Никој не го препознава Луис Хамилтон во виолетова плетена капа со маргаритки (ФОТО)

Луис Хамилтон ги забавува и изненади фановите со облеката во која се појави на трката за Големата награда на Белгија.

Имено, популарниот Англичанец носел виолетова тафтана јакна, маица во иста боја и широки панталони.

Неговиот моден избор во овој случај можеби и немаше да биде толку забележлив доколку не се решише да го надополни со чудна плетена капа која ги покажуваше само очите. Капата беше виолетова, украсена со маргаритки и многумина ги потсетуваше на нешто што би го плетела нечија баба.

Еден корисник на социјалните мрежи коментирал дека Хамилтон изгледа како неговата „баба да му плетела облека за овој настан, па тој морал да ја облече затоа што ѝ ветил“.

Друг додаде дека Хамилтон бил прилично смел кога чекорел во ова издание, додека трет заклучил дека модата е „интересна индустрија“.

Инаку, Хамилтон има специфичен однос кон модата и често се појавува во необични комбинации. Минатата година тој на Мет Гала се појави во црн костум под кој носеше долга кошула со детали од тантела.

Покрај тоа, Хамилтон посетува модни ревии, а еднаш рече дека тоа го инспирира: „Кога сум на модната недела, опкружен сум со луѓе од сосема поинаква професија. Ги гледам како се изразуваат на сосема поинаков начин. Ми се допаѓа таа средина затоа што таму можам да се изразам.Потоа се префрлам на трките.“

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер