Ни по 33 години не се знае каде е погребан Фреди Меркјури - Мери го одржа ветувањето - Канал 5

Шоу биз

Ни по 33 години не се знае каде е погребан Фреди Меркјури - Мери го одржа ветувањето

На денешен ден во 1991 година почина британскиот пејач и член на рок групата Квин, Фреди Меркјури.

Ни по 33 години не се знае каде е погребан Фреди Меркјури - Мери го одржа ветувањето

Еден ден пред да почине, Меркјури му призна на светот дека е заразен со ХИВ, што во тоа време беше табу тема. Но, познатиот пејач во текот на животот имал уште многу тајни, а огромното мнозинство од нив ги знаела една жена. Мери Остин, неговата поранешна партнерка и љубов од неговите млади денови. Тие беа заедно во раните 70-ти и останаа заедно шест години.

Познато е дека Фреди бил бисексуалец, но и покрај сите мажи со кои спиел, тој никогаш не престанал да ја сака. Беа свршени додека еден ден тој конечно ѝ признал дека е бисексуалец.

„Беше огромно олеснување да го слушнам тоа од него. Чувствував како тежок товар е тргнат од мене. Уживав во фактот што можеше да биде искрен со мене. Се разбира, откако зборуваше за тоа, тој беше друга личност. Тој беше како личност што ја познавав во моите рани години“, рече таа во документарниот филм „Фреди Меркјури - Нераскажана приказна“ од 2000 година.

Мери остана покрај него и ги чуваше сите негови тајни, дури и најголемата. Имено, Фреди не сакал никој кога умрел да дознае каде е неговата урна со пепел, за никој да не му го уништи гробот, па таа тајна ѝ ја доверил на жената за која секогаш тврдел дека е љубовта на неговиот живот.

Мери никогаш не го изневерила. Што правела со неговата урна, не сакала да им открие ниту на неговите родители цели 33 години. Меркјури ѝ оставил имот во Лондон и 9 милиони фунти во кеш. Кога тој починал, таа имала здравствени проблеми и често била на суд поради наследството.

Пред да умре, тој ѝ рекол на Мери дека ќе ѝ остави сѐ и дека куќата ќе биде голем предизвик, иако таа тогаш не го сфатила тоа.

„Помислив: „О, Фреди, ти ме остави со толку многу товар“. Мислев дека не можам да се справам со тоа. Тој ме предупреди дека куќата ќе биде поголем предизвик отколку што сфаќав. Благодарна сум му што ме предупреди затоа што брзо се соочив со голема љубомора“, рече еднаш Мери, која тешко се справувала со неговата смрт.

"Кога умре, се чувствував како да го изгубив сопругот. Бевме заедно во сиромаштија, во богатство, во болести и во здравје. Единствениот начин да се разделиме беше смртта, па дури и тоа беше тешко", рекла таа.

Освен по богатата музичка кариера, Меркјури беше познат и по бурниот љубовен живот. Според неговите пријатели, тој бил во врска со стотици мажи. Многумина кои го познавале велат дека многу се плашел да остане сам, особено навечер. Тој самиот изјави дека неговото промискуитетно однесување всушност било обид да ја излечи осаменоста што го мачела и да ги залечи лузните што му ги оставиле врските. Беше склон кон секс без никаков емоционален ангажман. Уживаше во сексот заради секс, но му требаше и сигурност која доаѓа со стабилна врска, па постојано се трудеше да ги има и двете, што и самиот еднаш го призна.

„Сакам да имам сѐ. Сакам безбедност, но сакам и слобода“.

Тој секогаш ги држеше родителите на дистанца. Кон крајот на летото 1988 година, тој ги запознал со Џим Хатон, но имал измислена приказна за нив. Тој го претставил Хатон како свој градинар и му рекол дека ако го прашаат, треба да каже дека спие во Розовата соба. Родителите не се посомневале во таа приказна. Тие никогаш не ја коментирале природата на неговиот однос со Џим, кој често го возел на неговите неделни посети дома во следните месеци.

Хатон, кој е роден во Ирска во 1949 година, не го ни препознал Меркјури кога првпат се сретнале, а кога сфатил кој е тој, не бил премногу импресиониран. Средбата се одржала во еден клуб во 1985 година, а Хатон, кој во тоа време имал партнер, ја одбил понудата на Меркјури да му плати за пијалоците. Тие „кликнале“18 месеци подоцна, а по една година врска живееле заедно.

Со него останал до крајот на животот, а често велел дека тие двајца се сродни души. Хатон, исто како и Фреди, бил ХИВ позитивен и дознал во 1990 година. Тој починал во 2010 година.

Повеќето мажи кои Меркјури ги собрал, ги однел во својот стан на една ноќ, иако имал и неколку врски, кои биле бурни. Успешно се справувал со болеста до 1991 година. Живеел две или три години подолго од просечниот пациент со СИДА во тоа време.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ева Лонгорија укажува на проблем со кој се соочуваат милиони жени

По повод Денот на еднакви плати за жените од латиноамериканско потекло, кој се одбележува на 8 октомври, актерката и режисерка Ева Лонгорија преку социјалните мрежи го сврте вниманието кон јазот во платите во САД.

