Николоски: 10 милиони евра инвестираме само оваа година за инфраструктурен развој на Битола - Канал 5

Македонија

Николоски: 10 милиони евра инвестираме само оваа година за инфраструктурен развој на Битола

Инвестираме 10 милиони евра во Битола оваа година за да го развиеме градот, инфраструктурно да го подобриме и да создадеме услови младите да останат во Битола.

Николоски: 10 милиони евра инвестираме само оваа година за инфраструктурен развој на Битола

Инвестираме 10 милиони евра во Битола оваа година за да го развиеме градот, инфраструктурно да го подобриме и да создадеме услови младите да останат во Битола, истакна заменик претседателот на Владата и министер за транспорт Александар Николоски при денешната работна посета во општина Битола.

Министерот Николоски, заедно со градоначалникот на општина Битола, Тони Коњановски и директорот на АД за стопанисувње со станбен и деловен простор од значење на Републиката, Марјан Стефановски, го означија почетокот на изградба на нова станбена зграда што се реализира преку Акционерското друштво.

Зградата е со вкупно 65 станови, со 100 паркинг места, инвестиција од 209 милиони денари. Министерот Николоски истакна дека во Битола се случува инвестициски развој преку реализација на проекти во патната, комуналната и урбаната инфраструктура.

“ Со оваа инвестиција ќе го регулираме пазарот на недвижности и ќе понудиме многу реални цени на становите. Моментално цената на квадратот во Битола, Охрид, Скопје се многу високи. И со ова зграда можам да најавам дека ќе понудиме за најмалку 30 до 40 проценти пониска цена од онаа што е моментално на пазарот. Ќе ставиме крај на уцените на градежниците и ова е само почеток. Во следната година ќе го развиваме и проектот Купи куќа за млади и ушпте многу други проекти од станбената политика”-истакна министерот Николоски.

“Завршена е реконструкција на 7 улици во населба Недопирливи, во тек е реконструкција на ул. Индустриска околу 700 илјади евра. Денеска се избира изведувач за реконструкција на водоводна и канализациона мрежа на 4 улици, ул. „11 Март“, ул. „Панде Николов“, ул. „Козара“ и ул. „Чеде Филиповски во вредност од 200 илјади евра. Сo одлука на Влада на Битола и се доделени 2,7 милиони евра за оваа година, следната ќе бидат двојно. Исто така се реконструира влезот на Битола околу 2 милиони евра, оваа комерцијална зграда која чини околу 3,5 милиони евра. И со сите овие проекти придонесуваме за економски развој на градот, стимулирање на економијата и отворање на нови работни места”- потенцираше министерот Николоски.

Директорот на АД за станен и деловен простор истакна дека зградата ќе биде завршена до август 2026 година.

За градоначалникот на општина Битола овие проеки се многу значајни за економскиот и урбан развој на општината. Тој потенцираше дека со финаниската подршка од Владата, од вкупно 15 прифатени проекти дури 13 се преку Mинистерството за транспорт, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно и топло со температура до 34 степени, утре предупредување за невреме

Времето денеска ќе биде променливо облачно и топло со сончеви периоди, а попладне на повеќе места се очекува развој на нестабилна облачност проследена со пороен дожд, грмежи и засилен ветер. 

Променливо облачно и топло со температура до 34 степени, утре предупредување за невреме

Ќе дува слаб до умерен ветер од северозападен правец. Минималните температури ќе се движат од 9 до 18 степени, додека максималните ќе достигнат меѓу 28 и 34 степени Целзиусови.

Во Скопје времето ќе биде променливо облачно и топло со сончеви периоди и слаб до умерен ветер од северен правец. Во попладневните часови во делови од котлината ќе има услови за нестабилност со пороен дожд, грмежи и засилен ветер. Температурата ќе се движи од минимални 14 до максимални 32 степени.

Според Управата за хидрометеоролошки работи, и во наредните денови ќе се задржи топло време. Утре на повеќе места се очекуваат врнежи од дожд, грмежи и засилен ветер, а локално се можни и поинтензивни процеси со пообилни врнежи и ретка појава на град. Од четврток следува претежно сончево време со променлива облачност и слаб до умерен северен ветер.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 16. јуни 2026 година

Дневен хороскоп за вторник, 16. јуни 2026 година. 

Дневен хороскоп за 16. јуни 2026 година

Близнаци 21.5.-21.6.

Љубов

Календарот на вашите љубоивни настани е се побогат , па тешко наоѓате слободни термини за сите оние кои сакаат да ви се приближат.

Кариера

Некои ќе планираат големи проекти и ќе градат кули во воздух. Другите ќе работат толку колку да гиз авршат задачите.

Здравје и совет

Опуштете се.

Рак 22.6-22.7.

Љубов

Вашето однесување денеска ќе биде такво што личностите од спротивниот пол со задоволство ќе ве прифаќаат во свое друштво .

Кариера

Немојте да претерувате . Околностите ќе ви одат во прилог , доколку ја следите природата на работата.

Здравје и совет

Мала нервоза.

Лав 23.7-22.8.

Љубов

Забава со пријатели денеска е извесно , а поради тоа саканата личност би можела да ви приговори. Повикајте ја и неа.

Кариера

Малку ќе се фалите со вашите заслуги. Нешто од тоа е реално, а нешто не е. Пофалете ги и другите .

Здравје и совет

Не позајмувате пари од пријатели.

Девица 23.8.-23.9.

Љубов

Некои повторно ќе паднат во искушение за тајна љубов. Нема да знаат што да направат и како да се постават.

Кариера

Со мали чекори некогаш е можно да се направи поголем напредок отколку со сензација и викање. Вие тоа го знаете.

Здравје и совет

Ќе сонувате убави сништа.

Вага 24.9.-23.10

Љубов

Оние кои се трудат да развијат едно познансто до работното место , денеска ќе имаат добар ветар во грбот.Оние во врска се добро.

Кариера

Ќе ја комбинирате познатата традиционална стратегија со оригинални идеи , кои наеднаш ви се појавуваат.

Здравје и совет

Пијте повеќе вода.

Шкорпија 24.10-22.11.

Љубов

Сигурност и верба во подобро утре ќе ве поттикне на личноста која ви се допаѓа да и пристапите со оптимизам.

Кариера

Работите повторно се вртат во ваша корист и ви се отвораат нови можности. Ве радува што тоа може да потрае.

Здравје и совет

Не се нервирајте поради ситници.

Стрелец 23.11.-21.12.

Љубов

Во личните односи ќе внесувате се повеќе нежност и внимание. Тоа ќе биде чекор напред во подобрувањето на вашата врска.

Кариера

Игниорирајте ги провокаторите , кои ви доаѓаат на врата , за да ви направат нервоза. Имате добра иднина и затоа продолжете.

Здравје и совет

Бидете посилни од другите.

Јарец 22.12.-20.1.

Љубов

Нежноста ќе биде главна одлика на денот. Оние во врска ќе се трудат секој слободен момент да го минат со партнерот.

Кариера

Ќе ги надминете сите проблеми со помош на убав збор и трпение. Ќе бидете подготвени на компромиси.

Здравје и совет

Одморете се во природа.

Водолија 21.1.-19.2.

Љубов

Оние кои се во врска денеска ќе се потрудат за да го подобрат својот и сексуалниот живот на својот партнер.

Кариера

Најмногу ќе ве интересираат нејасни , тајни теми или алтернативни методи. Сите други работи ќе ви бидат здодевни.

Здравје и совет

Одете таму каде што ви е убаво.

Риби 20.2.- 20.3.

Љубов

Точно кога помисливте дека сте на коњ, ќе увидите дека цврсто се држите за магаре. Размислете.

Кариера

Можно е дека ќе ви биде предложено нешто за што треба подлабоко да размислите. Затоа не брзајте , туку повлечете се.

Здравје и совет

Несоница.

Овен 21.3-20.4.

Љубов

Многумина денеска ќе сонуваат за идеална љубов и така самите ќи даваат утеха поради она што им се случува во реалноста . Методот не е лош.

Кариера

Работата ќе ја одработите толку површно , што едвај ќе дочекате да си одите дома. таму ќе се занимавате со нешто што ви е интересно и што ве опушта .

Здравје и совет

Почнете да вежбате.

Бик 21.4- 20.5.

Љубов

Доколку денеска излезете , ќе успеете да се забавувате , но не очекувајте некое зближување. Односите ќе останат на површинско ниво.

Кариера

Добро ќе комуницирате и ќе разменувате идеи. Оние кои учат , ќе знаат да го спојат знаењето со креативноста.

Здравје и совет

Откријте ја својата слаба точка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Марија Митева и Каја Шукова вечерва во „Само вистина“

Вечерва во „Само вистина“ гости ќе бидат Марија Митева и Каја Шукова

Марија Митева и Каја Шукова вечерва во „Само вистина“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер