Свет

Нигер сака со Русија да гради нуклеарни реактори и да експлоатира ураниум

Министерот за рударство на Нигер, Усман Абарчи на Форумот за нуклеарна енергија, што се одржува во Москва, изјави дека неговата земја сака да изгради два нуклеарни реактори од 2.000 мегавати во партнерство со „Росатом“.

- Реакторите би се граделе под надзор на Меѓународната агенција за нуклеарна енергија (МААЕ). Да, многу сме амбициозни, но тоа ни е многу важно, всушност е многу важно за целиот африкански континент, посочи Абарачи.

Руската државна компанија за нуклеарна енергија „Росатом“ во јули потпиша меморандум за разбирање со Министерството за енергетика на Нигер, кој предвидува соработка во областа на нуклеарната енергија и нуклеарната технологија. Нигер вчера предложи соработка и развој на наоѓалиштата на ураниум.

- Предлозите се исклучително интересни, изјави директорот на „Росатом“, Алексеј Лихачев.

Нигер минатата година беше на осмото место на светската ранг-листа на производители на ураниум. Околу 5.000 тони ураниум има во северните делови на Нигер.

„Росатом“ вчера потпиша документ за изградба на нуклеарна електрана и со Етиопија.

Единствена африканска земја што има нуклеарна електрана е Јужноафриканската Република.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Серија земјотреси на островот Вануату во Тихиот Океан

Серија земјотреси, со јачина од 4,8 до 6,0 степени според Рихтеровата скала, денеска ја погодија островската држава Вануату во Тихиот Океан, соопшти Европско-медитеранскиот сеизмолошки центар (EMSC).

Епицентарот на најсилниот земјотрес бил на отворено море, на длабочина од десет километри и на 523 километри од главниот град на Вануату, Порт Вила.

Засега нема извештаи за повредени лица или за материјална штета.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Избори во Израел, двата политички блока се изедначени во Кнесетот

Излезните анкети од парламентарните избори во Израел покажуваат неизвесен исход.Ниту Бенјамин Нетанјаху ниту Гади Ајзенкот засега немаат јасно мнозинство.

Според првичните процени, двата политички блока се речиси изедначени во парламентот. Арапските партии се очекува да освојат од 18 до 19 пратенички места.Нивната поддршка може да биде клучна за формирање на новата влада.Излезноста беше рекордна достигна 77,7 проценти, највисока од изборите во 1999 година.

Нетанјаху повика на формирање силна десничарска национална влада.Ајзенкот, пак, најави формирање влада што ќе ги претставува сите граѓани.конечните резултати ќе зависат и од пребројувањето на преостанатите гласови. По објавувањето на резултатите, претседателот ќе го задолжи кандидатот за кој смета дека може да формира коалиција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Вардар против Мт Мелсунген на домашен терен ја завршува сезоната во ЕХФ Лигата на шампионите

Македонскиот ракометен шампион Вардар вечерва од 18-45 часот во Јане Сандански ја затвара сезоната на европската сцена. противник на црвено црните е силниот германски преставник Мт Мелсунген.

Црвено-црните пред домашната публика ја затвораат европската сезона.

РК Вардар 1961 денес, 28 октомври, од 18:45 часот, во СЦ „Јане Сандански“ го пречекува германскиот МТ Мелсунген во натпреварот од шестото, последно коло од групната фаза на ЕХФ Лигата на шампионите.

Црвено-црните ќе се борат за втора победа во европската елита, со желба сезоната да ја заокружат со триумф пред своите навивачи. Поддршката од трибините ќе биде дополнителен мотив за Вардарци да го дадат максимумот и да се обидат да му се реваншираат на германскиот тим за поразот од 33:31 на првиот меѓусебен дуел во Касел, кога Вардар до самиот крај беше во игра за позитивен резултат.

Како горд партнер и силен поддржувач на РК Вардар 1961, Видеолотарија Касинос Австрија е повторно со црвено-црните и во овој нивен европски предизвик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.