Ева Лонгорија укажува на проблем со кој се соочуваат милиони жени

Во својата објава, таа истакна дека жените од латиноамериканско потекло во просек заработуваат само 53 центи за секој долар што го заработуваат белите мажи кои не се од латиноамериканско потекло.

Жените имигранти се соочуваат со уште полоша ситуација

Лонгорија објасни дека оваа бројка се однесува на сите вработени жени од латиноамериканско потекло, вклучително и на оние што работат сезонски или со скратено работно време. Покрај објавата, таа сподели и своја фотографија на која носи бела маица со слоган за зајакнување на жените, како и неколку инфографици што го илустрираат јазот во заработката.

Според еден од инфографиците, жените имигранти се во уште понеповолна положба, бидејќи заработуваат само 43 центи за секој долар што го заработуваат мажите земени за статистичка споредба. Лонгорија исто така објави фотографија од група жени кои протестираат за своите права и држат транспаренти.

Тагови: Ева Лонгорија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ријана откри дека во „сефот“ чува купишта нова музика, дури 170 необјавени песни

Се чини дека Ријана цело време чувала голем дел од својата музика за себе.

Ријана откри дека во „сефот“ чува купишта нова музика, дури 170 необјавени песни

38-годишната пејачка откри за време на преносот во живо на TikTok за нејзиниот бренд Fenty Beauty на 7 октомври дека има околу 170 необјавени песни, објави Пипл. Ова им даде на обожавателите увид во тоа колку музика собрала за време на нејзината долга пауза од објавување на целосен албум.

Зборувајќи за нејзината необјавена работа, Ријана рече:

„Ако има 10 производи во сеф, тогаш имам најмалку 17 сефови.“

Откритието доаѓа додека обожавателите продолжуваат со нетрпение да го очекуваат нејзиниот деветти студиски албум, кој треба да го наследи ANTI од 2016 година. Долгата пауза на Ријана од сцената е една од најгледаните и најочекуваните во историјата на поп музиката. Нејзиниот последен студиски албум донесе хитови како Work, Needed Me и Love on the Brain.

Сепак, пејачката јасно стави до знаење дека не ја оставила целосно музиката зад себе. Во август, нејзиниот партнер, раперот A$AP Rocky (38), потврди за време на гостувањето во „Шоуто на Џејсон Ли“ дека Ријана се вратила во студиото и работи на нов материјал. Кога го прашале дали е виновен за нејзината долга пауза, раперот одговорил:

„Никако. Таа е во студиото во моментов. Да, го кажав тоа. Извини, бејби.“

Потоа додаде:

„Човече, таа работи. Готви нешто, не се шегувам. Човече, ова ќе ме доведе во неволја.“

Ријана претходно зборуваше за плановите за нејзиниот деветти албум. Минатата година, таа за Harper’s Bazaar изјави дека конечно го „открила кодот“ за музичката насока на целиот проект. Таа рече:

„Ова време поминато подалеку од музиката мора да има влијание врз она што сите ќе го слушнат следно. Мора да вреди. Мора да биде важно. Морам да им покажам дека вредеше да се чека. Не можам само да издадам нешто просечно.“

Таа, исто така, наговести дека звукот на албумот нема да биде она што публиката го очекува:

„Нема да биде ништо што некој го очекува. И нема да биде комерцијален или радио-пријателски. Ќе биде токму таму каде што мојата уметност заслужува да биде токму сега.“

Во годините по ANTI, Ријана беше посветена на градење на својата модна и козметичка империја преку нејзините брендови Fenty Beauty и Savage X Fenty. Таа триумфално се врати на сцената во 2023 година со настап на полувремето на Super Bowl LVII, каде што изведе голем број од своите најголеми хитови, а исто така откри дека е бремена со своето второ дете.

Ријана и Асап Роки го добија својот прв син, RZA, во 2022 година, по што следеше нивниот син Рајот во 2023 година, а нивната ќерка Роки се роди во 2025 година.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Безос: „Можеме да стигнеме до Месечината за три дена“

Во Вашингтон се кројат големи планови – САД имаат намера не само да се вратат на Месечината, туку овој пат и да останат таму.

Безос: „Можеме да стигнеме до Месечината за три дена“

Сопственикот на „Амазон“, Џеф Безос, кој е и основач на компанијата за вселенски летови „Блу Ориџин“, неодамна зборуваше за американските медиуми за патувањата до Месечината.

„Овој пат одиме на Месечината за да останеме“, изјави Безос, додавајќи дека тоа нема да биде „само уште една мисија од која се враќате дома“.

„Ќе изградиме вистинска, одржлива база од која ќе можеме да ја истражуваме Месечината и да откриваме интересни работи“, додаде Безос.

Тој истакна дека мисијата на Месечината во 1969 година барала инвестиција од околу 3% од БДП на САД и наведе дека „луѓето ќе можат да летаат до Месечината уште во 2028 година“.

„Мораме да ја победиме Кина во ова и верувам дека ќе успееме“, рече Безос.

Тој исто така го изрази своето уверување дека Месечината – до која, како што напоменува, може да се стигне за три дена – ќе послужи како клучна логистичка станица за идните човечки мисии до Марс.

Извор: Б92

Тагови: месечината Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер