По речиси 24 часа од несреќата , полицијата соопшти дека 11 мажи и 9 жени , од кои повеќето Швајцарци загинале кога се урнал репарираниот авион од Втората светска војна со кој биле на туристичко разгледување на Алпите.
Сопственик на авионот е компанијата Јуер , која нуди патувања со стари воени авиони. Според полицијата , од авионот немало повик за помош што дополнително ќе ја отежни истрагата. Како што изјави Даниел Кнајхт од Агенцијатаз а безбедност на сообраќајот, авионот со голема брзина , речиси вертикално удрил во планинските падини на височина од 2350 метри.
Авионот Јункерс бил направен во 1939 година во Германија , а од 1982 година го користи команијата Јуер , основана од љубители на военото воздухопловство. Компанијата има четири воени авиони Јункер , а досега имало само еден инцидент во 1987 година , кога никој не бил повреден .
Со авионите управуваат воени и цивилни пилоти. Авионот полетал од местото Тичин на југот на Швајцарија и требало да слета на воениот аеродром во близина на Цирих.