач најскоро, а истото е предвидено и за автопатот од Скопје до Блаце.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Инклузивен фолклорен настап во Италија

Здружението за поддршка на лица со Даунов синдром „Трисомија 21“ Скопје покажа дека инклузијата може достоинствено да ја претставува нашата држава и надвор од нејзините граници.

На 15 и 16 јуни 2026, членови на Здружението, заедно со дел од членовите на Фолклорниот Ансамбл „Седенка“- Скопје, учествуваа на Интернационалниот фолклорен фестивал „Mare Adriatico” во Лидо ди Јесоло, Италија.

Нашата група беше единствениот инклузивен ансамбл на фестивалот, испраќајќи силна порака дека фолклорот е мост кој ги обединува луѓето, без разлика на нивните различности. Со изведба на македонски народни ора, учесниците ја претставија богатата македонска традиција, култура и обичаи, освојувајќи го вниманието и аплаузите од бројната публика и останатите учесници.

Покрај од Македонија, на фестивалот учествуваа ансамбли од Естонија, Мексико, Грузија, Србија, Чешка и Украина. Настанот беше можност за запознавање на различни култури, создавање нови пријателства и промовирање на вредностите на меѓусебното почитување, еднаквоста и инклузијата.

За членовите на Здружението „Трисомија 21“, ова учество претставува прво меѓународно искуство и доказ дека лицата со Даунов синдром, кога имаат можност , со многу работа и одличен ментор по фолклор, можат рамноправно да учествуваат во културниот и општествениот живот и со гордост да ја претставуваат својата земја.

Со ова претставување, испративме порака дека инклузијата не познава граници и дека заедништвото, традицијата и уметноста се најсилните амбасадори на Македонија.

Тагови: Италија

Македонија

Тошковски на состанокот на високи претставници на Прашкиот процес

Миграциските предизвици бараат заеднички решенија, партнерство и конкретна поддршка.

Министерот за внатрешни работи Панче Тошковски денеска се обрати на отворањето на Состанокот на високи претставници во рамките на Прашкиот процес за миграциски дијалог, кој денес и утре се одржува во Скопје, со учество на претставници на државите членки, меѓународните организации и партнерските институции вклучени во управувањето со миграцијата и азилот.

Во своето обраќање министерот Тошковски истакна дека миграцијата не претставува апстрактна политичка тема, туку реалност со која секојдневно се соочуваат државите, институциите и граѓаните.

„Миграцијата е реалност што ја чувствуваме на нашите граници, во нашите заедници и во животите на луѓето. Македонија низ годините научи дека ефикасното управување со миграцијата бара континуирано вложување во човечките ресурси, модернизација на граничната инфраструктура и блиска соработка со соседните земји и европските агенции“, нагласи министерот Тошковски.

Осврнувајќи се на новиот Пакт на Европската Унија за миграција и азил, министерот потенцираше дека неговата успешна имплементација е можно да се постигне само преку активно вклучување на земјите од Западен Балкан во процесот на усогласување и спроведување на новите политики.

„Пактот нема да може целосно да функционира доколку се применува само во рамките на Европската Унија, а земјите од Западен Балкан останат сами да се справуваат со последиците и предизвиците. Потребна е вистинска соработка, предвидлива финансиска поддршка, оперативна помош и формални механизми за партнерство кои ќе овозможат усогласување на законодавството, размена на информации и реализација на заеднички активности“, истакна Тошковски.

Министерот нагласи дека Македонија останува посветена на модернизацијата на граничното управување, развојот на концептот на паметни граници, зајакнувањето на обуките и размената на информации со партнерските институции, како и на заштитата на ранливите категории граѓани и борбата против криумчарењето мигранти.

Во рамките на состанокот ќе се одржат повеќе тематски сесии посветени на подготовките за Петтата министерска конференција на Прашкиот процес и новиот Акциски план 2028–2032, актуелните миграциски политики во регионот, како и конкретните мерки и активности за справување со миграциските предизвици.

Министерот Тошковски потенцираше дека Прашкиот процес има особено значење затоа што овозможува практична соработка меѓу државите, институциите и експертите кои секојдневно работат на терен.

„Доколку сакаме миграциските политики да дадат резултати, потребно е државите низ кои поминуваат миграциските рути да бидат рамноправно вклучени во креирањето и спроведувањето на решенијата. Само преку заеднички проекти, заеднички капацитети и усогласени процедури можеме да изградиме одржлив систем кој ќе одговори на современите предизвици“, порача министерот Тошковски.

Како домаќин на состанокот, министерот ја потврди подготвеноста на Македонија активно да придонесува во унапредувањето на регионалната и европската соработка во областа на миграцијата и управувањето со границите, со цел создавање поефикасен, посигурен и похуман миграциски систем.

Тагови: Панче Тошковски

Македонија

Кој е Иво Никодимов, новинарот на бугарската БНТ кој манипулираше со фактите во прилогот за Канал 5 ТВ?

Станува збор за новинар кој, според проминентни медиумски работници и експерти од Бугарија, имал нарушен професионален и етички кредибилитет и човек кој изгледа како да тагува по бугарскиот фашистички режим на Борис III и бугарските територии.

На ланските неколкудневни масовни ноемвриски протести против буџетот во Софија, овој новинар наместо да ја прикаже вистинската слика на масовноста на јавниот собир која изнесувала над 50.000 лица, тој ја свртил камерата на другата страна и изјавил дека протестот бил “мирен и непосетен”. Во неговото вклучување, поради неговата одалеченост од самиот протест, не можеле да се слушнат ниту критиките кон Бојко Борисов и Пеевски.

Паралелно со овој негов авантуризам, тој генерира и вознемиреност кај одреден дел од нашиот источен сосед. На својот личен FB профил објави илустрација - мапа на воена Бугарија во периодот од 1940-1944 год, темниот период на Софија кога тогашниот фашистички режим беше дел од оската на Хитлер.

Дополнително, овој историски “романтичар” ја коментира таа историска слика со висока доза на сопствен чемер и меланхолија па вели: “Успесите на бугарската армија и поразите на бугарските политичари”.

Ваков текст на фаворизирање на фашизмот од времето на Втората Светска Војна сигурно немаше да помине барем без јавна осуда во било која друга земја членка на ЕУ.

И сега, токму овој европски јавен радиодифузер БНТ и нивниот новинар не ни овозможуваат нам, на Канал 5 , законски гарантирана форма на одговор на нивниот прилог од 13 јуни, каде и во нивните ставови така и во изјавите на гостите , меѓу кои беше и Бугаринот од Велес, Драги Каров, нотиравме сериозна и загрижувачка доза на ксенофобија, клевети и манипулации.

Да се биде европски јавен сервис, како што е Бугарскиот БНТ, не е доволно да се биде членка на ЕУ, треба да се практикуваат европски но и цивилизациски манири како и европски новинарски и етички стандарди.